ҚОНУНИ ҶУМҲУРИИ ТОҶИКИСТОН

Оид ба ворид намудани тағйирот ба Қонуни Ҷумҳурии Тоҷикистон "Дар бораи боҷи давлатӣ"

Моддаи 1. Ба моддаи 5 Қонуни Ҷумҳурии Тоҷикистон аз 28 феврали соли 2004 "Дар бораи боҷӣ давлатӣ" (Ахбори Маҷлиси Олии Ҷумҳурии Тоҷикистон, с. 2004, №2, мод. 51; с. 2005, №12, мод. 630; с. 2006, №12, мод. 541; с. 2008, №6, мод. 460; с. 2008, №12, қисми 2, мод. 1000; с. 2009, №3, мод. 88) тағйироти зерин ворид карда шаванд:

- дар банди 12) қисми якум калимаҳои "мақомоти даромадҳо ва пардохтҳои давлатӣ, мақомоти молия, Фонди ҳифзи иҷтимоии аҳолӣ" ба калимаҳои "мақомоти андоз, гумрук ва молия, Агентии давлатии суғуртаи иҷтимоӣ ва нафақа" иваз карда шаванд;

- дар банди 2) қисми дуюм ва банди 2) қисми ҳафтум калимаҳои "мақомоти даромадҳо ва пардохтҳои давлатӣ, Фонди ҳифзи иҷтимоии аҳолӣ" ба калимаҳои "мақомоти андоз, гумрук, Агентии давлатии суғуртаи иҷтимоӣ ва нафақа" иваз карда шаванд;

- дар банди 5) қисми сеюм калимаҳои "ва даромаду пардохтҳо" ба калимаҳои ", андоз ва гумрук" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.