Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи давлатии таълимии "Коллеҷи ҳунарҳои мардумии шаҳри Истаравшан"

Мутобиқи моддаҳои 52 ва 132 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Муассисаи давлатии таълимии "Коллеҷи ҳунарҳои мардумии шаҳри Истаравшан" бо 42 воҳиди корӣ таъсис дода шавад.

2. Вазорати маорифи Ҷумҳурии Тоҷикистон дар мӯҳлати ду моҳ масъалаҳои ташкилию ҳуқуқии муассисаи таълимии мазкурро тибқи тартиби муқарраргардида ҳаллу фасл намояд.

3. Вазорати молияи Ҷумҳурии Тоҷикистон маблағгузории сохтмони коллеҷи мазкурро аз ҳисоби маблағҳои мутамаркази Вазорати маорифи Ҷумҳурии Тоҷикистон, ки барои соли 2009 ҷудо шудааст, амалӣ намояд.

4. Вазорати рушди иқтисод ва савдои Ҷумҳурии Тоҷикистон бо назардошти талаботи иқтисодиёти миллӣ ва минтақаҳои ҷумҳурӣ ба кадрҳои боихтисос нақшаи қабули донишҷӯёни муассисаи таълимии мазкурро барои солҳои таҳсили 2009-2010 ва солҳои минбаъда муқаррар намояд.

5. Ба номгӯйи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 №594 "Дар бораи Вазорати маорифи Ҷумҳурии Тоҷикистон" тасдиқ шудааст, сархати нав бо мазмуни зайл илова карда шавад:

"Муассисаи давлатии таълимии "Коллеҷи ҳунарҳои мардумии шаҳри Истаравшан".