ҚОНУНИ ҶУМҲУРИИ ТОҶИКИСТОН

Оид ба ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ"

Моддаи 1. Ба Қонуни Ҷумҳурии Тоҷикистон аз 12 январи соли 2010 "Дар бораи омори давлатӣ" (Ахбори Маҷлиси Олии Ҷумҳурии Тоҷикистон, с. 2010, №1, мод.12) тағйироту иловаи зерин ворид карда шаванд:

1. Дар тамоми матни Қонун калимаҳои "Феҳрист", "феҳристи", "феҳристҳо" мутаносибан ба калимаҳои "Регистр", "регистри", "регистрҳо" иваз карда шаванд.

2. Дар моддаи 10:

- қисми 3 бо мазмуни зайл илова карда шавад:

"3. Шӯрои байниидоравии оморӣ ҳуқуқи баррасии масъалаҳои махсуси омори расмӣ, таъсиси гурӯҳҳои корӣ ва даъвати коршиносонро дошта, ба ҷаласаҳои худ метавонад коршиносони берунаро низ даъват намояд. Шӯрои байниидоравӣ барои маслиҳат метавонад ба ташкилотҳои байналмилалӣ ва шӯроҳои омории давлатҳои дигар муроҷиат намояд.";

- дар қисми 3 калимаи "Ҳукумати" ба калимаи "Президенти" иваз карда шавад;

- қисми 3 қисми 4 ҳисобида шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид ворид намудани тағйироту илова ба Қонуни Ҷумҳурии Тоҷикистон "Дар бораи омори давлатӣ" ҷонибдорӣ карда шавад.