Бо қарори Ҳукумати
Ҷумҳурии Тоҷикистон
аз "2" августи соли 2010 № 390
тасдиқ шудааст
Тартиби гузаронидани муоинаи ҳатмии давлатии техникии воситаҳои нақлиёти механикӣ, инчунин ядакҳои (нимядакҳои) онҳо, ки иштирокчии ҳаракат дар роҳҳои автомобилгард мебошанд
(Қарори Ҳукумати ҶТ аз 27.04.2021 № 156)
1.Муқаррароти умумӣ
1) Тартиби гузаронидани муоинаи ҳатмии давлатии техникии воситаҳои нақлиёти механикӣ, инчунин ядакҳои (нимядакҳои) онҳо, ки иштирокчии ҳаракат дар роҳҳои автомобилгард мебошанд (минбаъд - Тартиб), тартиби ташкил ва гузаронидани муоинаи ҳатмии давлатии техникии воситаҳои нақлиёти механикӣ, инчунин ядакҳои (нимядакҳои) онҳоро дар ҳудуди Ҷумҳурии Тоҷикистон муқаррар менамояд .
2) Иҷрои ҳамин Тартиб аз тарафи тамоми корхонаю иттиҳодияҳо ва муассисаю ташкилотҳо, сарфи назар аз шакли ташкилию ҳуқуқӣ ва шакли моликият, ҳамчунин шаҳрвандони Ҷумҳурии Тоҷикистон, шахсони ҳуқуқӣ ва шаҳрвандони хориҷӣ, шахсони бешаҳрванд, ки воситаи нақлиёт ва ядак (нимядак) доранд, ҳатмист.
3) Вазифаҳои асосии муоинаи техникӣ аз арзёбии ҳолати техникии воситаҳои нақлиёт, аниқ кардани шумора, мансубияти онҳо ва дигар маълумоти бақайдгирӣ, амалӣ намудани чорабиниҳо оид ба пешгирӣ ва мубориза бар зидди қасдҳои ҷинояткорона ба воситаҳои нақлиёт иборатанд. Ҳангоми муоинаи техникӣ ҳамчунин назорати сари вақт аз муоинаи тиббӣ гузаштани ронандагон, суғуртаи ҳатмии масъулияти шаҳрвандӣ ва тафтиши пардохти маблағҳои муқарраргардидаи андоз, ки аз соҳибони воситаҳои нақлиёт ситонида мешаванд, анҷом дода мешавад.
4) Тартиби мазкур барои ҳамаи шахсони воқеӣ ва ҳуқуқӣ новобаста аз шакли ташкилию ҳуқуқӣ, ҳамчунин шаҳрвавдони хориҷӣ, шахсони бешаҳрванд, ки воситаҳои нақлиёти механикӣ ва ядак (нимядак) (минбаъд-воситаҳои нақлиёт) доранд, амалӣ мегардад.
5) Муоинаи техникии ҳамаи воситаҳои нақлиёт, аз ҷумла воситаҳои нақлиёти шахсони ҳуқуқӣ, шаҳрвандони хориҷӣ, шахсони бешаҳрванд ва намояндагиҳои давлатҳои хориҷӣ, намояндагиҳои дипломатӣ, консулгариҳо ва дигар намояндагиҳое, ки мутобиқи меъёрҳои ҳуқуқи байналмилалӣ имтиёзот ва масуният доранд, кормандони ин намояндагиҳо ва аъзои оилаҳои онҳо дар як сол як маротиба дар мӯҳлатҳои муқаррарнамудаи Бозрасии давлатии автомобилии Вазорати корҳои дохилии Ҷумҳурии Тоҷикистон (минбаъд-Бозрасии давлатии автомобилӣ) гузаронида мешавад.
6) Тартиби муоинаи техникии тракторҳо, ядакҳо ва нимядакҳоеро, ки дар баланси хоҷагиҳо ва дигар корхонаҳои кишоварзӣ, хоҷагиҳои деҳқонӣ ва ғайра қарор доранд, ҳамчунин воситаҳои зикршудаи дар моликияти шахсии шаҳрвандонбударо Ҳукумати Ҷумҳурии Тоҷикистон муқаррар мекунад.
7) Ҳангоми гузаронидани муоинаи ҳатмии давлатии техникии воситаҳои нақлиёти механикӣ ва ядакҳои (нимядакҳои) онҳо, ки дар ҳаракат дар роҳҳои Ҷумҳурии Тоҷикистон иштирок доранд, Бозрасии давлатии автомобилӣ вазифаҳои асосии зеринро ҳал менамояд:
- санҷиши мутобиқати ҳолати техникӣ ва таҷҳизоти воситаҳои нақлиёт ба талаботи стандартҳо, дастурамалҳо, қоидаҳо ва дигар санадҳои меъёрии ҳуқуқии Ҷумҳурии Тоҷикистон;
- аниқ намудани шумора ва мансубияти онҳо ва назорати иҷозатдиҳӣ ба ронандагон барои иштирок дар ҳаракат дар роҳ;
- огоҳӣ ва пешгирии ҷиноятҳо ва ҳуқуқвайронкуниҳои маъмурӣ, ки бо истифодабарии воситаҳои нақлиёт алоқаманданд;
- ошкор намудани воситаҳои нақлиёти рабудашуда, инчунин воситаҳои нақлиётӣ - иштирокчиёни ҳаракат дар роҳ, ки аз ҷойи садамаи нақлиётӣ ғайб задаанд;
- назорати суғуртаи ҳатмии масъулияти шаҳрвандӣ;
- тафтиши пардохти маблағҳои муқарраргардидаи андоз, ки аз соҳибони воситаҳои нақлиёт ситонида мешаванд;
- дигар вазифаҳои тибқи тартиби муқарраргардида базиммадошта.
8) Воситаҳои нақлиёти автомобилӣ баъди бақайдгирӣ дар ҷузъу томҳои бақайдгирию имтиҳонотии Бозрасии давлатии автомобилӣ бояд дар давоми 7 шабонарӯз барои гузаштан аз муоинаи ҳатмии давлатии техникӣ пешниҳод карда шаванд. Дар сурати тағйироти бақайдгирии воситаи нақлиёт дар давраи эътиборнокии талони муоинаи техникӣ, он баъд аз супоридани маблағи арзиши талони муоинаи техникӣ бе санҷиши ҳолати техникии воситаи нақлиёт иваз карда мешавад.
9) Воситаи нақлиёте, ки баъд аз истеҳсоли завод бори аввал ба қайди мақомоти Бозрасии давлатии автомобилӣ гирифта мешавад, талони муоинаи техникӣ аз тарафи ҷузъу томҳои Бозрасии давлатии автомобилии маҳали бақайдгирӣ баъд аз пардохти андозу хироҷҳои пешбининамудаи қонунгузории Ҷумҳурии Тоҷикистон ва супоридани маблағи арзиши талони муоинаи техникӣ бе санҷиши ҳолати техникӣ дода мешавад.
10) Муоинаи ҳатмии давлатии техникии воситаҳои нақлиёти автомобилии сабукрав, микроавтобусҳо ва автобусҳое, ки фаъолияти мусофиркашониро бевосита берун аз доираи шахсони ҳуқуқӣ амалӣ менамоянд, инчунин автомобилҳои боркаше, ки барои интиқоли мунтазами одамон, бо шумораи зиёда аз 8 ҷойи нишаст (ғайр аз ронанда), воситаҳои нақлиёти барои кашонидани борҳои хатарнок, гаронвазн ва калонҳаҷм махсусгардонидашуда, инчунин ядакҳои онҳо, ки марбут ба моликияти шахсони воқеӣ ва ҳуқуқӣ, новобаста аз шакли моликият мебошанд, аз тарафи Бозрасии давлатии автомобилӣ ҳар шаш моҳ гузаронида мешавад.
