Ҳукумати Ҷумҳурии Тоҷикистон

ҚАРОР

Дар бораи тасдиқи Номгӯи корҳои ҷамъиятӣ

Мутобиқи моддаи 22 Қонуни Ҷумҳурии Тоҷикистон "Дар бораи мусоидат ба шуғли аҳолӣ" Ҳукумати Ҷумҳурии Тоҷикистон қарор мекунад:

1) Номгӯи корҳои ҷамъиятӣ тасдиқ карда шавад (замима мегардад).

2) Ба қарори Ҳукумати Ҷумҳурии Тоҷикистон аз 4 марти соли 2005, № 93 "Дар бораи тасдиқи Қоидаҳои ташкил, шартҳои гузаронидан ва Номгӯи корҳои ҷамъиятӣ" тағйиротҳои зерин ворид карда шавад:

- дар ном ва банди 1 қарор калимаҳои "ташкил, шартҳои гузаронидан ва номгӯи" ба калимаҳои "ташкил ва гузаронидани" иваз карда шаванд;

- дар ном ва банди 1 Қоидаҳои ташкил, шартҳои гузаронидан ва Номгӯи корҳои ҷамьиятӣ калимаҳои "ташкил, шартҳои гузаронидан ва номгӯи" ба калимаҳои "ташкил ва гузаронидани" иваз карда шаванд:

- номи Боби II дар таҳрири зайл ифода карда шавад:

-"Шартҳои гузаронидани корҳои ҷамъиятӣ".

Номгӯи корҳои ҷамъиятӣ

1. Ҷамъоварии ҳосили пахта

2. Ҷамъоварӣ ва ба навъҳо ҷудокунии сабзавот ва мевагиҳо

3. Барқарорсозӣ ва иваз намудани аломатҳои огоҳкунанда дар роҳ

4. Барқарорсозӣ ва таъмири масҷиду ҷойҳои муқаддас

5. Барқарорсозӣ ва нигоҳдории ёдгориҳои меъморию таърихӣ, минтақаҳои истироҳатӣ, боғҳои истироҳатӣ, гулгаштҳо

6. Сабзонидани кӯчатҳо, хишова, буридани дарахтон, буридан ва тоза кардани навниҳолон, токзорҳо, даравидани алаф ва ғ

7. Барқарорсозии бешаву ҷангалзорҳо баъд аз офатҳои табиӣ

8. Бастабандии маҳсулоти тайёр

9. Ба тартиб овардани ёдгориҳо, қабристонҳо ва нигоҳдории қабрҳо

10. Сотмон, таъмири роҳҳо ва кӯпрукҳо

11. Омодасозии қуттиҳо барои маҳсулоти кишоварзӣ

12. Боркашонӣ

13. Буридани дарахтон ва буттаҳо аз таги хати барқ

14. Вайронкунии сохтмонҳои ғайриқонунӣ

15. Вайрон кардани хонаҳои ғайри қобили истифода

16. Васлкунӣ ва таъмири мебел

17. Дарави ғалла

18. Безараргардонӣ, тозакунии обанбор ва таҳхонаҳо

19. Захираи ему хошок ва ғарамкунии коҳ

20. Гузаронидани таҳқиқотҳои оморӣ, сотсиологӣ, барӯйхатгирии аҳолӣ, барӯйхатгирии чорво, пурсишҳои афкори омма, корҳо дар комиссияҳои интихоботӣ ва ғ.

21. Сохтмони нерӯгоҳҳои хурди барқи обӣ

22. Корҳои ғайритахассусӣ дар муассисаҳо дар давраи таҷдид ва тағйири шакли фаъолият

23. Корҳои ёрирасон дар гармхонаҳо, корхонаҳои коркарди маҳсулоти хӯрока, нонпазӣ, корхонаҳои хиштпазӣ ва пахтатозакунӣ

24. Корҳои ёрирасон оид ба кашидани хатҳои барқ ва алоқа

25. Ёрирасонӣ ҳангоми газификатсияи маҳалҳои аҳолинишин

26. Ёрирасонӣ дар бойгонӣ

27. Корҳои обёрӣ ва ирригатсионӣ

28. Корҳои рангумолкунӣ ва андова

29. Кофтан ва тоза намудани ҷуйю каналҳо

30. Корҳои соҳилмустаҳкамкунӣ

31. Хизматрасонӣ ва нигоҳубини пиронсолон ва маъюбон

32. Моҳидорӣ дар давраи мавсими шикори моҳи

33. Мураббияҳо дар майдончаҳои кӯдакон дар фасли тобистон

34. Мубориза бо зараррасонандагони хоҷагии қишлоқ (малах, гамбуси колорадӣ ва ғ.)

35. Навкунии лавҳачаҳои номи кӯчаҳо ва рақамҳом биноҳо

36. Обёрӣ намудани ҷангалу боғот, гулу гулбуттаҳо ва пахтазорҳо

37. Ободонӣ ва рӯбучинӣ бозорҳо, кӯчаҳо, пиёдагардҳо, фермаҳо, анборҳо ва маҳалаҳо

38. Сохтмон ва ободонии иншоотҳои ҷашнӣ

39. Омодасозӣ, аз ҷумла шудгор ва побелкунии замин ба мавсими кишт

40. Омодасозӣ ва гузоштани монеаҳои ҳифзкунанда аз селу обхезӣ

41. Паҳн намудани нашрияҳо

42. Паҳн намудани рекламаҳо

43. Пошидани кум ва шағал дар фасли зимистон дар роҳҳо

44. Корҳои ёрирасон дар чорабиниҳои истироҳатии тобистонаи кӯдакон ва наврасон

45. Рӯбучини утойҳои меҳмонхонаҳо, қаҳвахонаҳо, ошхонаҳо ва ғ.

46. Ҷамъоварии пашму пӯст

47. Таъмир ва саҳифабандии китобҳо

48. Тоза намудани роҳҳо аз лою ахлот дар ҷойҳои ба техника дастраснабуда

49. Хизматрасонӣ дар чорабиниҳои намошҳои хусусияти фарҳангидошта (фестивалҳо, мусобиқаҳои варзишӣ ва ғ.)

50. Шустани тирезаҳои биноҳои истеҳсолӣ ва ғайриистеҳсолӣ;

51. Шустани либосу зарфҳо дар муассисаҳои иҷтимоӣ

52. Ёрирасонӣ дар ҳафриёти археологӣ

53. Ҷамъоварии гиёҳҳои табобватӣ, писта, чормағз бодом ва ғ.