Ҳукумати Ҷумҳурии Тоҷикистон

ҚАРОР

Дар бораи ба ҷамъиятҳои саҳомии кушода табдил додани корхонаҳои воҳиди давлатии "Фурудгоҳи байналмилалии Душанбе", "Фурудгоҳи байналмилалии Хуҷанд", "Фурудгоҳи байналмилалии Кӯлоб", "Фурудгоҳи байналмилалии Қӯрғонтеппа" ва Корхонаи воҳиди давлатии ҳавопаймоии "Тоҷик Эйр"

Мутобиқи моддаҳои 58 ва 59 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Корхонаи воҳиди давлатии "Фурудгоҳи байналмилалии Душанбе" ба Ҷамъияти саҳомии кушодаи "Фурудгоҳи байналмилалии Душанбе" табдил дода шавад.

2) Корхонаи воҳиди давлатии "Фурудгоҳи байналмилалии Хуҷанд" ба Ҷамъияти саҳомии кушодаи "Фурудгоҳи байналмилалии Хуҷанд" табдил дода шавад.

3) Корхонаи воҳиди давлатии "Фурудгоҳи байналмилалии Кӯлоб" ба Ҷамъияти саҳомии кушодаи "Фурудгоҳи байналмилалии Кӯлоб" табдил дода шавад.

4) Корхонаи воҳиди давлатии "Фурудгоҳи байналмилалии Қӯрғонтеппа" ба Ҷамъияти саҳомии кушодаи "Фурудгоҳи байналмилалии Қӯрғонтеппа" табдил дода шавад.

5) Корхонаи воҳиди давлатии ҳавопаймоии "Тоҷик Эйр" ба Ҷамъияти саҳомии кушодаи "Тоҷик Эйр" табдил дода шавад.

6) Кумитаи давлатии сармоягузорӣ ва идораи амволи давлатии Ҷумҳурии Тоҷикистон масъалаҳои ташкилию ҳуқуқии таъсиси ҷамъиятҳои саҳомии кушодаи "Фурудгоҳи байналмилалии Душанбе", "Фурудгоҳи байналмилалии Хуҷанд", "Фурудгоҳи байналмилалии Кӯлоб", "Фурудгоҳи байналмилалии Қӯргонтеппа" ва "Тоҷик Эйр"-ро мувофиқи қонунгузории Ҷумҳурии Тоҷикистон ҳал намояд.

7) Вазорати нақлиёт ва коммуникатсияи Ҷумҳурии Тоҷикистон дар мӯҳлати ду моҳ санадҳои меъёрии ҳуқуқии соҳавиро бо қарори мазкур мутобиқ карда, ҳангоми зарурат вобаста ба ин масъала ба Ҳукумати Ҷумҳурии Тоҷикистон таклиф пешниҳод намояд.