11) Муоинаи ҳатмии давлатии техникии воситаҳои нақлиёт аз тарафи Бозрасии давлатии автомобилӣ ва ҷузъу томҳои он гузаронида мешавад. Ҷойи гузаронидани санҷиши ҳолати техникии воситаҳои нақлиёт пеш аз гузаронидани муоинаи ҳатмии давлатии техникӣ аз тарафи Комиссия дар ҳайати 7 нафар, аз ҷумла 3 нафар кормандони Бозрасии давлатии автомобилӣ (раиси комиссия, котиби комиссия ва аъзои комиссия), инчунин намояндагони Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, Хадамоти зиддиинҳисории назди Ҳукумати Ҷумҳурии Тоҷикистон, Хадамоти давлатии назорат ва танзим дар соҳаи нақлиёти Вазорати нақлиёти Ҷумҳурии Тоҷикистон, Донишгоҳи техникии Тоҷикистон ба номи М. Осимӣ (аъзои комиссия) иборат аст, муайян карда мешавад
12) Комиссияи мазкур дар асоси шартҳои зерин ҷойи гузаронидани санҷиши ҳолати техникии воситаҳои нақлиётро пеш аз муоинаи ҳатмии давлатии техникӣ муайян менамояд:
- мавҷудияти таҷҳизоти назоратии дахлдор ва асноди меъёрию техникӣ ва технологӣ;
- мутобиқатии воситаҳои ташхис ба меъёрҳои стандартӣ;
- тахассуснокии мутахассисон;
- мавҷудияти мавзеи ҷойи санҷиш;
- дигар шартҳое, ки дар Низомномаи Комиссия пешбинӣ карда мешаванд.
13) Комиссияи мазкур фаъолияти худро дар асоси Низомнома, ки аз тарафи Вазири корҳои дохилии Ҷумҳурии Тоҷикистон тасдиқ карда мешавад, анҷом медиҳад.
14) Шахсони ҳуқуқӣ ва соҳибкорони инфиродие, ки ба фаъолияти хизматрасонии техникӣ ва таъмири воситаҳои нақлиёт машғуланд (ба истиснои корхонаҳои давлатие, ки фаъолияти хизматрасонии нақлиёти автомобилиро барои мақомоти давлатӣ анҷом медиҳанд), ҳуқуқи гузаронидани санҷиши ҳолати техникии воситаҳои нақлиётро пеш аз муоинаи ҳатмии давлатии техникӣ надоранд.
15) Шахсони ҳуқуқӣ ва соҳибкорони инфиродие, ки Комиссияи зикргардида онҳоро барои гузаронидани санҷиши ҳолати техникии воситаҳои нақлиёт пеш аз муоинаи ҳатмии давлатии техникӣ муайян намудааст, бо Бозрасии давлатии автомобилӣ оид ба амалӣ намудани фаъолият тибқи талаботи Кодекси граждании Ҷумҳурии Тоҷикистон шартнома мебанданд.
2. Чорабиниҳо доир ба омодасозии муоинаи техникӣ
16) Бозрасии давлатии автомобилӣ бодарназардошти пешниҳоди ташкилоти манфиатдор то 1 январи ҳар сол ҷадвали маҷмӯии муоинаи ҳатмии давлатии техникии воситаҳои нақлиётро барои ноҳия (шаҳр) тартиб медиҳад, ки он бояд маълумотро дар бораи ҷой, рӯзҳои тақвим ва вақти гузаронидани муоинаи ҳатмии давлатии техникӣ дар бар гирад. Нусхаи ҷадвали мазкур мувофиқи тақсимоти ҳудудӣ ба комиссариати ҳарбии ноҳияи дахлдор фиристонида мешавад. Бозрасии давлатии автомобилӣ тибқи ҷадвали мазкур ба маъмурияти ташкилот варақаҳои санади муоинаи ҳатмии техникии гурӯҳи воситаҳои нақлиётро (Замимаи № 1) мефиристад.
17) Маъмурияти корхона дар асоси ҷадвали умумии Бозрасии давлатии автомобилӣ ҷадвалҳои худро таҳия мекунад, ки дар онҳо бояд маълумот оид ба ҷой, рӯзҳои тақвимӣ, вақти гузаронидани муоинаи ҳатмии давлатии техникӣ ва миқдори воситаҳои нақлиёти дар давоми ҳар як рӯз муоинашаванда инъикос карда шаванд. Инчунин, аз ҷониби маъмурияти корхона дар варақаи санади муоинаи ҳатмии техникии гурӯҳи воситаҳои нақлиёт рӯйхати воситаҳои нақлиёт бо қайди маълумоти зарурӣ (ғайр аз хулоса дар бораи ҳолати техникӣ) тартиб дода шуда, онро бо тартиби муқарраргардида тасдиқ карда, бо шаҳодатномаи бақайдгирӣ (талони техникӣ)-и воситаҳои нақлиёт, варақаи пардохт (супоришномаи пардохт) дар бораи пардохти андозу хироҷи тибқи қонунгузории Ҷумҳурии Тоҷикистон муайянкардашуда ва полиси суғуртаи ҳатмии масъулияти шаҳрвандӣ аз соҳибони воситаҳои нақлиёт дар мӯҳлати на дертар аз 10 рӯз пеш аз оғози муоина ба Бозрасии давлатии автомобилӣ пешниҳод мегардад.
18) Бозрасии давлатии автомобилӣ вазифадор аст, ки тавассути воситаҳои ахбори омма соҳибони воситаҳои нақлиётро оид ба ҷой, мӯҳлат ва талаботи пешниҳоди воситаҳои нақлиёт барои гузаронидани муоинаи ҳатмии давлатии техникӣ хабардор намояд.
3. Тартиби пешниҳоди воситаҳои нақлиёт ба муоинаи ҳатмии давлатии техникӣ
19) Соҳибони воситаҳои нақлиёт вазифадоранд, ки воситаҳои нақлиёти ба онҳо тааллуқдоштаро дар мӯҳлат ва ҷойи муайяннамудаи Бозрасии давлатии автомобилӣ барои муоинаи ҳатмии давлатии техникӣ пешниҳод намоянд.
20) Бозрасии давлатии автомобилӣ муоинаи ҳатмии давлатии техникии воситаҳои нақлиётро баъд аз пешниҳод намудани ҳуҷҷатҳои зерин анҷом медиҳад:
- ҳуҷҷати тасдиқкунандаи шахсият;
- шаҳодатномаи бақайдгирӣ (талони техникӣ);
- варақаи пардохт (супоришномаи пардохт) дар бораи пардохти андозу хироҷи муқаррарнамудаи қонунгузории Ҷумҳурии Тоҷикистон, полиси суғуртаи ҳатмии масъулияти шаҳрвандӣ аз соҳибони воситаҳои нақлиёт ва варақаи пардохти арзиши варақаи муоинаи техникӣ.
