Ҳукумати Ҷумҳурии Тоҷикистон

ҚАРОР

Дар бораи тартиби маблағгузории фаъолияти бақайдгирии давлатии дактилоскопӣ

Мутобиқи моддаи 8(1) Қонуни Ҷумҳурии Тоҷикистон "Дар бораи бақайдгирии давлатии дактилоскопӣ" Ҳукумати Ҷумҳурии Тоҷикистон қарор мекунад:

1) Тартиби маблағгузории фаъолияти бақайдгирии давлатии дактилоскопӣ тасдиқ карда шавад (замима мегардад).

2) Вазорати корҳои дохилии Ҷумҳурии Тоҷикистон номгӯи хизматрасониҳои пулакии Маркази бақайдгирии давлатии дактилоскопии Вазорати корҳои дохилии Ҷумҳурии Тоҷикистон ва ҳаҷми тарифҳои чунин хизматрасониҳоро дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон муайян ва тасдиқ намояд.