ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ"

Моддаи 1. Ба Қонуни Ҷумҳурии Тоҷикистон аз 1 декабри соли 1994 "Дар бораи таъмини нафақаи хизматчиёни ҳарбӣ" (Ахбори Шӯрои Олии Ҷумҳурии Тоҷикистон с.1994, № 23-24, мод.462; Ахбори Маҷлиси Олии Ҷумҳурии Тоҷикистон с.1996, № 4, мод. 62; с.1998, № 10, мод.119; с.2002, № 4, қ. 1, мод.161; с.2003, № 4, мод.142; с.2008, №6, мод.452) тағйиру иловаҳои зерин ворид карда шаванд:

1. Дар тамоми матни Қонун калимаи "Фасли" ба калимаи "Боби" иваз карда шуда, рақамгузории бобҳо бо рақамҳои арабӣ ишора карда шаванд.

2. Дар моддаи 1:

- дар номи модда ва минбаъд дар тамоми матни Қонун калимаҳои "ин Қонун" ба калимаҳои "Қонуни мазкур" иваз карда шаванд;

- сархати сеюми банди "а)" дар таҳрири зерин ифода карда шавад:

"шахсони ҳайати қаторӣ ва фармондеҳӣ, ки дар мақомоти корҳои дохилӣ, муассиса ва мақомоти системаи иҷрои ҷазои ҷиноятӣ хизмат кардаанд, шахсони дорои рутбаи махсуси мақомоти гумрук, ҷузъу томҳои Агентии назорати маводи нашъаовари назди Президенти Ҷумҳурии Тоҷикистон, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, судяҳо, коркунони прокурорию тафтишотии мақомоти прокуратураи Ҷумҳурии Тоҷикистон, собиқ Иттиҳоди Ҷумҳуриҳои Шӯравии Сотсиалистӣ ва аҳли оилаи онҳо";

- дар сархати чорум калимаҳои "ин ашхос" ба калимаи "онҳо" иваз карда шаванд.

3. Дар матни моддаи 4 ва минбаъд дар тамоми матни Қонун калимаи "нашъадори" ба калимаи "нашъаовари" иваз карда шуда, баъд аз калимаҳои "назди Президенти Ҷумҳурии Тоҷикистон" калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" илова карда шаванд.

4. Дар моддаи 5:

- дар қисми якум ва тамоми матни Қонун калимаҳои "қисми аввали моддаи 1-уми" ба калимаҳои "қисми якуми моддаи 1" иваз карда шаванд;

- банди "а)" қисми якум дар таҳрири зерин ифода карда шавад:

"а) барои собиқаи хизмат, агар онҳо собиқа дар хизмати ҳарбӣ ва (ё) собиқа дар хизмати мақомоти корҳои дохилӣ, муассиса ва мақомоти системаи иҷрои ҷазои ҷиноятӣ, гумрук, ҷузъу томҳои Агентии назорати маводи нашъаовари назди Президенти Ҷумҳурии Тоҷикистон, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, дар вазифаи судя ва дар мақомоти прокуратура, ки Қонуни мазкур пешбинӣ кардааст, дошта бошанд;".

5. Дар моддаи 11:

- дар номи модда калимаи "Вазоратҳое" ба калимаи "Мақомоте" иваз карда шавад;

- дар банди "в)" қисми якум калимаҳои "Вазорати амнияти" ба калимаҳои "Кумитаи давлатии амнияти миллии" иваз карда шаванд;

- дар банди "г)" қисми якум калимаҳои "Кумитаи гумруки" ба калимаҳои "Хадамоти гумруки" иваз карда шаванд;

- банди "е)" қисми якум дар таҳрири зайл ифода карда шавад:

"е) аз тарафи Агентии назорати давлатии молиявӣ ва мубориза бо коррупсияи Ҷумҳурии Тоҷикистон - нисбати шахсоне, ки рутбаи махсус дошта, аз мақомоти Агентӣ ҷавоб шудаанд, инчунин аҳли оилаи онҳо;";

- ба қисми якум бандҳои "з)" ва "и)" дар таҳрири зайл илова карда шаванд:

"з) аз тарафи Гвардияи миллии Ҷумҳурии Тоҷикистон - нисбати шахсоне, ки рутбаи махсус дошта, аз мақомоти Гвардияи миллии Ҷумҳурии Тоҷикистон ҷавоб шудаанд, инчунин аҳли оилаи онҳо;

и) аз тарафи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон - нисбати шахсоне, ки рутбаи махсус дошта, аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҷавоб шудаанд, инчунин аҳли оилаи онҳо.";

- дар қисми дуюм калимаҳои "воҳидҳои полиси андоз" ба калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шаванд.