21) Соҳибони воситаҳои нақлиёт, ки варақаи ташхисии ҳолати техникии воситаи нақлиёти дар Замимаи №2 ҳамин Тартиб оварда шударо доранд, онро якҷоя бо асноди дар банди 20 ҳамин Тартиб зикршуда барои барасмиятдарории натиҷаҳои муоинаи ҳатмии давлатии техникӣ дар мӯҳлати 30 шабонарӯз аз рӯзи дода шудани варақаи ташхисӣ ба Бозрасии давлатии автомобилӣ пешниҳод мекунанд.
22) Ҳангоме, ки расонидани воситаи нақлиёт ба ҷойи гузаронидани муоинаи ҳатмии давлатии техникӣ бо ҳаракати худи воситаи нақлиёт аз имкон берун аст (бо сабаби носозии он, набудани қисмҳои эҳтиётӣ ва ғайра), ба Бозрасии давлатии автомобилии маҳали қайд соҳибони он шахсони воқеӣ аризаи хаттӣ, шахсони ҳуқуқӣ санади муоинаи техникии ҳатмии давлатии гурӯҳи воситаҳои нақлиёт ва ҳуҷҷатҳои дар банди 20 ҳамин Тартиб зикршударо (ба истиснои хати расид дар бораи пардохти хироҷ барои муоинаи ҳатмии давлатии техникӣ) пешниҳод мекунанд ва бояд рақамҳои бақайдгирии давлатӣ ва талони пешинаи муоинаи техникиро супоранд. Рақамҳои бақайдгирии давлатии ин воситаҳои нақлиёт то бартараф намудани камбудиҳо нигоҳ дошта мешаванд. Ба шахсони ҳуқуқӣ нусхаи санади муоинаи ҳатмии давлатии техникии гурӯҳи воситаҳои нақлиёт (Замимаи №1) ва ба соҳиби воситаи нақлиёти инфиродӣ нусхаи санади ҳолати техникии воситаи нақлиёт (Замимаи №3) бо қайд дар бораи супорида шудани рақамҳои бақайдгирӣ дода мешавад.
23) Баъди бартараф кардани камбудиҳо соҳиби воситаи нақлиёт онро барои муоинаи ҳатмии давлатии техникӣ якҷоя бо нусхаи санади пештар додашуда дар бораи супоридани рақамҳои бақайдгирӣ ва ҳуҷҷатҳои дар банди 20 ҳамин Тартиб зикргардида пешниҳод мекунад. Ба воситаи нақлиёте, ки коршоям дониста шудааст, рақамҳои пештар супоридашудаи бақайдгирии давлатӣ баргардонида шуда, талони муоинаи техникӣ дода мешавад.
24) Талони муоинаи техникӣ ба гурӯҳи ҳуҷҷатҳои махсуси ҳисоботи қатъӣ мансуб буда, тартиби нашр, нигоҳдорӣ ва сарфи он тибқи фармоиши Вазири корҳои дохилии Ҷумҳурии Тоҷикистон муайян карда мешавад.
4.Тартиби гузаронидани муоинаи техникӣ
25) Муоинаи ҳатмии давлатии техникии ҳар як воситаи нақлиёт бояд аз санҷиши мутобиқати конструксия (сохт), ҳолати техникӣ ва таҷҳизоти воситаҳои нақлиёт ба талаботи Қоидаҳои муқарраршудаи байнидавлатии соҳавӣ, навъ, тамға, рақамҳои бақайдгирӣ, рақамҳои шасси, бордон (кузов), муҳаррик, инчунин ба маълумоти дар шаҳодатномаи бақайдгирӣ (талони техникӣ) дарҷшуда, муқоиса бо Бонки Маҷмӯи автоматикунонидашудаи иттилоотии кофтуковӣ оғоз гардад. Воситаи нақлиёте, ки ҳолати техникӣ ё таҷҳизоти он ҳадди ақал ба яке аз ин талабот ҷавобгӯй нест, носоз ҳисобида шуда, истифодабарии он тибқи тартиби муқарраргардида манъ карда мешавад.
26) Ҳангоми муоинаи ҳатмии давлатии техникӣ воситаҳои нақлиёте, ки дар корхонаҳои ғайри саноати автомобилсозӣ сохта ё аз нав таҷҳизонида шудаанд ва дар ҷараёни сохтан ё аз нав таҷҳизонидан андозаҳо ва меъёрҳои вазни онҳо, аз ҷумла системаи боздорӣ (тормозӣ) ҷойҳои насбкунӣ; дидашавандагӣ; хусусиятҳои нурӣ ва рангии олоти рӯшноидиҳӣ ва аломатҳои нурӣ; қисми ҳаракатӣ; маҷмӯи идоракунӣ, ҳамчунин қисмҳои таркибии сохтории дидашавандагӣ, бехатарии ғайрифаъол ва баъдисадамавиро таъминкунанда, тағйир дода шудаанд, ғайр аз ҳолати техникии воситаҳои нақлиёт мувофиқа карда шудани сохти онҳо бо шӯъбаҳои дахлдори Бозрасии давлатии автомобилӣ тафтиш карда мешавад. Агар сохтан ё аз нав таҷҳизонидан бе мувофиқат бо сохт анҷом дода шуда бошад, истифодаи чунин воситаҳои нақлиёт (бо кушода гирифтани рақамҳои бақайдгирии давлатӣ) то ба талаботи стандартҳо мутобиқ намудани онҳо манъ карда мешавад.
27) Ҳолати техникии ядакҳо (нимядакҳо) ҳам дар ҳайати автопоездҳо ва ҳам дар алоҳидагӣ (барои санҷидани дурустии дастгоҳи кашанда) мавриди санҷиш қарор дода мешаванд.
28) Ҳангоми муоинаи ҳатмии давлатии техникии воситаҳои нақлиёте, ки истифодаи онҳо муваққатан ба таъхир (консерватсия) андохта шудааст, муҷаҳҳазии пурраи онҳо тафтиш карда мешавад. Дар сурати ба вуҷуд омадани шубҳа оид ба коршоямии муҳаррик, трансмиссия ва дигар қисмҳои он, воситаи нақлиёт бе фаровардан аз зермонакҳо мавриди санҷиш қарор дода мешаванд.
29) Ба соҳибони ҳамаи воситаҳои нақлиёте, ки аз муоинаи ҳатмии давлатии техникӣ гузаштаанд, Бозрасии давлатии автомобилӣ талони муоинаи техникӣ (Замимаи №4 ба ҳамин Тартиб) медиҳад, ки онро бозраси давлатии автомобилии назорати техникӣ, дар сурати набудани чунин вазифа дар сохтори шӯъбаҳо (зершӯъбаҳо)-и Бозрасии давлатии автомобилӣ шахси ин вазифаро ба ӯҳда дошта, бо имзои худ ва мӯҳри рақамдори шахсӣ тасдиқ мекунад. Талони муоинаи техникӣ дар кунҷи поёнии тарафи рости шишаи пеши автомашина аз дарун насб карда мешавад.
30) Барқароркунии талони муоинаи техникии гумшуда ё корношоямшуда аз тарафи Бозрасии давлатии автомобилии онро дода ё мақомоти болоии он ба мӯҳлати боқимонда бе санҷиши ҳолати техникӣ пас аз супоридани маблағи арзиши варақаи талони муоинаи техникӣ сурат мегирад.
31) Ҳангоми гузаронидани муоинаи ҳатмии давлатии техникии такрорӣ, ки дар мӯҳлатҳои муқаррарнамудаи ҳамин Тартиб анҷом дода шудааст, талони муоинаи техникӣ бо талони нав иваз карда мешавад, ки дар он санаи муоинаи техникии навбатӣ сабт мегардад.
