ҚОНУНИ КОНСТИТУТСИОНИИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Моддаи 1. Ба Қонуни конститутсионии Ҷумҳурии Тоҷикистон аз 6 августи соли 2001 "Дар бораи судҳои Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с. 2001, № 7, мод. 490; с. 2003, № 12, мод. 685; с. 2004, № 5, мод. 347; с. 2006, № 3, мод. 143; с. 2007, №7, мод. 651; с. 2008, №3, мод. 181; с. 2008, №6, мод. 443) тағйиру иловаҳои зерин ворид карда шаванд:

1. Дар тамоми матни Қонун калимаи "зинаи" ба калимаи "марҳилаи" иваз карда шавад.

2. Дар қисми чоруми моддаи 2 калимаи "хоҷагӣ" ба калимаи

"иқтисодӣ" иваз карда шавад. 3. Дар моддаҳои 8 ва 38 калимаи "Ҳалномаҳо" ба калимаҳои "Фармонҳо, ҳалномаҳо" иваз карда шаванд.

4. Дар сархати якуми моддаи 23 баъд аз калимаи "ошкоргардида" калимаҳои ", инчунин дар сурати бекор шудани ду ва ё зиёда ҳалномаи судӣ ин парвандаҳои гражданиро аз ихтиёри судҳои ҷумҳурӣ гирифта, онро ба мурофиаи худ ба сифати суди марҳилаи якум қабул намуда," илова карда шаванд.

5. Дар моддаи 27:

- аз сархати дуюми қисми дуюм калимаи "ҳалномаҳо" хориҷ ва баъди калимаҳои "Пленуми Суди Олии Ҷумҳурии Тоҷикистон" калимаҳои "оид ба парвандаҳои ҷиноятӣ" илова карда шаванд;

- дар сархатҳои чорум ва панҷуми қисми дуюм калимаи "парвандаҳоро" ба калимаҳои "парвандаҳои ҷиноятиро" иваз карда шавад.

6. Сархати якуми қисми дуюми моддаи 31 дар таҳрири зерин ифода карда шавад:

"дар доираи салоҳияташ парвандаҳои гражданӣ ва ҷиноятиро аз рӯи эътирози Раиси Суди Олии Ҷумҳурии Тоҷикистон, Прокурори генералии Ҷумҳурии Тоҷикистон ва ҳолатҳои нав ошкоршуда, инчунин аз рӯи эътирози муовинони онҳо оид ба парвандаҳои ҷиноятӣ ва ҳолатҳои нав ошкоршуда оид ба парвандаҳои ҷиноятӣ баррасӣ менамояд;".

7. Дар моддаи 34:

- аз сархати дуюм калимаҳои "муовинони вай", "ва муовинони вай" хориҷ карда шаванд;

- дар сархати чорум калимаи "таъинотҳои" ба калимаи "қарорҳои" иваз карда шавад.

8. Сархати панҷуми қисми дуюми моддаи 36 дар таҳрири зерин ифода карда шавад:

"эътирозҳои Раиси Суди Олии Ҷумҳурии Тоҷикистон ва Прокурори генералии Ҷумҳурии Тоҷикистонро нисбати фармонҳо, ҳалномаҳо, ҳукмҳо, таъинотҳо ва қарорҳои судҳои ҳарбии гарнизонҳо, эътирози муовинони онҳоро бошад, нисбати ҳукмҳо, таъинотҳо ва қарорҳои судҳои ҳарбии гарнизонҳо оид ба парвандаҳои ҷиноятӣ ба тариқи назоратӣ баррасӣ менамояд;".

9. Дар қисми якуми моддаи 39:

- дар сархати сеюм пас аз калимаи "нисбати" калимаи "фармонҳо," илова карда шавад;

- дар сархати чорум пас аз калимаи "нисбати" калимаи "фармонҳо," ва баъди калимаҳои "Пленуми Суди Олии Ҷумҳурии Тоҷикистон" калимаҳои "оид ба парвандаҳои ҷиноятӣ" илова карда шаванд;

- аз сархати шашум калимаи "ҳалномаҳо" хориҷ ва баъди калимаи "Тоҷикистонро" калимаҳои "оид ба парвандаҳои ҷиноятӣ" илова карда шаванд.

10. Дар моддаи 40:

- аз сархати якуми қисми якум калимаи "ҳалномаҳо" хориҷ ва баъди калимаҳои "зинаҳои судӣ" калимаҳои "оид ба парвандаҳои ҷиноятӣ" илова карда шаванд;

- аз сархати сеюми қисми якум калимаи "ҳалномаҳо" хориҷ ва баъди калимаи "Тоҷикистонро" калимаҳои "оид ба парвандаҳои ҷиноятӣ" илова карда шаванд;

- дар қисми дуюм баъди калимаҳои "Пленуми Суди Олии Ҷумҳурии Тоҷикистон" калимаҳои "оид ба парвандаҳои ҷиноятӣ" илова карда шаванд.

11. Дар қисми дуюми моддаи 42:

- аз сархати якум калимаи "ҳалномаҳо" хориҷ ва баъди калимаи "ҳарбӣ" калимаҳои "оид ба парвандаҳои ҷиноятӣ" илова карда шаванд;

- аз сархати дуюм калимаи "ҳалномаҳо" хориҷ ва баъди калимаи "ҳарбиро" калимаҳои "оид ба парвандаҳои ҷиноятӣ" илова карда шаванд.

12. Дар моддаи 44 сархати дуюм бо мазмуни зерин илова карда шавад:

"ҳангоми талаб карда гирифтани парванда ҳуқуқ дорад иҷрои санади судиро оид ба парвандаҳои гражданӣ то хотимаи мурофиа дар суди марҳилаи назоратӣ мутобиқи талаботи Кодекси мурофиавии граждании Ҷумҳурии Тоҷикистон боздорад;".

13. Дар сархати якуми қисми якуми моддаи 76 баъд аз калимаи "ошкоргардида" калимаҳои ",инчунин дар сурати бекор шудани ду ва ё зиёда ҳалномаи судӣ ин парвандаҳои гражданиро аз ихтиёри судҳои ноҳия (шаҳр)-е, ки мувофиқан дар ҳудуди Вилояти Мухтори Кӯҳистони Бадахшон, вилоят, шаҳри Душанбе воқеъ мебошанд, гирифта, онро ба мурофиаи худ ба сифати суди марҳилаи якум қабул намуда," илова карда шаванд.

14. Дар сархати чоруми қисми якуми моддаи 82 баъди калимаи "судӣ" калимаҳои "оид ба парвандаҳои ҷиноятӣ" илова карда шаванд.

Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни конститутсионии Ҷумҳурии Тоҷикистонро "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" баррасӣ намуда, қарор мекунад:

Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" ҷонибдорӣ карда шавад.