Бо қарори Ҳукумати ҶТ аз 4.02.2011 № 38 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи ворид намудани илова ба қарори Ҳукумати Ҷумҳурии Тоҷикистон аз 1 августи соли 2008 №369

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба банди 1 қарори Ҳукумати Ҷумҳурии Тоҷикистон аз 1 августи соли 2008 №369 "Дар бораи объектҳои махсусан муҳим" зербанди 10 бо мазмуни зайл илова карда шавад:

"10) Заводи сохташавандаи криолит".

2) Номгӯи таҷҳизоти зарурӣ, ашёи хом, мавод ва ҷиҳозоте, ки Ҷамъиятн дорои масъулияти маҳдуди "Заводи сохташавандаи криолит" барои сохтмони заводи истеҳсоли криолит ва фториди алюминий ба Ҷумҳурии Тоҷикистон ворид менамояд, тасдиқ карда шавад (замимаҳои 1, 2 ва 3).