Бо қарори Ҳукумати ҶТ аз 5.07.2014 № 463 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи ба таъхир гузоштани муҳлати пардохти боҷи гумруки аз рӯи молҳое, ки барои сохтмони меҳмонхонаи панҷситорадор воқеъ дар кӯчаи И. Сомонӣ 26/1 ва Бинои маъмурӣ бо меҳмонхона воқеъ дар кӯчаи Айнӣ 48 шаҳри Душанбе ворид карда мешаванд

Мутобиқи моддаи 378 Кодекси гумруки Ҷумҳурии Тоҷикистон ва бо мақсади - таъмини сохтмони босуръати иншооте, ки ба рушди туризми байналмилалӣ мусоидат менамоянд, Ҳукумати Ҷумҳурии Тоҷикистон қарор мекунад:

1. Вазорати молияи Ҷумҳурии Тоҷикистон:

- мӯҳлати пардохти боҷи гумрукӣ аз рӯи молҳое, ки барои сохтмони меҳмонхонаи панҷситорадор воқеъ дар кӯчаи И. Сомонӣ 26/1 ва Бинои маъмурӣ бо меҳмонхона воқеъ дар кӯчаи Айнӣ 48 шаҳри Душанбе ворид карда мешаванд, мутобиқи Номгӯӣ ва ҳаҷми бо қарори Ҳукумати Ҷумҳурии Тоҷикистон аз 2 майи соли 2008 таҳти № 214 "Дар бораи тасдиқи Номгӯи молҳои воридшаванда барои сохтмони иншооти шаҳри Душанбе" тасдиқгардида ба се моҳ ба таъхир гузошта шавад;

- батаъхиргузорӣ бо шарти таъмини пардохтҳои гумрукии пешбининамудаи боби 46 Кодекси гумруки Ҷумҳурии Точикистон фароҳам оварда шавад.

2. Хадамоти гумруки назди Ҳукумати Ҷумхурии Тоҷикистон:

- назорат ва саривақт гузаронидани расмиёти гумрукии молҳои воридшавандаро, ки ба сохтмони иншооти дар боло нишондодашуда вобастаанд, таъмин намояд;

- чиҳати бебаҳс ситонидани маблағи батаъхиргузошта баъди ба охир расидани мӯҳлати батаъхиргузорӣ мутобиқи талаботи қонунгузории Ҷумҳурии Тоҷикистон тадбирҳои зарурӣ андешад.

3. Қарори мазкур аз 1 декабри соли 2008 мавриди амал қарор дода шавад.