Бо Қарори Ҳукумати Ҷумҳурии Тоҷикистон аз 31.08.2012 № 456 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006 № 607

Мутобиқи моддаи 58 Конститутсияи (Сарқонуни) Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Дар сархати ҳафтуми банди 5 Низомномаи Кумитаи андози назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 607 "Дар бораи Кумитаи андози назди Ҳукумати Ҷумҳурии Тоҷикистон" тасдиқ шудааст, баъд аз калимаҳои "бақайдгирии давлатии" калимаҳои "шахсони ҳуқуқӣ ва" илова карда шавад.

2. Дар сохтори Дастгоҳи марказии Кумитаи андози назди Ҳукумати Ҷумҳурии Тоҷикистон аз 28 декабри соли 2006 № 607 "Дар бораи Кумитаи андози назди Ҳукумати Ҷумҳурии Тоҷикистон" тасдиқ шудааст, баъд аз сархати сеюм сархати нав бо мазмуни зайл илова карда шавад:

"Раёсати ташкили бақайдгирии давлатии шахсони ҳуқуқӣ ва соҳибкорони инфиродӣ".

3. Дар Нақшаи идоракунии Кумитаи андози назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 607 "Дар бораи Кумитаи андози назди Ҳукумати Ҷумҳурии Тоҷикистон" тасдиқ шудааст, пас аз сархати ҳафтум сархатҳои нав бо мазмуни зайл илова карда шаванд:

"Шӯъбаҳои бақайдгирии давлатии шахсони ҳуқуқӣ ва соҳибкорони инфиродӣ дар Вилояти Мухтори Кӯҳистони Бадахшон", вилоятҳои Хатлон, Суғд ва шаҳри Душанбе

Бахшҳои бақайдгриии давлатии шахсони ҳуқуқӣ ва соҳибкорони инфиродӣ дар шаҳрҳо ва ноҳияҳо".

4 . Дар Номгӯи корхонаҳои (ташкилотҳои) системаи Кумитаи андози назди Ҳукумати Ҷумҳурии Тоҷикистон аз 28 декабри соли 2006 № 607 "Дар бораи Кумитаи андози назди Ҳукумати Ҷумҳурии Тоҷикистон" тасдиқ шудааст, калимаҳои "Матбааи Кумитаи андози назди Ҳукумати Ҷумҳурии Тоҷикистон" ба калимаҳои "Маркази барномасозии маъмурикунонии андоз" иваз карда шавад.