Ҳукумати Ҷумҳурии Тоҷикистон

ҚАРОР

Дар бораи барҳам додани Муассисаи давлатии таълимии "Омӯзишгоҳи касбӣ-техникии № 49 ноҳияи Рӯдакӣ"

Мутобиқи моддаи 62 Кодекси граждании Ҷумҳурии Тоҷикистон ва моддаи 28 Қонуни Ҷумҳурии Тоҷикистон "Дар бораи маориф" Ҳукумати Ҷумҳурии Тоҷикистон қарор мекунад:

1. Муассисаи давлатии таълимии "Омӯзишгоҳи касбӣ-техникии № 49 ноҳияи Рӯдакӣ" барҳам дода шавад.

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷоя бо Вазорати маорифи Ҷумҳурии Тоҷикистон комиссияро оид ба барҳам додани Омӯзишгоҳи мазкур таъсис диҳад.

3. Комиссияи барҳамдиҳӣ мутобиқи тартиби муқаррарнамудаи қонунгузории гражданӣ барҳамдиҳии Омӯзишгоҳи мазкурро анҷом диҳад.

4. Аз номгӯи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 594 "Дар бораи Вазорати маорифи Ҷумҳурии Тоҷикистон" тасдиқ шудааст, калимаҳои "Муассисаи давлатии таълимии "Омӯзишгоҳи касбӣ-техникии № 49 ноҳияи Рӯдакӣ" хориҷ карда шаванд.