Дар бораи тасдиқи Низомномаи Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани хотираи ходимони илм, маориф ва фарҳанг
Мутобиқи моддаи 28 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади ба танзим даровардани номгузории корхонаҳои давлатӣ ташкилоту муассисаҳо ва абадӣ гардонидани хотираи арбобони давлатӣ ва ҷамъиятию сиёсӣ, муҳофизони Ватан, ходимони илм, маориф ва фарҳанг Ҳукумати Ҷумҳурии Тоҷикистон қарор мекунад:
1) Низомномаи Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани хотираи ходимони илм, маориф ва фарҳанг тасдиқ карда шавад (замима мегардад).
2) Қарори Ҳукумати Ҷумҳурии Тоҷикистон аз 30 апрели соли 1996 №163 "Дар бораи Комиссияи байниидоравӣ оид ба номгузорӣ ва дигар кардани номи объектҳои физикию ҷуғрофӣ" аз эътибор соқит дониста шавад.
Раиси
Ҳукумати Ҷумҳурии Тоҷикистон Эмомалӣ Раҳмон
аз 31 августи соли 2009 № 489
ш. Душанбе
