Ҳукумати Ҷумҳурии Тоҷикистон

ҚАРОР

Дар бораи гирифтан ва ба мақомоти иҷроияи ҳокимияти давлатии ноҳияи Тоҷикобод додани қитьаҳои замин

Мутобиқи моддаҳои 26(1), 29 ва 30 Кодекси замини Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Аз ҳисоби заминҳои хоҷагиҳои деҳқонӣ ва қитъаи навъсанҷии ноҳияи Тоҷикобод бо масоҳати умумии 272,59 гектар, аз ҷумла: 78,41 гектар замини корами лалмӣ ва 194,18 гектар чарогоҳ гирифта, барои замини маҳалҳои аҳолинишини мақомоти иҷроияи ҳокимияти давлатии ноҳияи Тоҷикобод ба 1598 оилаи эҳтиёҷманд ва 126 оилаи аз офати табиӣ зарардида дода шавад.

2) Гирифтани қитъаҳои замин бо тартиби зерин амалӣ карда шавад:

- аз заминҳои хоҷагии деҳқонии "Боқӣ Раҳимзода" ба масоҳати 80,63 гектар чарогоҳ;

- аз заминҳои хоҷагии деҳқонии "М.Турсунзода" ба масоҳати 30,90 гектар, аз ҷумла: 28,65 гектар замини корами лалмӣ ва 2,25 гектар чарогоҳ;

- аз заминҳои хоҷагии деҳқонии "Лангари Шоҳ" ба масоҳати 12,50 гектар, аз ҷумла: 6,10 гектар замини корами лалмӣ ва 6,40 гектар чарогоҳ;

- аз заминҳои хоҷагии деҳқонии "Эбгӣ" ба масоҳати 0,70 гектар чарогоҳ;

- аз заминҳои хоҷагии деҳқонии "А.Қаландаров" ба масоҳати 8,17 гектар замини корами лалмӣ;

- аз заминҳои хоҷагии деҳқонии "Сулҳ" ба масоҳати 7,33 гектар чарогоҳ;

- аз заминҳои хоҷагии деҳқонии "Меҳнат" ба масоҳати 6,15 гектар замини корами лалмӣ;

- аз заминҳои хоҷагии деҳқонии "Наврӯз" ба масоҳати 38,95 гектар чарогоҳ;

- аз заминҳои хоҷагии деҳқонии "Ваҳдат" ба масоҳати 12,54 гектар чарогоҳ;

- аз заминҳои хоҷагии деҳқонии "Ҳаёти нав" ба масоҳати 1,87 гектар чарогоҳ;

- аз заминҳои хоҷагии деҳқонии "Ҳайдар Қосимов" ба масоҳати 32,59 гектар, аз ҷумла: 2,0 гектар замини корами лалмӣ ва 30,59 гектар чарогоҳ;

- аз заминҳои хоҷагии деҳқонии "Сари Най" ба масоҳати 17,57 гектар, аз ҷумла: 11,21 гектар замини корами лалмӣ ва 6,36 гектар чарогоҳ;

- аз заминҳои хоҷагии деҳқонии "Себзор" ба масоҳати 7,26 гектар, аз ҷумла: 0,70 гектар замини корами лалмӣ ва 6,56 гектар чарогоҳ;

- аз заминҳои хоҷагии деҳқонии "Д.Тауров" ба масоҳати 15,43 гектар замини корами лалмӣ.

3) Мақомоти иҷроияи ҳокимияти давлатии ноҳияи Тоҷикобод:

- ба ивази заминҳои гирифташуда ба хоҷагиҳои деҳқонӣ заминҳои баробарарзиш ҷудо намояд;

- қитъаҳои заминро барои замини наздиҳавлигӣ баъди гирифтани ҳосили рӯёнидашуда диҳад.

4) Кумитаи давлатии заминсозӣ ва геодезии Ҷумҳурии Тоҷикистон дар ҳуҷҷатҳои кадастри замин тағйироти дахлдор ворид намояд.