Низомномаи медали ҷашнии "15-солагии Гвардияи миллии Ҷумҳурии Тоҷикистон"

1) Медали ҷашнии "15-солагии Гвардияи миллии Ҷумҳурии Тоҷикистон" ба муносибати 15-солагии Гвардияи миллии Ҷумҳурии Тоҷикистон баҳри сарфароз гардонидани хизматчиёни ҳарбӣ ва кормандони ғайринизомии Гвардияи миллии Ҷумҳурии Тоҷикистон барои иҷрои намунавии вазифаҳои хизматӣ, нишондодҳои баланд дар тайёрии ҷангӣ ва ҷамъиятию башардӯстӣ таъсис дода шудааст.

2) Бо медали ҷашнӣ, инчунин намояндагони дигар вазорату идораҳои Ҷумҳурии Тоҷикистон, ки дар онҳо тибқи қонун хизмати ҳарбӣ пешбинӣ шудааст, дигар шаҳрвандони Ҷумҳурии Тоҷикистон ва шаҳрвандони хориҷӣ барои ҳамкориҳо дар соҳаи ҳарбӣ сарфароз гардонида мешаванд.

3) Бо медали ҷашнии "15-солагии Гвардияи милии Ҷумҳурии Тоҷикистон" (минбаъд-медали ҷашнӣ) сарфароз гардондан тибқи фармони Фармондеҳи Гвардияи миллии Ҷумҳурии Тоҷикистон, мувофиқи рӯйхати пешниҳодшуда бо қайди ному насаб, унвони ҳарбӣ (танҳо барои хизматчиёни ҳарбӣ) ва вазифаи ишғолкарда анҷом дода мешавад. Рӯйхат аз тарафи муовинони Фармондеҳи Гвардияи миллии Ҷумҳурии Тоҷикистон, сардорони шӯъбаҳо, хадамотҳо, шӯъбачаҳои Раёсати Гвардияи миллии Ҷумҳурии Тоҷикистон, командирони қисму воҳидҳои ҳарбии Гардияи миллии Ҷумҳурии Тоҷикистон имзо гардида, бо мӯҳри гербдор тасдиқ карда мешавад.

4) Сарфароз гардонидани шаҳрвандони хориҷӣ бо медали ҷашнӣ баъди аз тарафи сохторҳои ҳарбӣ ва шахсони вазифадорӣ давлатҳои хориҷӣ пешниҳод намудани рӯйхат анҷом дода мешавад.

5) Командироне (сардороне), ки дар бораи бо медали ҷашнӣ сарфароз гардонидани зердастон дархост пешниҳод намудаанд, оид ба қабули қарор ба сардорони болоӣ рӯйхат пешниҳод менамоянд.

6) Барои дуруст тартиб додани рӯйхат шахси мансабдор, ки онро имзо намудааст, ҷавобгар мебошад.

7) Барои бо медали ҷашнӣ сарфароз гардонидан хизматчиёни ҳарбие пешниҳод карда мешаванд, ки ҷазои интизомӣ надоранд.

8) Фармондеҳи Гвардияи миллии Ҷумҳурии Тоҷикистон метавонад бо медали ҷашнӣ кормандони мақомоти давлатиро, ки саҳми худро дар мустаҳкам намудани фаъолияти Гвардияи миллии Ҷумҳурии Тоҷикистон ва Қувваҳои мусаллаҳи Ҷумҳурии Тоҷикистон гузоштаанд сарфароз гардонад.

9) Супоридани медали ҷашнӣ аз тарафи Фармондеҳи Гвардияи миллии Ҷумҳурии Тоҷикистон, ва инчунин аз номи (ё) бо супориши Фармондеҳи Гвардияи миллии Ҷумҳурии Тоҷикистон аз тарафи муовинони Фармондеҳи Гвардияи миллии Ҷумҳурии Тоҷикистон ва командирони қисмҳои ҳарбии Гвардияи миллии Ҷумҳурии Тоҷикистон дар шароити тантанавӣ анҷом дода мешавад.

10) Пеш аз супоридани медали ҷашнӣ фармони Фармондеҳи Гвардияи миллии Ҷумҳурии Тоҷикистон дар бораи сарфароз гардонидан бо ин медал хонда мешавад.

