ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи такмили минбаъдаи сохтори мақомоти марказии ҳокимияти иҷроияи Ҷумҳурии Тоҷикистон

Мутобиқи моддаи 69 Конститутсияи (Сарқонуни) Ҷумҳурии Тоҷикистон ва бо мақсади такмили минбаъдаи сохтори мақомоти марказии ҳокимияти иҷроияи Ҷумҳурии Тоҷикистон фармон медиҳам:

1) Вазорати нақлиёт ва коммуникатсияи Ҷумҳурии Тоҷикистон Вазорати нақлиёти Ҷумҳурии Тоҷикистон номгузорӣ карда шавад.

2) Ба Вазорати нақлиёти Ҷумҳурии Тоҷикистон вазифаҳои таҳия ва татбиқи сиёсати давлатӣ, инчунин батанзимдарории меъёрии ҳуқуқӣ дар соҳаи нақлиёт ва хоҷагии роҳ вогузор карда шавад.

3) Ҳукумати Ҷумҳурии Тоҷикистон бо тартиби муқарраргардида:

а) Хадамоти алоқаи назди Ҳукумати Ҷумҳурии Тоҷикистонро дар заминаи Хадамоти давлатии назорат ва танзим дар соҳаи алоқа ва иттилоотонии Вазорати нақлиёт ва коммуникатсияи Ҷумҳурии Тоҷикистон таъсис диҳад;

б) ба зиммаи он вазифаҳои зеринро вогузор намояд;

- таҳия ва татбиқи сиёсати давлатӣ дар соҳаи алоқа;

- назорати давлатӣ ва танзим дар соҳаи алоқа;

- амалӣ намудани фаъолияти хизматрасонӣ дар соҳаи алоқа;

в) дар мӯҳлати як моҳ санадҳои меъёрии ҳуқуқии худро ба Фармони мазкур мутобиқ намояд;

г) дар мӯҳлати ду моҳ оид ба ворид намудани тағйиру иловаҳо ба санадҳои қонунгузории Ҷумҳурии Тоҷикистон таклиф пешниҳод намуда, санадҳои меъёрии ҳуқуқии худро ба Фармони мазкур мутобиқ намояд;

д) масъалаҳоеро, ки аз Фармони мазкур бармеоянд, аз ҷумла масъалаҳои ташкилию ҳуқуқӣ ва молиявии мақомоти давлатии зикргардидаро ҳал намояд.

4) Ба Фармони Президенти Ҷумҳурии Тоҷикистон аз 30 ноябри соли 2006, №9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" тағйиру иловаҳои зерин ворид карда шаванд:

а) сархати шашуми банди 3 хориҷ карда шавад;

б) дар Сохтори мақомоти марказии ҳокимияти иҷроияи Ҷумҳурии Тоҷикистон, ки бо Фармони Президенти Ҷумҳурин Тоҷикистон аз 30 ноябри соли 2006 №9 тасдиқ шудааст:

- дар сархати даҳуми банди 3 калимаҳои "Вазорати нақлиёт ва коммуникатсияи Ҷумҳурии Тоҷикистон" ба калимаҳои "Вазорати нақлиёти Ҷумҳурии Тоҷикистон" иваз карда шаванд,

- ба банди 5 сархати дувоздаҳум бо мазмуни зайл илова карца шавад:

"Хадамоти алоқаи назди Ҳукумати Ҷумҳурии Тоҷикистон"