Бо қарори МН МО. ҶТ аз 13.04.2011 № 385 аз эътибор соқит дониста шуд.

Низомнома дар бораи рутбаҳои дараҷавии коркунони мақомоти адлия ва нотариати давлатии Ҷумҳурии Тоҷикистон

1. Ин Низомнома тартиби додани рутбаҳои дараҷавиро ба роҳбарон ва мутахассисони Вазорати адлияи Ҷумҳурии Тоҷикистон, раёсатҳои адлияи Вилояти Мухтори Кӯҳистони Бадахшон, вилоятҳо, идораҳои нотариуси давлатӣ муайян мекунад.

2. Бо қарори Маҷлиси Олии Ҷумхурии Тоҷикистон аз 4 ноябри соли 1995 "Дар бораи муқаррар намудани рутбаҳои дараҷави ба кормандони мақомоти адлия ва нотариати давлатии Ҷумҳурии Тоҷикистон чунин рутбаҳои дараҷавӣ муқаррар карда шудаанд:

Мушовири давлатии адлияи Ҷумҳурии Тоҷикистон;

Мушовири давлатии адлияи дараҷаи 1;

Мушовири давлатии адлияи дараҷаи 2;

Мушовири давлатии адлияи дараҷаи 3;

Мушовири адлияи дараҷаи 1;

Мушовири адлияи дараҷаи 2;

Мушовири адлияи дараҷаи 3;

Ҳуқуқшиноси дараҷаи 1;

Ҳуқуқшиноси дараҷаи 2;

Ҳуқуқшиноси дараҷаи 3;

3. Рутбаҳои дараҷавӣ ба тартиби пай дар пай дар сурати мавчуд будани маьлумоти олии ҳуқуқшиносӣ мутобиқи ихтисоси коркун, вазифа ва стажи кор, инчунин бо дар назардошти рутбаи дараҷавӣ, дараҷаи тахассусӣ, унвони махсус, ки вай ба онҳо дар ҷои кор ё хизмати пешинааш соҳиб шудааст, дода мешавад.

4. Рутбаҳои дараҷавӣ ба инҳо дода мешаванд:

