Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби ба ҷамъияти саҳомии кушода табдил додани корхонаи давлатӣ ва воҳиди сохтории он

Мутобиқи моддаи 11 Қонуни Ҷумҳурии Тоҷикистон "Дар бораи ҷамъиятҳои саҳомӣ" ва ҷиҳати иҷрои Фармони Президенти Ҷумҳурии Тоҷикистон аз 29 декабри 1996 №631 "Дар бораи тадбирҳои суръатбахшии саҳомикунонии корхонаҳо" Ҳукумати Ҷумҳурии Тоҷикистон қарор мекунад:

1) Тартиби ба ҷамъияти саҳомии кушода табдил додани корхонаи давлатӣ ва воҳиди сохтории он тасдиқ карда шавад (замима мегардад).

2) Қарори Ҳукумати Ҷумҳурии Тоҷикистон аз 18 июни соли 1997 №280 "Дар бораи тартиби ба ҷамъияти саҳомии навъи кушода табдил додани корхонаи давлатӣ" аз эътибор соқит дониста шавад.