Ҳукумати Ҷумҳурии Тоҷикистон

ҚАРОР

Дар бораи тасдиқи Барномаи миллии пешгирӣ ташхис ва табобати бемориҳои саратон дар Ҷумҳурии Тоҷикистон барои солҳои 2010-2015

Мутобиқи моддаи 7 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон", бо мақсади паст намудани сатҳи гирифторшавӣ, маъюбшавӣ ва фавт аз бемориҳои саратон, Ҳукумати Ҷумҳурии Тоҷикистон қарор мекунад:

1) Барномаи миллии пешгирӣ, ташхис ва табобати бемориҳои саратон барои солҳои 2010-2015 тасдиқ карда шавад (замима мегардад).

2) Вазорати тандурустии Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо маблаӣгузории Барномаи мазкурро дар доираи маблағҳои пешбинишудаи соҳаи тандурустӣ таъмин намоянд.

3) Вазорату идораҳо, раисони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо барои татбиқи мақсаду вазифаҳои пешбининамудаи Барномаи мазкур ҳамаи чораҳои заруриро андешанд.

4) Вазорати тандурустии Ҷумҳурии Тоҷикистон:

а) ҳамоҳангсозӣ ва дастгирии техникии татбиқи Барномаро таъмин намояд;

б) дар бораи натиҷаҳои татбиқи Барнома ба Ҳукумати Ҷумҳурии Тоҷикистон ҳар сол ахбор манзур намояд.

5) Мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо оид ба иҷрои Барномаи мазкур Шӯрои ҳамоҳангсозӣ таъсис диҳанд.