Ҳукумати Ҷумҳурии Тоҷикистон

ҚАРОР

Дар бораи Стратегияи Ҷумҳурии Тоҷикистон дар соҳаи илм ва технология барои солҳои 2011-2015

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 6 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1) Стратегияи Ҷумхурии Тоҷикистон дар соҳаи илм ва технология барои солҳои 2011-2015 тасдиқ карда шавад (замима мегардад).

2) Вазорату идораҳо, Академия илмҳои Ҷумҳурии Тоҷикистон, академияҳои илмҳои соҳавӣ ва мактабҳои таҳсилоти олӣ иҷрои Стратегияи Ҷумҳурии Тоҷикистон дар соҳаи илм ва технология барои солҳои 2011-2015-ро таъмин намоянд.

3) Назорати иҷрои Стратегияи Ҷумҳурии Тоҷикистон дар соҳаи илм ва технология барои солҳои 20-11-2015 ба зиммаи Академияи илмҳои Ҷумҳурии Тоҷикистон гузошта шавад. Академияи илмҳои Ҷумҳурии Тоҷикистон ҳар сол ба Ҳукумати Ҷумхурии Тоҷикистон доир ба иҷрои Стратегия ҳисобот пешниҳод намояд.

4) Қарори Ҳукумати Ҷумҳурии Тоҷикистон аз 1 августи соли 2006, № 362 "Дар бораи Стратегияи Ҷумҳурии Тоҷикистон дар соҳаи илм ва технология барои солҳои 2007-2015" аз эътибор соқит дониста шавад.