Бо қарори Ҳукумати ҶТ аз 24.12.2016 № 529 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи таъсиси Кумитаи ҳамоҳангсоз оид ба масъалаҳои татбиқи Барномаи ҷорӣ намудани системаи Равзанаи ягонаи барасмиятдарории амалиёти содирртию воридотӣ ва транзитӣ дар Ҷумҳурии Тоҷикистон

Мутобиқи моддаи 13 Қонуни Конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1) Кумитаи ҳамоҳангсоз оид ба масъалаҳои татбиқи Барномаи ҷорӣ намудани системаи Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон тибқи ҳайати замимагардида таъсис дода шавад (Замимаи 1).

2) Низомномаи Кумитаи ҳамоҳангсоз оид ба масъалаҳои татбиқи Барномаи ҷорӣ намудани системаи Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон тасдиқ карда шавад (Замимаи 2).

3) Вазорати рушди иқтисод ва савдои Ҷумҳурии Тоҷикистон якҷоя бо вазорату идораҳои дахлдори ҷумҳурӣ ҷиҳати таъмини иҷрои қарори мазкур чораҳои зарурӣ андешанд.

ҲАЙАТИ Кумитаи ҳамоҳангсоз оид ба масьалаҳои татбиқи Барномаи ҷорӣ намудани системаи Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон

Раиси Кумитаи ҳамоҳангсоз      - Вазири рушди иқтисод ва савдои Ҷумҳурии Тоҷикистон

Муовини Раиси Кумитаи          - Сардори Хадамоти гумруки назди ҳамоҳангсоз Ҳукумати Ҷумҳурии

                                 Тоҷикистон

Котиби масъули Кумитаи         - Сардори раёсати Вазорати рушди ҳамоҳангсоз иқтисод ва савдои

                                 Ҷумҳурии Тоҷикистон

Аъзои Кумитаи ҳамоҳангсоз:

- Муовини Вазири адлияи Ҷумҳурии Тоҷикистон;

- Муовини Вазири молияи Ҷумҳурии Тоҷикистон;

- Муовини Вазири нақлиёт ва коммуникатсияи Ҷумҳурии Тоҷикистон;

- Муовини Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

- Сардухтури давлатии санитарии Ҷумҳурии Тоҷикистон - муовини Вазири тандурустии Ҷумҳурии Тоҷикистон;

- Муовини Вазири кишоварзии Ҷумҳурии Тоҷикистон;

- Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон;

- Сардори Хадамоти назорати давлатӣ оид ба фаъолияти фарматсевтии Ҷумҳурии Тоҷикистон;

- Сардори Хадамоти назорати давлатии санитарию эпидемиологии Ҷумҳурии Тоҷикистон;

- Сардори Хадамоти назорати давлатии фитосанитарӣ, карантини растаниҳо ва тухмии Ҷумҳурии Тоҷикистон;

- Сардори Хадамоти назорати давлатии байтории Ҷумҳурии Тоҷикистон;

- Раиси Палатаи савдо ва саноати Ҷумҳурии Тоҷикистон.