ҚОНУНИ КОНСТИТУТСИОНИИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ"

Моддаи 1. Ба Қонуни конститутсионии Ҷумҳурии Тоҷикистон аз 17 майи соли 2004 "Дар бораи мақомоти маҳаллии ҳокимияти давлатӣ" (Ахбори Маҷлиси Олии Ҷумҳурии Тоҷикистон, с. 2004, №5, мод. 339; с. 2006, №11, мод. 472; с. 2009, №12, мод. 814) тағйиру иловаҳои зерин ворид карда шаванд:

1. Дар сархати чоруми моддаи 1 ва тамоми матни Қонуни конститутсионӣ калимаи "Конститутсия" ба калимаҳои "Конститутсияи (Сарқонуни) Ҷумҳурии Тоҷикистон" иваз карда шавад.

2. Дар қисми якуми моддаи 8:

- аз сархати дуюм калимаҳои "нақша ва" хориҷ ва пас аз калимаи "барномаҳои" калимаҳои "рушди иқтисодӣ-иҷтимоии минтақаи" илова карда шаванд;

- дар сархати понздаҳум калимаҳои "дар мавридҳои муқаррарнамудаи" ба калимаи "мутобиқи" иваз карда шуда, калимаи "дахлдори" хориҷ карда шавад;

- дар сархати шонздаҳум калимаи "таъмини" ба калимаҳои "таъмин ва ҳифзи" иваз карда шавад;

- дар сархати бистум калимаи "қонунгузории" ба калимаҳои "меъёрии ҳуқуқии" иваз карда шавад.

3. Дар моддаи 9:

- қисми чорум дар таҳрири зайл ифода карда шавад:

"Иҷрои қарорҳои Маҷлиси вакилони халқ, ки дар доираи ваколаташон қабул шудаанд, дар ҳудуди дахлдор барои мақомоти давлатӣ, корхонаҳо ва ташкилотҳо новобаста аз тобеияти идоравӣ, шакли ташкилию ҳуқуқӣ ва шакли моликияташон, шахсони мансабдор ва шаҳрвандон ҳатмӣ мебошад.";

- дар қисми шашум калимаи "қонун" ба калимаҳои "қонунҳои Ҷумҳурии Тоҷикистон" иваз карда шавад.

4. Дар моддаи 12:

- қисми дуюм дар таҳрири зайл ифода карда шавад:

"Иҷлосияҳои Маҷлиси вакилони халқ аз тарафи раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дар як сол на камтар аз чор маротиба даъват карда мешаванд ва ҳангоми набудани онҳо иҷлосияҳои Маҷлиси вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳр ва ноҳияҳо аз тарафи яке аз муовииони онҳо, ки вакили ин Маҷлиси вакилони халқ мебошад, даъват карда мешаванд.";

- дар қисми сеюм баъд аз калимаи "халқ" калимаи "метавонад" илова ва калимаҳои "шуда метавонад" ба калимаҳои "карда шавад" иваз карда шаванд.

5. Дар қисми шашуми моддаи 13 пас аз калимаи "халқ" калимаҳои "мумкин аст" илова ва калимаи "мешавад" ба калимаи "шавад" иваз карда шавад.

6. Дар қисми шонздаҳуми моддаи 14 пас аз калимаи "масъалаҳои" калимаҳои "вобаста ба" илова карда шаванд.

7. Дар сархати панҷуми қисми чоруми моддаи 15 калимаҳои "истиқомат ва кори" ба калимаи "истиқомати" иваз карда шаванд.

8. Дар сархати якуми қисми дуюми моддаи 16 калимаҳои "ду маротиба ё зиёда аз он" ба калимаҳои "зиёда аз як маротиба" иваз карда шаванд.

9. Дар қисмҳои шашум ва ҳаштуми моддаи 19 калимаи "санади" ба калимаи "санадҳои" иваз карда шавад.

10. Дар қисми якуми моддаи 20:

- дар сархати ҳафтум калимаҳои "иқтисодӣ ва дигар барнома ва нақшаҳои рушди иҷтимоии маҳалро" ба калимаҳои "иқтисодии минтақа ва барномаҳои мақсадноки минтақавиро" иваз карда шаванд;

- дар сархати бисту дуюм калимаҳои "нақшаҳо ва" хориҷ карда шуда, пас аз калимаи "дахлдор" калимаҳои "барномаҳои мақсадноки минтақавӣ" илова карда шаванд;

- дар сархати бисту ҳаштум калимаҳои "санадҳои қонунгузории" ба калимаҳои "санадҳои меъёрии ҳуқуқии" иваз карда шаванд.

11. Дар сархатҳои дуюм ва сеюми моддаи 21 калимаҳои "ноҳияро", "ноҳияҳо" мутаносибан ба калимаҳои "ноҳияи дахлдорро" ва "ноҳияи дахлдор" иваз карда шаванд.

12. Қисми сеюми моддаи 26 дар таҳрири зайл ифода карда шавад:

"Тартиби аз моликияти коммуналӣ ба моликияти ҷумҳуриявӣ ва ё аз моликияти ҷумҳуриявӣ ба моликияти коммуналӣ гузаронидани молу мулкро Ҳукумати Ҷумҳурии Тоҷикистон муқаррар менамояд.".

13. Сархати даҳуми қисми якуми моддаи 32 дар таҳрири зайл ифода карда шавад:

"-амалигардонии барномаҳои рушди иқтисодию иҷтимоии минтақа;".

14. Дар қисми дуюми моддаи 34 пеш аз калимаҳои "аз тарафи" калимаи "мутаносибан" илова карда шавад.

Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ"

Маҷлиси миллии Маҷлиси Олии Ҷумҳурии Тоҷикистон Қонуни конститутсионии Ҷумҳурии Тоҷикистонро "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ" баррасӣ намуда, қарор мекунад:

Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ" ҷонибдорӣ карда шавад.