Бо фармони Президенти ҶТ аз 14.08.2015 № 539 аз эътибор соқит дониста шуд.

ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи сохтори Прокуратураи генералии Ҷумҳурии Тоҷикистон

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон", фармон медиҳам:

1. Сохтори зерини Прокуратураи генералии Ҷумҳурии Тоҷикистон тасдиқ карда шавад:

Роҳбарият

Раёсати кадрҳо

Раёсати ташкили кор ва қабули шаҳрвандон

Раёсати назорати умумӣ

Раёсати назорати иҷрои қонунгузории андоз ва гумрук

Раёсати назорати тафтишоти пешакӣ дар мақомоти прокуратура

Раёсати назорати иҷрои қонунҳо дар мақомоти корҳои дохилӣ ва назорати маводи нашъаовар

Раёсати назорати иҷрои қонунҳо дар мақомоти амнияти миллӣ

Раёсати назорати иҷрои қонунҳо дар мақомоти назорати давлатии молиявӣ ва мубориза бо коррупсия

Раёсати тафтиши парвандаҳои ҷиноятии махсусан муҳим

Раёсати назорати қонунӣ будани санадҳои судӣ оид ба парвандаҳои ҷиноятӣ

Раёсати назорати қонунӣ будани санадҳои судӣ оид ба парвандаҳои иқтисодӣ, гражданӣ, оилавӣ ва маъмурӣ

Раёсати муносибатҳои байналмилалӣ ва таблиғоти ҳуқуқӣ

Раёсати молиявию хоҷагӣ

Шӯъбаи назорати иҷрои қонунҳо оид ба ноболиғон ва ҷавонон

Шӯъбаи назорати иҷрои қонунҳо дар ҷойҳои ҳабси пешакӣ ва иҷрои ҷазои ҷиноятӣ

Шӯъбаи омор ва таҳлил

Ёрдамчиёни калои ва ёрдамчиёни Прокурори генералии Ҷумҳурии Тоҷикистон

Маркази такмили ихтисоси кормандони мақомоти прокуратура.

2. Муқаррар карда шавад, ки воҳидҳои сохторӣ дар таркиби раёсатҳо ва шӯъбаҳои Прокуратураи генералии Ҷумҳурии Тоҷикистон аз тарафи Прокурори генералии Ҷумҳурии Тоҷикистон дар доираи воҳидҳои кории муқарраргардида ташкил карда мешаванд.

3. Фармони Президенти Ҷумҳурии Тоҷикистон аз 28 феврали соли 2006 №1708 "Дар бораи сохтори Прокуратураи генералии Ҷумҳурии Тоҷикистон" аз эътибор соқит дониста шавад.