Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи ҷамъиятӣ оид ба назорати харҷи маблағи аз фурӯши саҳмияҳои Ҷамъияти саҳомии кушодаи "НБО Роғун" ва маблағҳои кӯмаку хайрияи молию моддии барои сохтмони НБО "Роғун" ҷамъшуда

Мутобиқи моддаи 28 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади назорати харҷи маблағи аз фурӯши саҳмияҳои Ҷамъияти саҳомии кушодаи "НБО Роғун" ва маблағҳои кӯмаку хайрияи молию моддии барои сохтмони НБО "Роғун" ҷамъшуда Ҳукумати Ҷумҳурии Тоҷикистон қарор мекунад:

1) Комиссияи ҷамъиятӣ оид ба назорати харҷи маблағи аз фурӯши саҳмияҳои Ҷамъияти саҳомии кушодаи "НБО Роғун" ва маблағҳои кӯмаку хайрияи молию моддии барои сохтмони НБО "Роғун" ҷамъшуда дар ҳайати зерин таъсис дода шавад:

Нодир Одилов - Райси Шӯрои кӯҳансолон (Раиси Комиссия)

Изатулло Ҳаёев - собиқадори меҳнат (муовини Раиси Комиссия)

Султон Мирзошоев - собиқадори меҳнат

Сафар Сафаров - ҷонишини аввали Раиси Ҳизби халқи демократии Тоҷикистон

Масъуд Собиров - Раиси Ҳизби демократии Тоҷикистон

Рафиқа Мӯсоева - Раиси Ассотсиатсияи энергетикҳои Тоҷикистон

Баҳром Сироҷев - собиқадори меҳнат

Меҳмон Бахтӣ - Раиси Иттифоқи нависандагони Тоҷикистон

Қурбон Восиев - Раиси Кумитаи иҷроияи Ҳаракати ваҳдати миллӣ ва эҳёи Тоҷикистон

Нуралӣ Саидов - Котиби ҳамоҳангсози Шӯрои ҷамъиятии Ҷумҳурии Тоҷикистон

Талбак Назаров - Раиси Хазинаи хайрияи Тоҷикистон

Ҳоҷӣ Амон Неъматзода - Раиси Шӯрои уламои Маркази исломии Тоҷикистон

Исомиддин Салоҳиддинов - Раиси Анҷумани тоҷикон ва форсизабонони ҷаҳон "Пайванд" (котиби масъули Комиссия)

Акбаралӣ Сатторов - Раиси иттифоқи журналистони Тоҷикистон

Раҷабалӣ Қудратов - собиқадори меҳнат.

2) Низомномаи Комиссияи ҷамъиятӣ оид ба назорати харҷи маблағи аз фурӯши саҳмияҳои Ҷамъияти саҳомии кушодаи "НБО Роғун" ва маблағҳои кӯмаку хайрияи молию моддии барои сохтмони НБО "Роғун" ҷамъшуда тасдиқ карда шавад (замима мегардад).