6. Дар моддаи 13:

- дар банди "а)" калимаҳои "воҳидҳои полиси андоз" ба калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шаванд;

- дар банди "б)" баъд аз калимаҳои "Агентии назорати маводи нашъовари назди Президенти Ҷумҳурии Тоҷикистон" калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" илова карда шаванд.".

7. Дар қисми якуми моддаи 18 калимаҳои "мақомоти дохилӣ" ба калимаҳои "мақомоти корҳои дохилӣ" ва калимаҳои "воҳидҳои полиси андоз" ба калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шаванд.

8. Аз номи моддаи 19 калимаи "бинобар" хориҷ карда шавад.

9. Ба банди "б)" қисми сеюми моддаи 29 ва минбаъд дар тамоми матни Қонун рақамҳои "60" ба "63" ва "55" ба "58" иваз карда шаванд.

10. Ба матни моддаи 43 баъд аз калимаҳои "Агентии назорати маводи нашъаовари назди Президенти Ҷумҳурии Тоҷикистон" калимаҳои "воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" илова карда шаванд.

11. Матни моддаи 50 дар таҳрири зерин ифода карда шавад: "Масъалаҳои таъмини нафақаи шахсони дар қисми якуми моддаи 1 Қонуни мазкур пешбинигардида ва аҳли оилаи онҳоро Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати адлияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Прокуратураи генералии Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон мувофиқи тартиби таъин кардан ва пардохтани нафақаҳо, ки санадҳои меъёрии ҳуқуқии Ҷумҳурии Тоҷикистон барои мақомоти ҳифзи иҷтимоии аҳолӣ муқаррар кардаанд, амалӣ мегардонанд.".

12. Дар қисми якуми моддаи 51 калимаҳои "Вазорати амнияти Ҷумҳурии Тоҷикистон" ва "Кумитаи гумруки назди Ҳукумати Ҷумҳурии Тоҷикистон" мутаносибан ба калимаҳои "Кумитаи давлатии амнияти миллии Ҷумҳурии Тоҷикистон", "Хадамоти гумруки назди Ҳукумати Ҷумҳурии Тоҷикистон", "Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шуда, баъд аз калимаи "Прокуратураи" калимаи "генералии" илова карда шавад.

13. Дар қисми якуми моддаи 56 калимаҳои "Вазорати амнияти Ҷумҳурии Тоҷикистон", "Кумитаи гумруки назди Ҳукумати Ҷумҳурии Тоҷикистон", "Аз Сарраёсати полиси андози Кумитаи андози назди Ҳукумати Ҷумҳурии Тоҷикистон" мутаносибан ба калимаҳои "Кумитаи давлатии амнияти миллии Ҷумҳурии Тоҷикистон", "Хадамоти гумруки назди Ҳукумати Ҷумҳурии Тоҷикистон", "Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон ва Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шуда, баъд аз калимаи "Прокуратураи" калимаи "генералии" илова карда шавад.

14. Дар матни моддаи 65 калимаҳои "Вазорати амнияти Ҷумҳурии Тоҷикистон", "Вазорати ҳифзи иҷтимоии Ҷумҳурии Тоҷикистон", "Кумитаи гумруки назди Ҳукумати Ҷумҳурии Тоҷикистон", "Сарраёсати полиси андози Кумитаи андози назди Ҳукумати Ҷумҳурии Тоҷикистон" мутаносибан ба калимаҳои "Кумитаи давлатии амнияти миллии Ҷумҳурии Тоҷикистон", "Вазорати меҳнат ва ҳифзи иҷтимоии аҳолии Ҷумҳурии Тоҷикистон", "Хадамоти гумруки назди Ҳукумати Ҷумҳурии Тоҷикистон", "Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон ва Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон" иваз карда шуда, баъд аз калимаи "Прокуратураи" калимаи "генералии" илова карда шавад.

15. Моддаи 66 дар таҳрири зерин ифода карда шавад:

"Моддаи 66. Ҷавобгарӣ барои вайрон кардани Қонуни мазкур

Шахсони воқеӣ ва ҳуқуқие, ки муқаррароти Қонуни мазкурро вайрон мекунанд, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" кабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" ҷонибдорӣ карда шавад.