ҚОНУНИ ҶУМҲУРИИ ТОҶИКИСТОН

Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ"

Моддаи 1. Ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" аз 29 ноябри соли 2000 (Ахбори Маҷлиси Олии Ҷумҳурии Тоҷикистон, с. 2000, №11, мод. 539; с. 2003, № 4, мод. 146, № 8, мод. 461; с. 2004, № 2, мод. 50, № 7, мод. 464; с. 2005, №3, мод. 117; с. 2006, №11, мод. 467; с. 2007, №7, мод. 659) тағйироти зерин ворид карда шаванд:

1. Дар қисми шашуми моддаи 1 калимаҳои "Вазорати ҳолатҳои фавқулодда ва мудофиаи граждании" ба калимаҳои "Кумитаи ҳолатҳои фавқулодда ва мудофиаи граждании назди Ҳукумати", калимаҳои "қӯшунҳои сарҳадии Кумитаи ҳифзи сарҳади давлатии назди Ҳукумати Ҷумҳурии Тоҷикистон (аз он ҷумла мақомоти идоракунии идораҳои мазкур)," ба калимаҳои "(аз он ҷумла мақомоти идоракунии он)," калимаҳои "Вазорати амнияти" ба калимаҳои "Кумитаи давлатии амнияти миллии" ва калимаҳои "Агентии таъмини амволи махсуси назди Вазорати иқтисод ва савдои" ба калимаҳои "Агентии таъминоти амволи махсуси назди Ҳукумати" иваз карда шаванд.

2. Дар моддаи 7:

- дар қисми сеюм калимаҳои "Вазорати амнияти" ва "вазорати" мутаносибан ба калимаҳои "Кумитаи давлатии амнияти миллии" ва "Кумитаи давлатии" иваз карда шаванд;

- дар қисми ҳаштум калимаҳои "ва мақомоти полиси андоз" хориҷ карда шаванд.

3. Дар сархати якуми қисми якуми моддаи 9 калимаҳои "Вазорати амнияти" ва "вазорати" мутаносибан ба калимаҳои "Кумитаи давлатии амнияти миллии" ва "Кумитаи давлатии" иваз карда шаванд.

4. Дар банди е) қисми дуюми моддаи 21, банди м) қисми якуми моддаи 45, банди б) қисми дуюми моддаи 49 ва қисми чоруми моддаи 50 калимаҳои "полиси андоз," хориҷ карда шаванд.

5. Дар қисми ҳаштуми моддаи 39 калимаҳои "мақомоти полиси андоз," хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ"

Мутобиқи моддаҳои 36 ва 40 Қонуни конститутсионии Ҷумҳурии Тоҷикистон "Дар бораи Маҷлиси Олии Ҷумҳурии Тоҷикистон" Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" ҷонибдорӣ карда шавад.