Ҳукумати Ҷумҳурии Тоҷикистон

ҚАРОР

Дар бораи таъсиси Гурӯҳи миллии ҳамоҳангсозии байниидоравӣ оид ба масъалаҳои татбиқи Стратегияи миллии идора намудани сарҳад

Мутобиқи моддаи 29 Қонуни Ҷумҳурии Тоҷикистон "Дар бораи Сарҳади давлатии Ҷумҳурии Тоҷикистон" ва бо мақсади татбиқи Стратегияи миллии идора намудани сарҳад, ки бо қарори Ҳукумати Ҷумҳурии Тоҷикистон аз 29 апрели соли 2010, № 202 тасдиқ гардидааст, Ҳукумати ҶумҳурииТоҷикистон қарор мекунад:

1) Гурӯҳи миллии ҳамоҳангсозии байниидоравӣ оид ба масъалаҳои татбиқи Стратегияи миллии идора намудани сарҳад таъсис дода шавад.

2) Низомнома ва Ҳайати замимагардидаи Гурӯҳи миллии ҳамоҳангсозии байниидоравӣ оид ба масъалаҳои татбиқи Стратегияи миллии идора намудани сарҳад тасдиқ карда шаванд.

3) Аз эътибор соқит дониста шаванд:

- қарори Ҳукумати Ҷумҳурии Тоҷикистон аз 24 декабри соли 2003, № 539 "Дар бораи таъсиси Комиссияи байниидоравӣ оид ба танзими масъалаҳои идораи сарҳади давлатӣ дар назди Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 2 ноябри соли 2007, № 554 "Дар бораи ворид намудани тағйирот ба қарори Ҳукумати Ҷумҳурии Тоҷикистон аз 24 декабри соли соли 2003, № 539".