Ҳукумати Ҷумҳурии Тоҷикистон

ҚАРОР

Дар бораи Консепсияи ислоҳоти хоҷагии манзилию коммуналӣ дар Ҷумҳурии Тоҷикистон барои солҳои 2010-2025

Мутобиқи моддаи 6 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон" ва бо мақсади беҳтар намудани фаъолияти соҳаи хизматрасонии хоҷагии манзилию коммуналӣ Ҳукумати Ҷумҳурии Тоҷикястон қарор мекунад:

1) Консепсияи ислоҳоти хоҷагии манзилию коммуналӣ дар Ҷумҳурии Тоҷикистон барои солҳои 2010-2025 тасдиқ карда шавад (замима мегардад).

2) Вазорату идораҳо ва мақомоти иҷроияи маҳаллии ҳокимияти давлатӣ:

- оид ба татбиқи Консепсияи ислоҳоти хоҷагии манзилию коммуналӣ дар Ҷумҳурии Тоҷикистон барои солҳои 2010-2025 тадбирҳои зарурӣ андешанд;

- Барномаи рушди соҳавӣ ва минтақавии хоҷагии манзилию коммуналиро дар давраи то соли 2025 таҳия намоянд.

Корхонаи воҳиди давлатии "Хоҷагии манзилию коммуналӣ" дар таҳия намудани Барномаи соҳавӣ ба вазорату идораҳо ва мақомоти иҷроияи маҳаллии ҳокимияти давлатӣ мусоидат намояд.

3) Вазорати рушди иқтисод ва савдои Ҷумҳурии Тоҷикистон, Корхонаи воҳиди давлатии "Хоҷагии манзилию коммуналӣ", дар якҷоягӣ бо вазорату идораҳо ва мақомоти иҷроияи маҳаллии ҳокимияти давлатӣ ҳангоми таҳия намудани дурнамои рушди иҷтимоию иқтисодии ҷумҳурӣ барои ояндаи миёнамӯҳлат ва дарозмӯҳлат, эҳтиёҷоти соҳаро барои татбиқи талаботи муқаррариамудаи Консепсияи ислоҳоти хоҷагии манзилию коммуналӣ дар Ҷумҳурии Тоҷикистон барои солҳои 2010-2025 ба инобат гиранд.

4) Корхонаи воҳиди давлатии "Хоҷагии манзилию коммуналӣ" оид ба иҷрои Консепсияи мазкур ба Ҳукумати Ҷумҳурии Тоҷикистон ҳар сол ахбори хаттӣ пешниҳод намояд.