Ҳукумати Ҷумҳурии Тоҷикистон

ҚАРОР

Дар барои табдил додани Корхонаи давлатии фаръии "Маркази барқу гармидиҳии Ёвон" ба Ҷамъияти саҳомии кушодаи "Маркази барқу гармидиҳии Ёвон"

Мутобиқи моддаи 58 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Корхонаи давлатии фаръии "Маркази барқу гармидиҳии Ёвон" ба тавозуни Ширкати саҳомии холдингии кушодаи "Барқи Тоҷик" гузаронида шуда, ба Ҷамъияти саҳомии кушодаи "Маркази барқу гармидиҳии Ёвон" табдил дода шавад.

2) Вазорати энергетика ва саноати Ҷумҳурии Тоҷикистон масъалаҳои ташкилию ҳуқуқии табдиздиҳии Корхонаи давлатии фаръии "Маркази барқу гармидиҳии Ёвон"-ро тибқи қонунгузории Ҷумҳурии Тоҷикистон ҳал намояд.

3) Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба маълумоти баҳисобгирӣ тағйироти дахлдор ворид намояд.

4) Ба Рӯйхати ҷамъиятҳои саҳомӣ, корхонаҳои давлатӣ, ташкилотҳо ва муассисаҳое, ки таҳти идоракунии Ширкати саҳомии холдингии кушодаи "Барқи Тоҷик" қарор доранд, ки бо қарори Ҳукумати Ҷумҳурии Тоҷикистон аз 31 октябри соли 2008 № 537 тасдиқ шудааст, банди 14 бо мазмуни зайл илова карда шавад:

"14. Ҷамъияти саҳомии кушодаи "Маркази барқу гармидиҳии Ёвон".