ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муҳоҷират"

Моддаи 1. Ба Қонуни Ҷумҳурии Тоҷикистон аз 11 декабри соли 1999 "Дар бораи муҳоҷират" (Ахбори Маҷлиси Олии Ҷумҳурии Тоҷикистон, с. 1999, № 12, мод. 320; с. 2002, № 4, қ. 1, мод. 248; с. 2005, № 12, мод. 657; с. 2008, № 12, қ. 2, мод. 1004) тағйиру иловаҳои зерин ворид карда шаванд:

1. Дар тамоми матни Қонун калимаи "мақоми" ба калимаи "мақомоти" иваз карда шавад.

2. Дар моддаи 1:

- дар сархати бисту дуюм калимаи "муҳоҷирати" ба калимаи "муҳоҷири" иваз карда шавад;

- сархатҳои нав бо мазмуни зерин илова карда шаванд:

"- муҳоҷирати экологӣ - ҷараёни маҷбурии кӯчидани шаҳрвандон дар ҳудуди давлати худ вобаста ба вайрон гардидани вазъи муҳити зист ё фалокатҳои экологӣ;

- субъектҳои хоҷагидорӣ - шахсони воқеӣ ё ҳуқуқие, ки фаъолияти хоҷагидориро ба амал мебароранд ва барои фаъолияти бо кортаъминкунии шаҳрвандони Ҷумҳурии Тоҷикистон дар хориҷи кишвар ва ҷалб намудани қувваи кории хориҷӣ ба Ҷумҳурии Тоҷикистон иҷозатнома доранд.".

3. Дар моддаи 4:

- қисми якум дар таҳрири зайл ифода карда шавад:

"Шахсоне, ки тибқи Қонуни мазкур барои истиқомати доимӣ ё муваққатӣ дар Ҷумҳурии Тоҷикистон иҷозат гирифтаанд, вазъи ҳуқуқии муҳоҷирони хориҷиро мегиранд.";

- дар қисмҳои дуюм ва сеюм калимаҳои "ба мӯҳлати зиёда аз шаш моҳ" хориҷ карда шуда, дар тамоми матни Қонун калимаҳои "статуси" ва "вазъи" ба калимаҳои "вазъи ҳуқуқии" иваз карда шаванд;

- дар қисмҳои дуюм, сеюм ва чорум калимаи "Шахсе" ба калимаи "Шахсоне" иваз карда шавад.

4. Ба қисми якуми моддаи 7 бандҳои 8), 9) ва 10) бо мазмуни зерин илова карда шаванд:

"8) бақайдгирии муҳоҷирати шаҳрвандони Ҷумҳурии Тоҷикистон ба хориҷа ва бозгашт аз хориҷаро амалӣ менамояд;

9) барои амалӣ гардонидани фаъолияти бо кортаъминкунии шаҳрвандони Ҷумҳурии Тоҷикистон дар хориҷи кишвар ва ҷалб намудани қувваи кории хориҷӣ ба Ҷумҳурии Тоҷикистон иҷозатнома медиҳад ва ҷиҳати ташкили фаъолият ба субъектҳои хоҷагидорӣ мусоидат намуда, санҷиши фаъолияти онҳоро амалӣ мекунад;

10) муҳоҷирати меҳнатии ғайриқонуниро пешгирӣ менамояд, дар ҳолати ошкор намудани риоя накардани қоидаҳои истиқомат аз ҷониби шаҳрвандони хориҷӣ ва шахсони бешаҳрванд барои ба ҷавобгарии маъмурӣ ва ҷиноятӣ кашидани онҳо мавод таҳия мекунад.".

5. Дар қисми панҷуми моддаи 82 калимаҳои "мақомоти ваколатдор" ба калимаҳои "шахсони воқеӣ ё ҳуқуқӣ" иваз карда шаванд.

6. Ба Қонун моддаи 84 бо мазмуни зерин илова карда шавад:

"Моддаи 84. Додани иҷозат барои кор дар Ҷумҳурии Тоҷикистон

Тартиби додани иҷозат барои кор ба шаҳрвандони хориҷӣ ва шахсони бешаҳрвандеро, ки дар Ҷумҳурии Тоҷикистон фаъолияти меҳнатӣ анҷом медиҳанд, Ҳукумати Ҷумҳурии Тоҷикистон муайян менамояд.".

7. Қисми якуми моддаи 91 дар таҳрири зайл ифода карда шавад:

"Тартиби пешниҳоди ҳисоботи оморӣ оид ба муҳоҷирати меҳнатии шаҳрвандони Ҷумҳурии Тоҷикистон ба хориҷа ва бозгашт аз хориҷа ва оид ба ҷалб намудани шаҳрвандони хориҷӣ ва шахсони бешаҳрвандро ба фаъолияти меҳнатӣ дар Ҷумҳурии Тоҷикистон Ҳукумати Ҷумҳурии Тоҷикистон муайян менамояд.".

8. Дар моддаи 10 калимаҳои "барои истиқомат, дар Ҷумҳурии Тоҷикистон иҷозат" ба калимаҳои "иҷозат барои истиқомат дар Ҷумҳурии Тоҷикистон" иваз карда шаванд.