32) Муоинаи ҳатмии давлатии техникии воситаҳои нақлиёте, ки дар қайди муваққатӣ мебошанд, аз тарафи Бозрасии давлатии автомобилии маҳали қайди муваққатии воситаи нақлиёт анҷом дода мешавад.
33) Истифодаи воситаҳои нақлиёте, ки аз муоинаи ҳатмии давлатии техникӣ дар мӯҳлатҳои пешбининамудаи ҳамин Тартиб гузаронида нашудаанд, аз тарафи Бозрасии давлатии автомобилӣ тибқи тартиби муқарраргардида манъ карда шуда, гунаҳкорон мутобиқи қонунгузории Ҷумҳурии Тоҷикистон ба ҷавобгарии маъмурӣ кашида мешаванд.
5.Ташкил ва гузаронидани муоинаи техникии воситаҳои нақлиёти шахсони ҳуқуқӣ
34) Баъди аз тарафи роҳбари ташкилот тасдиқ шудани ҷадвали муоинаи ҳатмии давлатии техникӣ, нусхаи он ба Бозрасии давлатии автомобилии маҳали қайди доимии (муваққатии) воситаҳои нақлиёт ва комиссариатҳои ҳарбии дахлдор мувофиқи тақсимоти ҳудудӣ фиристонида мешавад.
35) Ба маъмурияти ташкилот бе мувофиқаи Бозрасии давлатии автомобилӣ ва комиссариати ҳарбӣ тағйир додани мӯҳлатҳои гузаронидани муоинаи ҳатмии давлатии техникӣ манъ аст.
36) Мӯҳлати таҳия ва пешниҳоди ҷадвалҳои муоинаи ҳатмии давлатии техникии воситаҳои нақлиёт бо мувофиқаи воҳидҳои маҳаллии Бозрасии давлатии автомобилӣ муқаррар карда мешаванд.
37) Воситаҳои нақлиёте, ки аз маҳали қайди доимӣ ба дигар вилоят ва ноҳия ба мӯҳлати зиёда аз 2 моҳ рафтаанд дар Бозрасии давлатии автомобилии маҳали қайди муваққатии онҳо дар мӯҳлатҳои барои корхонаҳои асосӣ муқарраргардида аз муоинаи ҳатмии давлатии техникӣ гузаронида мешаванд.
38) Воситаҳои нақлиёте, ки ба дигар корхонаҳо ё шаҳрвандон ба кироя дода шудаанд, дар корхонаи асосӣ ё Бозрасии давлатии автомобилии маҳали қайди муваққатии онҳо дар мӯҳлатҳои барои корхонаҳои асосӣ муқарраргардида аз муоинаи ҳатмии давлатии техникӣ гузаронида мешаванд.
39) Маъмурияти корхона дар мӯҳлати 5 рӯз баъди анҷоми муоинаи ҳатмии давлатии техникӣ як нусхаи санади муоинаи ҳатмии давлатии техникии гурӯҳи воситаҳои нақлиётро (Замимаи №1) ба комиссариати ҳарбии дахлдор тақсимоти ҳудудӣ пешниҳод мекунад.
6. Барасмиятдарории натиҷаи ташхис дар нуқтаҳои санҷишии ҳолати техникии воситаҳои нақлиёт пеш аз муоинаи ҳатмии давлатии техникӣ
40) Дар асоси натиҷаи санҷиши ҳолати техникии воситаи нақлиёт варақаи ташхисӣ дар се нусха ба расмият дароварда мешавад (Замимаи №2). Ду нусхаи варақаи ташхисӣ ба соҳибмулк (намояндаи соҳибмулк) дода шуда, як нусха барои худи соҳибмулк ва нусхаи дуюм барои пешниҳод намудан ба мақомоти Бозрасии давлатии автомобилии маҳали гузаронидани муоинаи ҳатмии давлатии техникӣ ва нусхаи сеюм дар нуқтаи ташхиси техникӣ нигоҳ дошта мешавад. Варақаи ташхисии ҳолати техникии воситаҳои нақлиёти шахсони ҳуқуқӣ барои аз тарафи Бозраси давлатии автомобилӣ ва шахсони ҳуқуқӣ тартиб додани санад, ки дар Замимаи №1 Тартиби мазкур муайян шудааст, асос шуда метавонад.
41) Ба ҳар як воситаи нақлиёте, ки аз санҷиши ҳолати техникӣ гузаштааст, варақаи ташхисӣ дода мешавад, ки ҳуҷҷати тасдиқкунандаи ҳолати техникии он шуда метавонад. Ҳангоми гузаронидани санҷиши такрории воситаҳои нақлиёте, ки нуқсонҳои техникӣ доштанд, дар мӯҳлати на дертар аз 30 рӯз аз лаҳзаи санҷиши қаблан гузарондашуда, танҳо он нишондодҳо таҳти санҷиш қарор дода мешаванд, ки зимни санҷиши қаблӣ ба талаботи бехатарии ҳаракат дар роҳ ҷавобгӯй набуданд. Дар мавриди баъди гузаштани мӯҳлати муқарраршуда, пешниҳод гардидани воситаи нақлиёт, ҳолати техникии он дар ҳаҷми пурра санҷида мешавад.
42) Варақаи ташхисии нуқтаҳои санҷиши ҳолати техникии воситаҳои нақлиёт пеш аз муоинаи ҳатмии давлатии техникӣ ба Бозрасии давлатии автомобилӣ пешниҳод карда мешавад ва барои барасмиятдарории натиҷаҳои муоинаи техникии воситаҳои нақлиёт бе санҷиши ҳолати техникии онҳо асос мегардад.
7. Барасмиятдарории натиҷаи муоинаи ҳатмии давлатии техникӣ
43) Аз рӯи натиҷаҳои муоинаи техникӣ Бозрасии давлатии автомобилӣ ба варақаи баҳисобгирӣ ва ё барномаи компютерӣ қайдҳои дахлдор дохил намуда, ҳисоботи давлатии омориро тибқи намунаҳои бо фармоиши Агентии омори назди Президенти Ҷумҳурии Тоҷикистон тасдиқшуда, инчунин ҳисоботро оид ба воситаҳои нақлиёте, ки ба санаи 31 декабри соли ҳисоботӣ дар қайди мақомоти Бозрасии давлатии автомобилӣ мебошанд, шумораи воситаҳои нақлиёте, ки аз муоинаи ҳатмии давлатии техникӣ гузаштаанд ва маблағи андози дар соли ҳисоботи супоридашуда, тартиб медиҳад ва дар мӯҳлатҳои муқарраршуда ба мақомоти ваколатдори давлатии дахлдор мефиристад.
44) Барои воситаҳои нақлиёте, ки дар маҳали қайди муваққатӣ аз муоинаи техникӣ гузаронида шудаанд, санади муоинаи ҳатмии давлатии техникии воситаи нақлиёт (Замима №5) тартиб дода шуда, дар мӯҳлати 10 рӯз ба Бозрасии давлатии автомобилии маҳали қайди доимии воситаи нақлиёт фиристода мешаванд. Санадҳои зикршуда барои дохил кардани онҳо ба ҳисоботи корхонаи асосӣ (Замимаи №1 ба ҳамин Тартиб) ва ҳисоботи дар банди 43)-и ҳамин Тартиб пешбинишуда асос мегардад.