11) Бо медали ҷашнӣ ба шахси сарфарозгардида, инчунин шаҳодатномаи ин медал супорида мешавад.

12) Дар ҳолати ба ҷои нави хизмати ҳарбӣ (кори) рафтани сарфарозшуда, ҳангоми рухсат шудан аз хизмати ҳарбӣ то ба ӯ супорида шудани медали ҷашнӣ, нусха аз фармони Фармондеҳи Гвардияи миллии Ҷумҳурии Тоҷикистон бо медали ҷашнӣ ба ҷои нави хизмати ҳарбии (кори) сарфарозгардида ё комиссариати ҳарбии ҷои истиқомати ӯ барои супоридан фиристода мешавад.

13) Дар бораи мукофотонидан бо медали ҷашнӣ дар парвандаи шахсии сарфарозгардида навиштаҷоти дахлдор сабт карда мешавад.

14) Медали ҷашнӣ дар тарафи чапи қафаси сина насб карда мешавад.

Тавсифи медали ҷашнии "15-солагии Гвардияи миллии Ҷумҳурии Тоҷикистон"

1) Медали ҷашнии "15-солагии Гвардияи миллии Ҷумҳурии Тоҷикистон" (минбаъд-медали ҷашнӣ) аз доираи масолеҳи металлаш тиллоранг иборат буда, қутраш 35 мм мебошад. Тасвираш дутарафа.

2) Дар тарафи рӯи медали ҷашнӣ, дар қисми марказӣ рамзи Гвардияи миллии Ҷумҳурии Тоҷикистон, рангҳои парчами Ҷумҳурии Тоҷикистон ва ситораи панҷгӯша бо ранги эмали тасвирӣ оро дода шудааст. Дар қисми поёнӣ, аз ҳарду тараф гулчанбари ифтихорӣ ҳошиякашӣ карда шудааст. Дар қисми болои медали ҷашнӣ навиштаҷоти "1995" аз чап, - "2010" аз рост ҳошиякашӣ карда шудааст.

3) Дар паси медали ҷашнӣ аз боло ба гирд навиштаҷоти "Гвардияи миллии Ҷумҳурии Тоҷикистон" ҷой дода шудааст, дар қисми поёнӣ, дар тасма рақами "15", аз поёни он бошад калимаи "СОЛ", дар миёна, аз болои тасма сӯроби кӯҳҳо, дар болои қӯҳҳо офтоб бо нурҳои аз он бароянда тасвир ёфтаанд. Дар марказ нақши муқарнаси тоҷ, дар болояш 7 ситора ба шакли нимдоира-рамзи Ҷумҳурии Тоҷикистон тасвир ёфтааст.

4) Медали ҷашнӣ аз ҳарду тараф бо деворҳои барҷаста ҳошиякашӣ карда шудааст. Қисми болои медали ҷашнӣ аз гӯшак иборат аст, ки он ба воситаи ҳалқача ба колодка (қолаб) насб карда мешавад. Колодка бо тасмаи парниё рӯпӯш карда шуда, аз рахҳои рангаи аз тарафи чап: сафед2 мм ва кабуди равшан-23 мм, рамзи ранги осмон ва сулҳ ва аз тарафи рост: аз рахҳои рангаи ивазшавандаи нишонаи рамзии парчами Ҷумҳурии Тоҷикистон аз чап ба рост: сабз-10 адм, сафед-15 мм, сурх-10 мм иборат мебошад. Бараш дар қисми болоӣ 25 мм, дар поёнии он 45 мм, баландӣ дар миёна - 45 мм ва аз тарафҳо бошад 10 мм мебошад,

5) Медали ҷашнӣ ба воситаи сӯзанаке, ки дар паси колодкаи он ҷойгар аст, ба либос насб карда мешавад.

6) Заминаи медали ҷашнӣ аз ҳарду тараф зарҳалдавонӣ карда шудааст.

7) Зеҳ барои доимо пӯшида гаштан ба тарзи муқаррарӣ тарҳрезӣ шуда, бараш 28 мм, баландиаш 10 мм аст ва бо тасмаи рангубораш муқаррарӣ рӯйкаш карда шудааст.