Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба қарори Ҳукумати Ҷумҳурии Тоҷикистон аз 12 апрели соли 1999, № 154

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба қарори Ҳукумати Ҷумҳурии Тоҷикистон аз 12 апрели соли 1999, № 154 "Дар бораи тасдиқи Тартиби корбурди дафтарчаи меҳнатии кормандон" тағйироти зерин ворид карда шавад:

- банди 4 дар таҳрири зайл ифода карда шавад:

"Вазорати меҳнат ва ҳифзи иҷтимоии аҳолии Ҷумҳурии Тоҷикистон роҳбарии методӣ ва назорати саривақтии дуруст пур кардани дафтарчаҳои меҳнатӣ, баҳисобгирӣ, нигоҳдорӣ ва додани онҳоро анҷом диҳад";

- дар банди 5 калимаҳои "Вазорати меҳнат ва ҳифзи иҷтимоии аҳолии Ҷумҳурии Тоҷикистон" ба калимаҳои "Корхонаи воҳиди давлатии Комплекси табъу нашри "Шарқи озод"-и Дастгоҳи иҷроияи Президенти Ҷумҳурии Тоҷикистон" иваз карда шаванд,

2) Ба Тартиби корбурди дафтарчаи меҳнатии кормандон, ки бо қарори Ҳукумати Ҷумҳурии Тоҷикистон аз 12 апрели соли 1999, № 154 тасдиқ карда шудааст, тағйироти зерии ворид карда шавад:

- аз номи матни тоҷикӣ калимаи "Дастурамали" хориҷ карда шавад;

- аз сархати сеюми банди 1 калимаҳои "хоҷагиҳои ёрирасони шахсӣ, фаъолияти хусусӣ" хориҷ карда шаванд.