Ниг. ба Замимаи № 1 - 5
Бо қарори Ҳукумати
Ҷумҳурии Тоҷикистон
аз "2" августи соли 2010 № 390
тасдиқ шудааст
ТАРТИБИ ташкил ва гузаронидани муоинаи ҳатмии давлатии техникии воситаҳои механикии нақлиёт ва ядакҳои (нимядакҳои) онҳо, ки дар ҳаракат дар роҳҳои Ҷумҳурии Тоҷикистон иштирок доранд
1.Муқаррароти умумӣ
1) Тартиби гузаронидани муоинаи ҳатмии давлатии техникии воситаҳои нақлиёти механикӣ ва ядакҳои (нимядакҳои) онҳо, ки дар ҳаракат дар роҳҳои Ҷумҳурии Тоҷикистон иштирок доранд (минбаъдТартиб), санади ягонаи меъёрии ҳуқуқӣ буда, тартиби муоинаи техникии воситаҳои нақлиётро дар қаламрави Ҷумҳурии Тоҷикистон муқаррар менамояд.
2) Иҷрои ҳамин Тартиб аз тарафи тамоми корхонаю иттиҳодияҳо ва муассисаю ташкилотҳо, сарфи назар аз шакли ташкилию ҳуқуқӣ ва шакли моликият, ҳамчунин шаҳрвандони Ҷумҳурии Тоҷикистон, шахсони ҳуқуқӣ ва шаҳрвандони хориҷӣ, шахсони бешаҳрванд, ки воситаи нақлиёт ва ядак (нимядак) доранд, ҳатмист.
3) Вазифаҳои асосии муоинаи техникӣ аз арзёбии ҳолати техникии воситаҳои нақлиёт, аниқ кардани шумора, мансубияти онҳо ва дигар маълумоти бақайдгирӣ, амалӣ намудани чорабиниҳо оид ба пешгирӣ ва мубориза бар зидди қасдҳои ҷинояткорона ба воситаҳои нақлиёт иборатанд. Ҳангоми муоинаи техникӣ ҳамчунин назорати сари вақт аз муоинаи тиббӣ гузаштани ронандагон, суғуртаи ҳатмии масъулияти шаҳрвандӣ ва тафтиши пардохти маблағҳои муқарраргардидаи андоз, ки аз соҳибони воситаҳои нақлиёт ситонида мешаванд, анҷом дода мешавад.
4) Тартиби мазкур барои ҳамаи шахсони воқеӣ ва ҳуқуқӣ новобаста аз шакли ташкилию ҳуқуқӣ, ҳамчунин шаҳрвавдони хориҷӣ, шахсони бешаҳрванд, ки воситаҳои нақлиёти механикӣ ва ядак (нимядак) (минбаъд-воситаҳои нақлиёт) доранд, амалӣ мегардад.
5) Муоинаи техникии ҳамаи воситаҳои нақлиёт, аз ҷумла воситаҳои нақлиёти шахсони ҳуқуқӣ, шаҳрвандони хориҷӣ, шахсони бешаҳрванд ва намояндагиҳои давлатҳои хориҷӣ, намояндагиҳои дипломатӣ, консулгариҳо ва дигар намояндагиҳое, ки мутобиқи меъёрҳои ҳуқуқи байналмилалӣ имтиёзот ва масуният доранд, кормандони ин намояндагиҳо ва аъзои оилаҳои онҳо дар як сол як маротиба дар мӯҳлатҳои муқаррарнамудаи Бозрасии давлатии автомобилии Вазорати корҳои дохилии Ҷумҳурии Тоҷикистон (минбаъд-Бозрасии давлатии автомобилӣ) гузаронида мешавад.
6) Тартиби муоинаи техникии тракторҳо, ядакҳо ва нимядакҳоеро, ки дар баланси хоҷагиҳо ва дигар корхонаҳои кишоварзӣ, хоҷагиҳои деҳқонӣ ва ғайра қарор доранд, ҳамчунин воситаҳои зикршудаи дар моликияти шахсии шаҳрвандонбударо Ҳукумати Ҷумҳурии Тоҷикистон муқаррар мекунад.
7) Ҳангоми гузаронидани муоинаи ҳатмии давлатии техникии воситаҳои нақлиёти механикӣ ва ядакҳои (нимядакҳои) онҳо, ки дар ҳаракат дар роҳҳои Ҷумҳурии Тоҷикистон иштирок доранд, Бозрасии давлатии автомобилӣ вазифаҳои асосии зеринро ҳал менамояд:
- санҷиши мутобиқати ҳолати техникӣ ва таҷҳизоти воситаҳои нақлиёт ба талаботи стандартҳо, дастурамалҳо, қоидаҳо ва дигар санадҳои меъёрии ҳуқуқии Ҷумҳурии Тоҷикистон;
- аниқ намудани шумора ва мансубияти онҳо ва назорати иҷозатдиҳӣ ба ронандагон барои иштирок дар ҳаракат дар роҳ;
- огоҳӣ ва пешгирии ҷиноятҳо ва ҳуқуқвайронкуниҳои маъмурӣ, ки бо истифодабарии воситаҳои нақлиёт алоқаманданд;
- ошкор намудани воситаҳои нақлиёти рабудашуда, инчунин воситаҳои нақлиётӣ - иштирокчиёни ҳаракат дар роҳ, ки аз ҷойи садамаи нақлиётӣ ғайб задаанд;
- назорати суғуртаи ҳатмии масъулияти шаҳрвандӣ;
- тафтиши пардохти маблағҳои муқарраргардидаи андоз, ки аз соҳибони воситаҳои нақлиёт ситонида мешаванд;
- дигар вазифаҳои тибқи тартиби муқарраргардида базиммадошта.
8) Воситаҳои нақлиёти автомобилӣ баъди бақайдгирӣ дар ҷузъу томҳои бақайдгирию имтиҳонотии Бозрасии давлатии автомобилӣ бояд дар давоми 7 шабонарӯз барои гузаштан аз муоинаи ҳатмии давлатии техникӣ пешниҳод карда шаванд. Дар сурати тағйироти бақайдгирии воситаи нақлиёт дар давраи эътиборнокии талони муоинаи техникӣ, он баъд аз супоридани маблағи арзиши талони муоинаи техникӣ бе санҷиши ҳолати техникии воситаи нақлиёт иваз карда мешавад.
9) Воситаи нақлиёте, ки баъд аз истеҳсоли завод бори аввал ба қайди мақомоти Бозрасии давлатии автомобилӣ гирифта мешавад, талони муоинаи техникӣ аз тарафи ҷузъу томҳои Бозрасии давлатии автомобилии маҳали бақайдгирӣ баъд аз пардохти андозу хироҷҳои пешбининамудаи қонунгузории Ҷумҳурии Тоҷикистон ва супоридани маблағи арзиши талони муоинаи техникӣ бе санҷиши ҳолати техникӣ дода мешавад.
10) Муоинаи ҳатмии давлатии техникии воситаҳои нақлиёти автомобилии сабукрав, микроавтобусҳо ва автобусҳое, ки фаъолияти мусофиркашониро бевосита берун аз доираи шахсони ҳуқуқӣ амалӣ менамоянд, инчунин автомобилҳои боркаше, ки барои интиқоли мунтазами одамон, бо шумораи зиёда аз 8 ҷойи нишаст (ғайр аз ронанда), воситаҳои нақлиёти барои кашонидани борҳои хатарнок, гаронвазн ва калонҳаҷм махсусгардонидашуда, инчунин ядакҳои онҳо, ки марбут ба моликияти шахсони воқеӣ ва ҳуқуқӣ, новобаста аз шакли моликият мебошанд, аз тарафи Бозрасии давлатии автомобилӣ ҳар шаш моҳ гузаронида мешавад.
