Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи давлатии "Раёсати сохтмони асосӣ ва корҳои таъмирӣ"

Мутобиқи моддаҳои 52 ва 132 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Муассисаи давлатии "Раёсати сохтмони асосӣ ва корҳои таъмирӣ"-и Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъсис дода шавад.

2) Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон масъалаҳои ташкилию ҳуқуқии Муассисаи давлатии "Раёсати сохтмони асосӣ ва корҳои таъмирӣ"-ро ҳал намояд.

3) Дар Номгӯи ташкилотҳои системаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 609 тасдиқ шудааст, сархати сенздаҳум дар таҳрири зайл илова карда шавад:

"Муассисаи давлатии "Раёсати сохтмори асосӣ ва корҳои таъмирӣ".

4) Маблағгузории Муассисаи давлатии "Раёсати сохтмони асосӣ ва корҳои таъмирӣ"-и Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз ҳисоби маблағҳои хизматрасонии назорати техникии фармоишгари сохтмон, маблағгузориҳои асосии мутамарказ амалӣ карда шавад.