Ҳукумати Ҷумҳурии Тоҷикистон

ҚАРОР

Дар бораи тасдиқи Оинномаи Ҷамъияти саҳомии кушодаи "Тоҷиктрансгаз"

Мутобиқи моддаи 53 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Оинномаи замимагардидаи Ҷамъияти саҳомии кушодаи "Тоҷиктрансгаз" бо сармояи оинномавии 75731000 (ҳафтоду панҷ миллиону ҳафтсаду сиву як ҳазор) сомонӣ тасдиқ карда шавад.

2. Бақайдгирии давлатии Ҷамъияти саҳомии кушодаи "Тоҷиктрансгаз" мувофиқи қонунгузории Ҷумҳурии Тоҷикистон анҷом дода шавад.

3. Ҷамъияти саҳомии кушодаи "Тоҷиктрансгаз" дар доираи салоҳияти худ директорони ҷониби Тоҷикистонро дар Шӯрои директорони ширкати "Trans-Tajik Gaz pipeline Company Limited" дар мувофиқа бо Ҳукумати Ҷумҳурии Тоҷикистон таъин ва озод намуда, ҳармоҳа оид ба рафти амалишавии лоиҳаи сохтмони хатти лӯлаи гази "Тоҷикистон-Хитой" ба Ҳукумати Ҷумҳурии Тоҷикистон ҳисобот пешниҳод намояд (қарори Ҳукумати ҶТ аз 1.08.2018 № 381).