ҚОНУНИ ҶУМҲУРИИ ТОҶИКИСТОН

Оид ба ворид намудани тағйирот ба Қонуни Ҷумҳурии Тоҷикистон "Дар бораи назорати давлатии молиявӣ дар Ҷумҳурии Тоҷикистон"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи назорати давлатии молиявӣ дар Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с. 2002, №11, мод. 681; с. 2007, №7, мод. 686) тағйироти зерин ворид карда шаванд:

1. Дар қисми якуми моддаи 10 калимаҳои "даромадҳо ва пардохтҳои давлатӣ" ба калимаҳои "андоз, гумрук" иваз карда шаванд.

2. Дар қисми якуми моддаи 16 калимаҳои "Вазоратҳои амният, корҳои дохилӣ, молия, даромадҳо ва пардохтҳои давлатии Ҷумҳурии Тоҷикистон, Бонки миллии Тоҷикистон" ба калимаҳои "Вазоратҳои корҳои дохилӣ ва молия, Кумитаи давлатии амнияти миллӣ, Бонки миллии Тоҷикистон, Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.