Ҳукумати Ҷумҳурии Тоҷикистон

ҚАРОР

Дар бораи таъсиси Корхонаи воҳиди давлатии "Маркази нархгузорӣ дар соҳаи сохтмон

Мутобиқи моддаи 52 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Корхонаи воҳиди давлатии "Маркази нархгузорӣ дар соҳаи сохтмон" таъсис дода шавад.

2) Агентии сохтмон ва меъмории назди Ҳукумати Ҷумҳурии Тоҷикистон бо тартиби муқарраргардида:

- масъалаҳои ташкилию ҳуқуқии Корхонаи воҳиди давлатии "Маркази нархгузорӣ дар соҳаи сохтмон"-ро ҳал намояд;

- якҷоя бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон масъалаи ҷойгиркунии Корхонаи воҳиди давлатии "Маркази нархгузорӣ дар соҳаи сохтмон"-ро ҳал намояд.

3) Ба Номгӯи ташкилотҳои системаи Агентии сохтмон ва меъмории назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 614 "Дар бораи Агентии сохтмон ва меъмории назди Ҳукумати Ҷумҳурии Тоҷикистон" тасдиқ шудааст, сархати нав бо мазмуни зайл илова карда шавад:

"Корхонаи воҳиди давлатии "Маркази нархгузорӣ дар соҳаи сохтмон".