+----------------------+----------------------------------------------
| Мушовири             |        ба Вазири адлияи Ҷумҳурии Тоҷикистон |
| давлатии адлияи      |                                             |
| Ҷумҳурии Тоҷикистон  |                                             |
+------------Р---------+---------------------------------------------+
| Мушовири давлатии    |    ба муовини аввали Вазири адлияи          |
| адлияи дараҷаи 1     |    Ҷумҳурии Тоҷикистон                      |
+------------Р---------+---------------Р-----------------------------+
| Мушовири давлатии    |    ба муовинони Вазири адлияи               |
| адлияи дараҷаи 2     |    Ҷумҳурии Тоҷикистон                      |
+------------Р---------+---------------Р-------Т----------Т----------+
| Мушовири давлатии    |    ба сардорони раёсатҳо ва шуъбаҳои        |
| адлияи дараҷаи 3     |    Вазорати адлияи Ҷумҳурии Тоҷикистон ;    |
|                      |    ба сардорони раёсатҳои адлияи Вилояти    |
|                      |    Мухтори Кӯҳистони Бадахшон, вилоятҳо     |
+----------------------+-------------Р-------------------Т-----------+
|  Мушовири  адлияи    |    ба муовинони сардорони раёсатҳо,         |
|  дараҷаи 1                сардорони шуъбаҳо, сардорони шуъбаҳои    |
|                      |    раёсатҳои Вазорати адлияи Ҷумҳурии       |
|                      |    Тоҷикистон;                              |
|                      |    ба муовинони сардорони раёсатҳои адлияи  |
|                      |    Вилояти Мухтори Кӯҳистони Бадахшон,      |
|                      |    вилоятҳо;                                |
|                      |    ба сарнотариуси давлатии  Саридораи      |
|                      |    давлатии нотариалии ҷумҳуриявӣ           |
+----------------------+------------------------Р--------Р-----------+
|  Мушовири  адлияи         ба сармутахассисони Вазорати адлияи      |
|  дараҷаи                  Ҷумҳурии Тоҷикистон;                     |
|                      |    ба муовинони сарнотариуси давлатии       |
|                      |    Саридораи давлатии нотариалии ҷумҳуриявӣ;|
|                      |    ба нотариуси калони давлатии Архиви      |
|                      |    давлатии нотариалии назди Саридораи      |
|                      |    давлатии нотариалии ҷумҳуриявӣ;          |
|                      |    ба сарнотариуси давлатии Идораи давлатии |
|                      |    нотариалии Вилояти Мухтори Кӯҳистони     |
|                      |    Бадахшон;                                |
|                      |    ба сарнотариусони давлатии Идораҳои      |
|                      |    давлатии нотариалии вилоятҳо             |
+----------------------+---------------------------------------------+
| Мушовири  адлияи          ба мутахассисони пешбари Вазорати адлияи |
| дараҷаи 3                 Ҷумҳурии Тоҷикистон;                     |
|                      |    ба сармутахассисони раёсатҳои адлияи     |
|                      |    Вилояти Мухтори Кӯҳистони Бадахшон,      |
|                      |    вилоятҳо;                                |
|                      |    ба нотариусҳои давлатии  Саридораи       |
|                      |    давлатии нотариалии ҷумҳуриявӣ;          |
|                      |    ба муовинони сарнотариусони давлатии     |
|                      |    Идораи давлатии нотариалии Вилояти       |
|                      |    Мухтори Кӯҳистони Бадахшон,              |
|                      |    вилоятҳо;                                |
|                      |    ба нотариусҳои калони давлатии идораҳои  |
|                      |    давлатии нотариалии шаҳрҳо ва ноҳияҳо    |
+----------------------+---------------------------------------------+
| Ҳуқуқшиноси дараҷаи 1|    ба мушовирони калон ва мутахассисони     |
|                      |    дараҷаи 1 Вазорати адлияи Ҷумҳурии       |
|                      |    Тоҷикистон;                              |
|                      |    ба мутахассисони пешбари раёсатҳои адлияи|
|                      |    Вилояти Мухтори Кӯҳистони Бадахшон,      |
|                      |    вилоятҳо;                                |
|                      |    ба нотариусҳои давлатии Архиви давлатии  |
|                      |    нотариалии назди Саридораи давлатии      |
|                      |    нотариалии ҷумҳуриявӣ;                   |
|                      |    ба нотариусҳои давлатии Идораи давлатии  |
|                      |    нотариалии Вилояти Мухтори Кӯҳистони     |
|                      |    Бадахшон;                                |
|                      |    ба нотариусҳои давлатии идораҳои давлати |
|                      |    нотариалии вилоятҳо                      |
+----------------------+---------------------------------------------+
| Ҳуқуқшиноси дараҷаи 2|    ба мушовирон, мутахассисони  дараҷаи  2  |
|                      |    Вазорати адлияи Ҷумҳурии Тоҷикистон;     |
|                      |    ба мушовирони калон ва мутахассисони     |
|                      |    дараҷаи 1 раёсатҳои адлияи Вилояти       |
|                      |    Мухтори Кӯҳистони Бадахшон,вилоятҳо;     |
|                      |    ба нотариусҳои давлатии  Архиви давлатии |
|                      |    нотариалии назди Идораи давлатии         |
|                      |    нотариалии Вилояти Мухтори Кӯҳистони     |
|                      |    Бадахшон;                                |
|                      |    ба нотариусҳои давлатии Архивҳои         |
|                      |    нотариалии назди идораҳои давлатии       |
|                      |    нотариалии вилоятҳо;                     |
|                      |    ба нотариусҳои давлатии идораҳои         |
|                      |    давлатии нотариалии шаҳрҳо ва ноҳияҳо    |
+----------------------+---------------------------------------------+
| Ҳуқуқшиноси дараҷаи 3|    ба мутахассисон ва мусаҳҳеҳони калони    |
|                      |    Вазорати адлияи Ҷумҳурии Тоҷикистон;     |
|                      |    ба мушовирон ва мутахассисони раёсатхои  |
|                      |    адлияи Вилояти Мухтори Кӯҳистони         |
|                      |    Бадахшон вилоятҳо;                       |
|                      |    ба мушовирони  Идораҳои давлатии         |
|                      |    нотариалӣ.                               |
|                      |                                             |
+----------------------+---------------------------------------------+

5. Рутбаҳои дараҷавии Мушовири давлатии адлияи Ҷумҳурии Тоҷикистон бо пешниҳоди Ҳукумати Ҷумҳурии Тоҷикистон аз тарафи Президенти Ҷумҳурии Тоҷикистон дода мешавад.

