ҚОНУНИ ҶУМҲУРИИ ТОҶИКИСТОН

Оид ба ворид намудани тағйирот ба Қонуни Ҷумҳурии Тоҷикистон "Дар бораи ветеранҳо"

Моддаи 1. Ба Қонуни Ҷумҳурии Тоҷикистон аз 7 апрели соли 1995 "Дар бораи ветеранҳо" (Ахбори Маҷлиси Олии Ҷумҳурии Тоҷикистон, с. 1995, №7-8, мод.67; с. 1996, №3, мод.48, фасли ХIХ; с. 1998, №22, мод.295; с. 2004, №2, мод.41; с. 2007, №7, мод. 657) тағйироти зерин ворид карда шаванд:

1. Дар қисми якуми моддаи 27:

- дар банди "а" калимаҳои "зербандҳои 3, 4, 5-ум ва 11-уми" ба калимаҳои "зербандҳои 2), 3), 4)-ум ва 10)-уми" иваз карда шаванд;

- дар банди "б" калимаҳои "зербандҳои 1, 2, 3, 4, 5, 11-уми" ба калимаҳои "зербандҳои 1), 2), 3), 4)-ум ва 10)-уми" иваз карда шаванд;

- дар банди "в" калимаҳои "зербандҳои 1, 2, 3, 4, 5, 7, 8, 9 ва 11- уми" ба калимаҳои "зербандҳои 1), 2), 3), 4), 6), 7), 8) ва

10)-уми" иваз карда шаванд.

2. Матни моддаи 32 дар таҳрири зайл ифода карда шавад:

"Шахсоне, ки дар давраи Ҷанги Бузурги Ватанӣ камаш шаш моҳ дар ақибгоҳ кор кардаанд, ба истиснои замони кор кардан дар маҳалҳои муваққатан истилошудаи ИҶШС ё барои меҳнати фидокоронаи солҳои Ҷанги Бузурги Ватанӣ дар ақибгоҳ бо ордену медалҳои ИҶШС мукофотонида шудаанд, бар замми тадбирҳои ҳимояи ҳуқуқию иҷтимоии дар моддаи 24 Қонуни мазкур пешбинишуда аз ҳуқуқ ва кафолату ҷуброноти давлатии дар моддаҳои 25, 26 ва банди 2 моддаи 31 Қонуни мазкур пешбинишуда истифода мебаранд.".

3. Дар қисми якуми моддаи 34 калимаҳои "зербандҳои 3, 4, 5, 6, 7, 8, 10-уми" ба калимаҳои "зербандҳои 2), 3), 4), 5), 6), 7), 9)-уми" иваз карда шаванд.

4. Дар моддаи 35 калимаҳои "зербандҳои 1, 2, 3, 4, 5, 6, 10-уми" ба калимаҳои "зербандҳои 1), 2), 3), 4), 5), 6), 9)-уми" ва калимаҳои "бандҳои 1, 2, 4" ба калимаҳои "бандҳои 1), 2), 3)" иваз карда шаванд.

5. Дар моддаи 36 калимаҳои "зербандҳои 1, 2, 6, 10-уми" ба калимаҳои "зербандҳои 1), 2), 5), 9)-уми" ва калимаҳои "банди 4" ба калимаҳои "банди 3" иваз карда шаванд.

 Моддаи 2.  Қонуни мазкур пас аз интишори расмӣ мавриди амал қарор дода шавад.