9. Моддаи 12 дар таҳрири зайл ифода карда шавад:

"Моддаи 12. Тартиби муроҷиат ва баррасии дархости шаҳрванди хориҷӣ ё шахси бешаҳрванд дар бораи гирифтани иҷозат барои истиқомати доимӣ дар Ҷумҳурии Тоҷикистон

1. Шаҳрвандони хориҷӣ ё шахсони бешаҳрванд метавонанд дар Ҷумҳурии Тоҷикистон доимӣ истиқомат кунанд, агар онҳо иҷозати дахлдори бо гувоҳномаи истиқомат дар Ҷумҳурии Тоҷикистон ба расмият даровардашударо дошта бошанд.

2. Ариза оид ба додани иҷозат барои истиқомати доимӣ аз ҷониби шаҳрвандони хориҷӣ ва шахсони бешаҳрванд, ки муваққатан дар Ҷумҳурии Тоҷикистон қарор доранд, ба мақомоти ваколатдори давлатӣ оид ба муҳоҷирати меҳнатии маҳалли зисташон ва шахсони дар хориҷа истиқоматкунанда бошанд, ба намояндагии дипломатӣ ё муассисаи консулии Ҷумҳурии Тоҷикистон пешниҳод карда мешавад.

3. Қарорро оид ба дархости шаҳрвандони хориҷӣ ва шахсони бешаҳрванд дар бораи ба онҳо додани иҷозат барои истиқомати доимӣ дар Ҷумҳурии Тоҷикистон мақомоти ваколатдори давлатӣ оид ба муҳоҷирати меҳнатӣ қабул менамояд.

4. Мӯҳлати баррасии мавод дар бораи додани иҷозат барои истиқомати доимӣ дар Ҷумҳурии Тоҷикистон набояд аз як моҳ зиёд бошад.

5. Қарор дар бораи додани иҷозат барои истиқомати доимии шаҳрвандони хориҷӣ ва шахсони бешаҳрванд дар Ҷумҳурии Тоҷикистон барои ба расмият даровардан ва ба онҳо додани гувоҳномаи истиқомат асос шуда метавонад.

6. Қарор дар бораи рад намудани истиқомати доимии шаҳрвандони хориҷӣ ва шахсони бешаҳрванд дар Ҷумҳурии Тоҷикистон дар муддати се рӯз аз рӯзи қабули қарор ба аризадиҳандагон ба таври хаттӣ хабар дода мешавад.".

10. Ба моддаи 19 бандҳои 9), 10) ва 11) бо мазмуни зерин илова карда шаванд:

"9) агар амалҳои ӯ ба саломатии аҳолӣ ва тартиботи ҷамъиятии Ҷумҳурии Тоҷикистон таҳдид намоянд;

10) агар амалҳои ӯ ба амнияти миллӣ ва истиқлолияти иқтисодии Ҷумҳурии Тоҷикистон хавф дошта бошанд;

11) агар ба фаъолияти террористӣ ё дигар намуди фаъолияти экстремистӣ, хариду фурӯши одамон, яроқу аслиҳа ва маводи тарканда, муомилоти ғайриқонунии маводи нашъадор, воситаҳои психотропӣ ва прекурсорҳои онҳо, ташкили муҳоҷирати ғайриқонунӣ ва дигар кирдорҳои ғайриқонунӣ, ки ба мудофиаи давлат, амният ё тартиботи ҷамъиятӣ зарар мерасонанд, иртибот дошта бошад.".

11. Моддаи 20 дар таҳрири зайл ифода карда шавад:

"Моддаи 20. Ҳуҷҷатҳои тасдиқкунандаи ҳуқуқи истиқомати доимии шаҳрвандони хориҷӣ ва шахсони бешаҳрванд дар Ҷумҳурии Тоҷикистон

Ба шаҳрвандони хориҷӣ ва шахсони бешаҳрванде, ки барои истиқомати доимӣ дар Ҷумҳурии Тоҷикистон иҷозати мақомоти ваколатдорро гирифтаанд, аз ҷониби мақомоти корҳои дохилӣ иҷозат барои истиқомат ва ба шахсони бешаҳрванд бошад, шаҳодатномаи шахси бешаҳрванд дода мешавад, ки намунаи онро Ҳукумати Ҷумҳурии Тоҷикистон муайян мекунад.".

12. Дар моддаи 21:

- номи модда дар таҳрири зайл ифода карда шавад:

"Моддаи 21. Асосҳои рад намудани додани иҷозат барои истиқомат ва шаҳодатномаи шахси бешаҳрванд";

- дар қисми якум калимаҳои "иҷозат ва шаҳодатномаи шахси бешаҳрвандӣ барои истиқомат дар Ҷумҳурии Тоҷикистон" ба калимаҳои "иҷозат барои истиқомат ва шаҳодатномаи шахси бешаҳрванд" иваз карда шаванд;

- дар қисми дуюм калимаҳои "иҷозат ба шаҳрвандони хориҷӣ ва шаҳодатнома ба шахси бешаҳрвандӣ барои истиқомат" ба калимаҳои "иҷозат барои истиқомат ва шаҳодатномаи шахси бешаҳрванд" иваз карда шуда, калимаи "арз" хориҷ карда шавад.".

13. Дар тамоми матни Қонун қисмҳои моддаҳо рақамгузорӣ карда шуда, сархатҳо бо аломати дефис (-) ишора карда, бо ҳарфҳои хурд навишта шуда ва дар охир аломати нуқта вергул (;) гузошта шавад.

Моддаи 2. Қонуни мазкур пас аз интишори расмӣ мавриди амал қарор дода шавад.