11) Муоинаи ҳатмии давлатии техникии воситаҳои нақлиёт аз тарафи Бозрасии давлатии автомобилӣ ва ҷузъу томҳои он гузаронида мешавад. Ҷойи гузаронидани санҷиши ҳолати техникии воситаҳои нақлиёт пеш аз гузаронидани муоинаи ҳатмии давлатии техникӣ аз тарафи Комиссия дар ҳайати 7 нафар, аз ҷумла 3 нафар кормандони Бозрасии давлатии автомобилӣ (раиси комиссия, котиби комиссия ва аъзои комиссия), инчунин намояндагони Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, Хадамоти зиддиинҳисории назди Ҳукумати Ҷумҳурии Тоҷикистон, Хадамоти давлатии назорат ва танзим дар соҳаи нақлиёти Вазорати нақлиёт ва коммуникатсияи Ҷумҳурии Тоҷикистон, Донишгоҳи техникии Тоҷикистон ба номи М. Осимӣ (аъзои комиссия) иборат аст, муайян карда мешавад.
12) Комиссияи мазкур дар асоси шартҳои зерин ҷойи гузаронидани санҷиши ҳолати техникии воситаҳои нақлиётро пеш аз муоинаи ҳатмии давлатии техникӣ муайян менамояд:
- мавҷудияти таҷҳизоти назоратии дахлдор ва асноди меъёрию техникӣ ва технологӣ;
- мутобиқатии воситаҳои ташхис ба меъёрҳои стандартӣ;
- тахассуснокии мутахассисон;
- мавҷудияти мавзеи ҷойи санҷиш;
- дигар шартҳое, ки дар Низомномаи Комиссия пешбинӣ карда мешаванд.
13) Комиссияи мазкур фаъолияти худро дар асоси Низомнома, ки аз тарафи Вазири корҳои дохилии Ҷумҳурии Тоҷикистон тасдиқ карда мешавад, анҷом медиҳад.
14) Шахсони ҳуқуқӣ ва соҳибкорони инфиродие, ки ба фаъолияти хизматрасонии техникӣ ва таъмири воситаҳои нақлиёт машғуланд (ба истиснои корхонаҳои давлатие, ки фаъолияти хизматрасонии нақлиёти автомобилиро барои мақомоти давлатӣ анҷом медиҳанд), ҳуқуқи гузаронидани санҷиши ҳолати техникии воситаҳои нақлиётро пеш аз муоинаи ҳатмии давлатии техникӣ надоранд.
15) Шахсони ҳуқуқӣ ва соҳибкорони инфиродие, ки Комиссияи зикргардида онҳоро барои гузаронидани санҷиши ҳолати техникии воситаҳои нақлиёт пеш аз муоинаи ҳатмии давлатии техникӣ муайян намудааст, бо Бозрасии давлатии автомобилӣ оид ба амалӣ намудани фаъолият тибқи талаботи Кодекси граждании Ҷумҳурии Тоҷикистон шартнома мебанданд.
2. Чорабиниҳо доир ба омодасозии муоинаи техникӣ
16) Бозрасии давлатии автомобилӣ бодарназардошти пешниҳоди ташкилоти манфиатдор то 1 январи ҳар сол ҷадвали маҷмӯии муоинаи ҳатмии давлатии техникии воситаҳои нақлиётро барои ноҳия (шаҳр) тартиб медиҳад, ки он бояд маълумотро дар бораи ҷой, рӯзҳои тақвим ва вақти гузаронидани муоинаи ҳатмии давлатии техникӣ дар бар гирад. Нусхаи ҷадвали мазкур мувофиқи тақсимоти ҳудудӣ ба комиссариати ҳарбии ноҳияи дахлдор фиристонида мешавад. Бозрасии давлатии автомобилӣ тибқи ҷадвали мазкур ба маъмурияти ташкилот варақаҳои санади муоинаи ҳатмии техникии гурӯҳи воситаҳои нақлиётро (Замимаи № 1) мефиристад.
17) Маъмурияти корхона дар асоси ҷадвали умумии Бозрасии давлатии автомобилӣ ҷадвалҳои худро таҳия мекунад, ки дар онҳо бояд маълумот оид ба ҷой, рӯзҳои тақвимӣ, вақти гузаронидани муоинаи ҳатмии давлатии техникӣ ва миқдори воситаҳои нақлиёти дар давоми ҳар як рӯз муоинашаванда инъикос карда шаванд. Инчунин, аз ҷониби маъмурияти корхона дар варақаи санади муоинаи ҳатмии техникии гурӯҳи воситаҳои нақлиёт рӯйхати воситаҳои нақлиёт бо қайди маълумоти зарурӣ (ғайр аз хулоса дар бораи ҳолати техникӣ) тартиб дода шуда, онро бо тартиби муқарраргардида тасдиқ карда, бо шаҳодатномаи бақайдгирӣ (талони техникӣ)-и воситаҳои нақлиёт, варақаи пардохт (супоришномаи пардохт) дар бораи пардохти андозу хироҷи тибқи қонунгузории Ҷумҳурии Тоҷикистон муайянкардашуда ва полиси суғуртаи ҳатмии масъулияти шаҳрвандӣ аз соҳибони воситаҳои нақлиёт дар мӯҳлати на дертар аз 10 рӯз пеш аз оғози муоина ба Бозрасии давлатии автомобилӣ пешниҳод мегардад.
18) Бозрасии давлатии автомобилӣ вазифадор аст, ки тавассути воситаҳои ахбори омма соҳибони воситаҳои нақлиётро оид ба ҷой, мӯҳлат ва талаботи пешниҳоди воситаҳои нақлиёт барои гузаронидани муоинаи ҳатмии давлатии техникӣ хабардор намояд.
3. Тартиби пешниҳоди воситаҳои нақлиёт ба муоинаи ҳатмии давлатии техникӣ
19) Соҳибони воситаҳои нақлиёт вазифадоранд, ки воситаҳои нақлиёти ба онҳо тааллуқдоштаро дар мӯҳлат ва ҷойи муайяннамудаи Бозрасии давлатии автомобилӣ барои муоинаи ҳатмии давлатии техникӣ пешниҳод намоянд.
20) Бозрасии давлатии автомобилӣ муоинаи ҳатмии давлатии техникии воситаҳои нақлиётро баъд аз пешниҳод намудани ҳуҷҷатҳои зерин анҷом медиҳад:
- ҳуҷҷати тасдиқкунандаи шахсият;
- шаҳодатномаи бақайдгирӣ (талони техникӣ);
- варақаи пардохт (супоришномаи пардохт) дар бораи пардохти андозу хироҷи муқаррарнамудаи қонунгузории Ҷумҳурии Тоҷикистон, полиси суғуртаи ҳатмии масъулияти шаҳрвандӣ аз соҳибони воситаҳои нақлиёт ва варақаи пардохти арзиши варақаи муоинаи техникӣ.
