Бо қарори Ҳукумати ҶТ аз 30.12.2015 № 795 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Барномаи дарозмуддати бунёди силсилаи нерӯгоҳҳои хурди барқӣ дар давраи солҳои 2009-2020

Дар асоси  моддаи  13  Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон"  бо  мақсади  таъмини  рушди устувори  иқтисодӣ,  ноил  шудан  ба  истиқлолияти энергетикӣ Ҳукумати Ҷумҳурии Тоҷикистон қарор мекунад:

1. Барномаи дарозмуддати бунёди силсилаи нерӯгоҳҳои хурди барқӣ дар давраи солҳои 2009-2020 тасдиқ карда шавад (замима мегардад).

2. Вазорати рушди иқтисод ва савдои Ҷумҳурии Тоҷикистон, Вазорати энергетика ва саноати Ҷумҳурии Тоҷикистон, Вазорати молияи Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Ширкати саҳомии холдингии кушодаи "Барқи Тоҷик" ҳамасола ҳангоми таҳияи дурнамои рушди иқтисодиву иҷтимоӣ аз ҳисоби ҷалби сармоягузориҳои хориҷӣ, маблағҳои дохилӣ ва имкониятҳои Буҷети давлатӣ барои татбиқ намудани Барномаи мазкур чораҳои зарурӣ андешанд.

3. Вазорати энергетика ва саноати Ҷумҳурии Тоҷикистон, Ширкати саҳомии холдингии кушодаи "Барқи Тоҷик", вазорату идораҳои дахлдор, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳо ҷиҳати иҷрои нишондиҳандаҳои Барномаи мазкур тадбирҳои заруриро амалӣ намоянд.

4. Қарори Ҳукумати Ҷумҳурии Тоҷикистон аз 3 октябри соли 2006 № 449 "Дар бораи Барномаи дарозмуддати бунёди силсилаи нерӯгоҳҳои хурди барқӣ дар давраи солҳои 2007-2020" аз эътибор соқит дониста шавад.

5. Назорати иҷрои қарори мазкур ба зиммаи муовини аввали Сарвазири Ҷумҳурии Тоҷикистон - сарпарасти соҳа гузошта шавад.