ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаъолияти театрӣ"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи театр ва фаъолияти театрӣ" (Ахбори Маҷлиси Олии Ҷумҳурии Тоҷикистон, с. 2002, №11, мод. 723) тағйиру иловаҳои зерин ворид карда шаванд:

1. Ба Қонун дебоча дар таҳрири зайл илова карда шавад:

"Қонуни мазкур муносибатҳоеро, ки дар ҷараёни офаридан ва ба тарзи мустақим пешниҳод намудани намоишномаҳои театрӣ ба миён меоянд, ба танзим дароварда, асосҳои ҳуқуқии фаъолияти театрӣ, ҳамчунин шаклҳои дастгирии давлатии онро муайян мекунад.".

2. Бобҳо бо рақамҳои арабӣ ишора карда шаванд.

3. Номи боби 1 дар таҳрири зайл ифода карда шавад:

"Боби 1. Муқаррароти умумӣ".

4. Номи моддаи 1 дар таҳрири зайл ифода карда шавад:

"Моддаи 1. Мафҳумҳои асосӣ";

- дар қисми якум калимаҳои "Барои мақсадҳои" ба калимаи "Дар" иваз карда шаванд;

- дар сархатҳои сеюм ва чорум калимаҳои "дар яке" ба калимаҳои "дар заминаи яке" иваз карда шаванд;

- дар сархати ҳаштум калимаи "оиди" ба калимаи "ҷиҳати" иваз карда шавад.

5. Дар моддаи 3:

- номи моддаи 3 дар таҳрири зайл ифода карда шавад:

"Моддаи 3. Доираи амали Қонуни мазкур";

- қисми якуми ҳамин модда хориҷ карда шавад;

- дар қисми сеюм калимаи "оиди" ба калимаҳои "оид ба" иваз карда шавад.

6. Дар сархати сеюми қисми дуюми моддаи 4 ва дар қисми дуюми моддаи 7 калимаҳои "актёрон" ва "актёрҳо" ба калимаи "ҳунарпешагон" иваз карда шавад.

7. Дар моддаи 5 ва тамоми матни Қонун сархатҳо бо аломати дефис (-) ишора карда шаванд.

8. Дар сархати дуюми қисми дуюми моддаи 6 калимаи "нишон" ба калимаи "намоиш" ва калимаи "оиди" ба калимаҳои "оид ба" иваз карда шаванд.

9. Дар моддаи 7:

- дар номи модда ва саросари матн калимаи "худидораи" ба калимаи "худидоракунии" иваз карда шавад;

- дар сархати дуюми қисми якум калимаи "сармояҳо" ба калимаи "маблағҳо" иваз карда шавад ва дар сархати чорум баъди калимаи "фестивалҳо" калимаи "ва" илова карда шуда, калимаҳои "ва азназаргузарониҳои" хориҷ карда шаванд.

10. Дар қисми якуми моддаи 10 калимаи "инвихоби" ба калимаи "интихоби" ва калимаи "репертуар" ба калимаи "барнома" иваз карда шаванд.

11. Дар номи моддаи 15 калимаи "оиди" ба калимаҳои "оид ба" иваз карда шавад.

12. Дар қисми якуми моддаи 27 калимаи "азназаргузарониҳои" ба калимаи "озмунҳои" иваз карда шавад.

13. Пеш аз моддаи 28 боби нав бо мазмуни зайл илова карда шавад:

"Боби 8. Муқаррароти хотимавӣ".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаьолияти театрӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаъолияти театрӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаъолияти театрӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаъолияти театрӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи театр ва фаъолияти театрӣ" ҷонибдорӣ карда шавад.