21) Соҳибони воситаҳои нақлиёт, ки варақаи ташхисии ҳолати техникии воситаи нақлиёти дар Замимаи №2 ҳамин Тартиб оварда шударо доранд, онро якҷоя бо асноди дар банди 20 ҳамин Тартиб зикршуда барои барасмиятдарории натиҷаҳои муоинаи ҳатмии давлатии техникӣ дар мӯҳлати 30 шабонарӯз аз рӯзи дода шудани варақаи ташхисӣ ба Бозрасии давлатии автомобилӣ пешниҳод мекунанд.
22) Ҳангоме, ки расонидани воситаи нақлиёт ба ҷойи гузаронидани муоинаи ҳатмии давлатии техникӣ бо ҳаракати худи воситаи нақлиёт аз имкон берун аст (бо сабаби носозии он, набудани қисмҳои эҳтиётӣ ва ғайра), ба Бозрасии давлатии автомобилии маҳали қайд соҳибони он шахсони воқеӣ аризаи хаттӣ, шахсони ҳуқуқӣ санади муоинаи техникии ҳатмии давлатии гурӯҳи воситаҳои нақлиёт ва ҳуҷҷатҳои дар банди 20 ҳамин Тартиб зикршударо (ба истиснои хати расид дар бораи пардохти хироҷ барои муоинаи ҳатмии давлатии техникӣ) пешниҳод мекунанд ва бояд рақамҳои бақайдгирии давлатӣ ва талони пешинаи муоинаи техникиро супоранд. Рақамҳои бақайдгирии давлатии ин воситаҳои нақлиёт то бартараф намудани камбудиҳо нигоҳ дошта мешаванд. Ба шахсони ҳуқуқӣ нусхаи санади муоинаи ҳатмии давлатии техникии гурӯҳи воситаҳои нақлиёт (Замимаи №1) ва ба соҳиби воситаи нақлиёти инфиродӣ нусхаи санади ҳолати техникии воситаи нақлиёт (Замимаи №3) бо қайд дар бораи супорида шудани рақамҳои бақайдгирӣ дода мешавад.
23) Баъди бартараф кардани камбудиҳо соҳиби воситаи нақлиёт онро барои муоинаи ҳатмии давлатии техникӣ якҷоя бо нусхаи санади пештар додашуда дар бораи супоридани рақамҳои бақайдгирӣ ва ҳуҷҷатҳои дар банди 20 ҳамин Тартиб зикргардида пешниҳод мекунад. Ба воситаи нақлиёте, ки коршоям дониста шудааст, рақамҳои пештар супоридашудаи бақайдгирии давлатӣ баргардонида шуда, талони муоинаи техникӣ дода мешавад.
24) Талони муоинаи техникӣ ба гурӯҳи ҳуҷҷатҳои махсуси ҳисоботи қатъӣ мансуб буда, тартиби нашр, нигоҳдорӣ ва сарфи он тибқи фармоиши Вазири корҳои дохилии Ҷумҳурии Тоҷикистон муайян карда мешавад.
4.Тартиби гузаронидани муоинаи техникӣ
25) Муоинаи ҳатмии давлатии техникии ҳар як воситаи нақлиёт бояд аз санҷиши мутобиқати конструксия (сохт), ҳолати техникӣ ва таҷҳизоти воситаҳои нақлиёт ба талаботи Қоидаҳои муқарраршудаи байнидавлатии соҳавӣ, навъ, тамға, рақамҳои бақайдгирӣ, рақамҳои шасси, бордон (кузов), муҳаррик, инчунин ба маълумоти дар шаҳодатномаи бақайдгирӣ (талони техникӣ) дарҷшуда, муқоиса бо Бонки Маҷмӯи автоматикунонидашудаи иттилоотии кофтуковӣ оғоз гардад. Воситаи нақлиёте, ки ҳолати техникӣ ё таҷҳизоти он ҳадди ақал ба яке аз ин талабот ҷавобгӯй нест, носоз ҳисобида шуда, истифодабарии он тибқи тартиби муқарраргардида манъ карда мешавад.
26) Ҳангоми муоинаи ҳатмии давлатии техникӣ воситаҳои нақлиёте, ки дар корхонаҳои ғайри саноати автомобилсозӣ сохта ё аз нав таҷҳизонида шудаанд ва дар ҷараёни сохтан ё аз нав таҷҳизонидан андозаҳо ва меъёрҳои вазни онҳо, аз ҷумла системаи боздорӣ (тормозӣ) ҷойҳои насбкунӣ; дидашавандагӣ; хусусиятҳои нурӣ ва рангии олоти рӯшноидиҳӣ ва аломатҳои нурӣ; қисми ҳаракатӣ; маҷмӯи идоракунӣ, ҳамчунин қисмҳои таркибии сохтории дидашавандагӣ, бехатарии ғайрифаъол ва баъдисадамавиро таъминкунанда, тағйир дода шудаанд, ғайр аз ҳолати техникии воситаҳои нақлиёт мувофиқа карда шудани сохти онҳо бо шӯъбаҳои дахлдори Бозрасии давлатии автомобилӣ тафтиш карда мешавад. Агар сохтан ё аз нав таҷҳизонидан бе мувофиқат бо сохт анҷом дода шуда бошад, истифодаи чунин воситаҳои нақлиёт (бо кушода гирифтани рақамҳои бақайдгирии давлатӣ) то ба талаботи стандартҳо мутобиқ намудани онҳо манъ карда мешавад.
27) Ҳолати техникии ядакҳо (нимядакҳо) ҳам дар ҳайати автопоездҳо ва ҳам дар алоҳидагӣ (барои санҷидани дурустии дастгоҳи кашанда) мавриди санҷиш қарор дода мешаванд.
28) Ҳангоми муоинаи ҳатмии давлатии техникии воситаҳои нақлиёте, ки истифодаи онҳо муваққатан ба таъхир (консерватсия) андохта шудааст, муҷаҳҳазии пурраи онҳо тафтиш карда мешавад. Дар сурати ба вуҷуд омадани шубҳа оид ба коршоямии муҳаррик, трансмиссия ва дигар қисмҳои он, воситаи нақлиёт бе фаровардан аз зермонакҳо мавриди санҷиш қарор дода мешаванд.
29) Ба соҳибони ҳамаи воситаҳои нақлиёте, ки аз муоинаи ҳатмии давлатии техникӣ гузаштаанд, Бозрасии давлатии автомобилӣ талони муоинаи техникӣ (Замимаи №4 ба ҳамин Тартиб) медиҳад, ки онро бозраси давлатии автомобилии назорати техникӣ, дар сурати набудани чунин вазифа дар сохтори шӯъбаҳо (зершӯъбаҳо)-и Бозрасии давлатии автомобилӣ шахси ин вазифаро ба ӯҳда дошта, бо имзои худ ва мӯҳри рақамдори шахсӣ тасдиқ мекунад. Талони муоинаи техникӣ дар кунҷи поёнии тарафи рости шишаи пеши автомашина аз дарун насб карда мешавад.
30) Барқароркунии талони муоинаи техникии гумшуда ё корношоямшуда аз тарафи Бозрасии давлатии автомобилии онро дода ё мақомоти болоии он ба мӯҳлати боқимонда бе санҷиши ҳолати техникӣ пас аз супоридани маблағи арзиши варақаи талони муоинаи техникӣ сурат мегирад.
31) Ҳангоми гузаронидани муоинаи ҳатмии давлатии техникии такрорӣ, ки дар мӯҳлатҳои муқаррарнамудаи ҳамин Тартиб анҷом дода шудааст, талони муоинаи техникӣ бо талони нав иваз карда мешавад, ки дар он санаи муоинаи техникии навбатӣ сабт мегардад.