Рутбаҳои дараҷавии Мушовирони давлатии адлияи дараҷаҳои 1, 2, 3 бо пешниҳоди Вазири адлияи Ҷумҳурии Тоҷикистон аз тарафи Президенти Ҷумҳурии Тоҷикистон дода мешавад.

Рутбаҳои дараҷавии Мушовирони адлияи дараҷаҳои 1,2,3 ҳуқуқшиноси дараҷаҳои 1,2,3 аз тарафи Вазири адлияи Ҷумҳурии Тоҷикистон дода мешаванд.

6. Рутбаҳои дараҷавии Мушовирони давлатии адлияи дараҷаҳои 1, 2 ва 3 дар сурати доштани на камтар аз 10 сол собиқаи кории касбӣ дода мешаванд.

7. Рутбаҳои дараҷавии Мушовирони адлияи дараҷаҳои 1,2 ва 3 дар сурати доштани на камтар аз 5 сол собиқаи кории касбӣ дода мешаванд.

8. Мӯҳлатҳои дар ҳар як рутбаи дараҷавӣ қарор доштан ба таври зерин муқаррар карда мешаванд:

дар рутбаи дараҷавии ҳуқуқшиноси дараҷаи 3 - 2 сол

дар рутбаи дараҷавии ҳуқуқшиноси дараҷаи 2 - 2,5 сол

дар рутбаи дараҷавии ҳуқуқшиноси дараҷаи 1 - 3 сол

дар рутбаи дараҷавии мушовири адлияи дараҷаи 3 - 4 сол

дар рутбаи дараҷавии мушовири адлияи дараҷаи 2 - 5 сол

дар рутбаи дараҷавии мушовири адлияи дараҷаи 1 - 5 сол

Мӯҳлатҳои дар рутбаҳои Мушовири давлатии адлияи дараҷаҳои 3,2,1 будан муқаррар карда намешаванд.

Пеш аз мӯҳлат додани рутбаҳои дараҷавӣ, аммо на болотар аз 2 рутбаи дараҷавие, ки корманд дорад, ҳангоми ба вазифаи баланд таъин кардани корманд мумкин аст.

9. Ба он коркукони мақомоти адлия ва нотариати давлатие, ки дар мӯҳлати муқаррар кардашуда дар як рутбаи дараҷавӣ хизмат кардаанду вале ба ҷавобгарии интизомӣ кашида шудаанд, рутбаи дараҷавии навбатӣ дар давоми як сол дода намешавад.

10. Кормандоне, ки ба онҳо рутбаҳои дараҷавӣ дода шудаанд, дар ин рутба якумра мебошанд ва фақат дар сурате, ки бо ҳукми қувваи қонун пайдо кардаи суд барои содир намудани ҷинояти вазнин ва махсусан вазнин маҳкум шудаанд, аз он маҳрум карда мешаванд.

11. Рутбаи кормандон барои дағалона вайрон кардани вазифаи хизматӣ, содир намудани кирдори бадномкунанда ё мунтазам ба таври бояду шояд иҷро накардани ӯҳдадориҳои хизматӣ паст карда шуда метавонад, вале на бештар ба як рутбаи дараҷавие, ки ӯ дорад.

13. Аз рутбаи дараҷавӣ бо пешниҳоди суди дахлдор мутобиқан Президенти Ҷумҳурии Тоҷикистон ва Вазири адлияи Ҷумҳурии Тоҷикистон маҳрум карда метавонанд.

14. Ба ашхосе, ки мувофиқи моддаи 4 ҳамин Низомнома рутбаҳои дараҷавӣ дода мешаванд, қонунгузории Ҷумҳурии Тоҷикистон дар бораи хизмати ҳарбӣ дахл надорад.

Барои шахсоне, ки рутбаҳои дараҷавӣ доранд, пӯшидани либоси низомӣ муқаррар карда мешавад. Намуди либоси низомӣ ва қоидаҳои пӯшида гаштани онро Ҳукумати Ҷумҳурии Тоҷикистон муайян мекунад.