32) Муоинаи ҳатмии давлатии техникии воситаҳои нақлиёте, ки дар қайди муваққатӣ мебошанд, аз тарафи Бозрасии давлатии автомобилии маҳали қайди муваққатии воситаи нақлиёт анҷом дода мешавад.
33) Истифодаи воситаҳои нақлиёте, ки аз муоинаи ҳатмии давлатии техникӣ дар мӯҳлатҳои пешбининамудаи ҳамин Тартиб гузаронида нашудаанд, аз тарафи Бозрасии давлатии автомобилӣ тибқи тартиби муқарраргардида манъ карда шуда, гунаҳкорон мутобиқи қонунгузории Ҷумҳурии Тоҷикистон ба ҷавобгарии маъмурӣ кашида мешаванд.
5.Ташкил ва гузаронидани муоинаи техникии воситаҳои нақлиёти шахсони ҳуқуқӣ
34) Баъди аз тарафи роҳбари ташкилот тасдиқ шудани ҷадвали муоинаи ҳатмии давлатии техникӣ, нусхаи он ба Бозрасии давлатии автомобилии маҳали қайди доимии (муваққатии) воситаҳои нақлиёт ва комиссариатҳои ҳарбии дахлдор мувофиқи тақсимоти ҳудудӣ фиристонида мешавад.
35) Ба маъмурияти ташкилот бе мувофиқаи Бозрасии давлатии автомобилӣ ва комиссариати ҳарбӣ тағйир додани мӯҳлатҳои гузаронидани муоинаи ҳатмии давлатии техникӣ манъ аст.
36) Мӯҳлати таҳия ва пешниҳоди ҷадвалҳои муоинаи ҳатмии давлатии техникии воситаҳои нақлиёт бо мувофиқаи воҳидҳои маҳаллии Бозрасии давлатии автомобилӣ муқаррар карда мешаванд.
37) Воситаҳои нақлиёте, ки аз маҳали қайди доимӣ ба дигар вилоят ва ноҳия ба мӯҳлати зиёда аз 2 моҳ рафтаанд дар Бозрасии давлатии автомобилии маҳали қайди муваққатии онҳо дар мӯҳлатҳои барои корхонаҳои асосӣ муқарраргардида аз муоинаи ҳатмии давлатии техникӣ гузаронида мешаванд.
38) Воситаҳои нақлиёте, ки ба дигар корхонаҳо ё шаҳрвандон ба кироя дода шудаанд, дар корхонаи асосӣ ё Бозрасии давлатии автомобилии маҳали қайди муваққатии онҳо дар мӯҳлатҳои барои корхонаҳои асосӣ муқарраргардида аз муоинаи ҳатмии давлатии техникӣ гузаронида мешаванд.
39) Маъмурияти корхона дар мӯҳлати 5 рӯз баъди анҷоми муоинаи ҳатмии давлатии техникӣ як нусхаи санади муоинаи ҳатмии давлатии техникии гурӯҳи воситаҳои нақлиётро (Замимаи №1) ба комиссариати ҳарбии дахлдор тақсимоти ҳудудӣ пешниҳод мекунад.
6. Барасмиятдарории натиҷаи ташхис дар нуқтаҳои санҷишии ҳолати техникии воситаҳои нақлиёт пеш аз муоинаи ҳатмии давлатии техникӣ
40) Дар асоси натиҷаи санҷиши ҳолати техникии воситаи нақлиёт варақаи ташхисӣ дар се нусха ба расмият дароварда мешавад (Замимаи №2). Ду нусхаи варақаи ташхисӣ ба соҳибмулк (намояндаи соҳибмулк) дода шуда, як нусха барои худи соҳибмулк ва нусхаи дуюм барои пешниҳод намудан ба мақомоти Бозрасии давлатии автомобилии маҳали гузаронидани муоинаи ҳатмии давлатии техникӣ ва нусхаи сеюм дар нуқтаи ташхиси техникӣ нигоҳ дошта мешавад. Варақаи ташхисии ҳолати техникии воситаҳои нақлиёти шахсони ҳуқуқӣ барои аз тарафи Бозраси давлатии автомобилӣ ва шахсони ҳуқуқӣ тартиб додани санад, ки дар Замимаи №1 Тартиби мазкур муайян шудааст, асос шуда метавонад.
41) Ба ҳар як воситаи нақлиёте, ки аз санҷиши ҳолати техникӣ гузаштааст, варақаи ташхисӣ дода мешавад, ки ҳуҷҷати тасдиқкунандаи ҳолати техникии он шуда метавонад. Ҳангоми гузаронидани санҷиши такрории воситаҳои нақлиёте, ки нуқсонҳои техникӣ доштанд, дар мӯҳлати на дертар аз 30 рӯз аз лаҳзаи санҷиши қаблан гузарондашуда, танҳо он нишондодҳо таҳти санҷиш қарор дода мешаванд, ки зимни санҷиши қаблӣ ба талаботи бехатарии ҳаракат дар роҳ ҷавобгӯй набуданд. Дар мавриди баъди гузаштани мӯҳлати муқарраршуда, пешниҳод гардидани воситаи нақлиёт, ҳолати техникии он дар ҳаҷми пурра санҷида мешавад.
42) Варақаи ташхисии нуқтаҳои санҷиши ҳолати техникии воситаҳои нақлиёт пеш аз муоинаи ҳатмии давлатии техникӣ ба Бозрасии давлатии автомобилӣ пешниҳод карда мешавад ва барои барасмиятдарории натиҷаҳои муоинаи техникии воситаҳои нақлиёт бе санҷиши ҳолати техникии онҳо асос мегардад.
7. Барасмиятдарории натиҷаи муоинаи ҳатмии давлатии техникӣ
43) Аз рӯи натиҷаҳои муоинаи техникӣ Бозрасии давлатии автомобилӣ ба варақаи баҳисобгирӣ ва ё барномаи компютерӣ қайдҳои дахлдор дохил намуда, ҳисоботи давлатии омориро тибқи намунаҳои бо қарори Агентии омори назди Президенти Ҷумҳурии Тоҷикистон тасдиқшуда, инчунин ҳисоботро оид ба воситаҳои нақлиёте, ки ба санаи 31 декабри соли ҳисоботӣ дар қайди мақомоти Бозрасии давлатии автомобилӣ мебошанд, шумораи воситаҳои нақлиёте, ки аз муоинаи ҳатмии давлатии техникӣ гузаштаанд ва маблағи андози дар соли ҳисоботи супоридашуда, тартиб медиҳад ва дар мӯҳлатҳои муқарраршуда ба мақомоти ваколатдори давлатии дахлдор мефиристад.
44) Барои воситаҳои нақлиёте, ки дар маҳали қайди муваққатӣ аз муоинаи техникӣ гузаронида шудаанд, санади муоинаи ҳатмии давлатии техникии воситаи нақлиёт (Замима №5) тартиб дода шуда, дар мӯҳлати 10 рӯз ба Бозрасии давлатии автомобилии маҳали қайди доимии воситаи нақлиёт фиристода мешаванд. Санадҳои зикршуда барои дохил кардани онҳо ба ҳисоботи корхонаи асосӣ (Замимаи №1 ба ҳамин Тартиб) ва ҳисоботи дар банди 43)-и ҳамин Тартиб пешбинишуда асос мегардад.
Ниг. ба Замимаи № 1 - 5
