ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ"

Моддаи 1. Ба Қонуни Ҷумҳурии Тоҷикистон аз 1 августи соли 2003 "Дар бораи фаъолияти китобдорӣ" (Ахбори Маҷлиси Олии Ҷумҳурии Тоҷикистон, с. 2003, №8, мод. 455) тағйиру иловаҳои зерин ворид карда шаванд:

1. Дар дебоча калимаи "роҳёбии" ба калимаи "дастрасии", калимаи "дастовардҳои" ба калимаи "комёбиҳои" иваз карда шавад.

2. Дар сархати дуюми моддаи 1 калимаи "истифодабарии" ба калимаҳои "истифодабарӣ аз", дар сархати сеюми моддаи мазкур калимаи "вазифаҳои" ба калимаи "ваколатҳои" иваз карда шаванд.

3. Дар моддаи 3 калимаи "қисми" ба калимаи "бобати" иваз карда шавад.

4. Дар сархати дуюми қисми дуюми моддаи 5 пеш аз калимаи "гуногуншаклии" калимаҳои "бо истифода аз" илова карда шаванд.

5. Дар қисми чоруми моддаи 6 калимаҳои "мақомоти вилоятӣ, шаҳрӣ, ноҳиявии ҳокимияти иҷроия ва дигар мақомоти худидораи маҳаллӣ" ба калимаҳои "мақомоти маҳаллии ҳокимияти давлатии Вилояти Мухтори Кӯҳистони Бадахшон, вилоят, шаҳр, ноҳия ва мақомоти худидоракунӣ" иваз карда шаванд.

6. Дар сархатҳои нӯҳум ва даҳуми қисми якуми моддаи 11 калимаҳои "дар татбиқи" ба калимаи "барои" иваз карда шаванд.

7. Дар қисмҳои дуюм ва чоруми моддаи 14 калимаҳои "Мақомоти ҳокимияти маҳаллӣ ва худидора" ба калимаҳои "Мақомоти маҳаллии ҳокимияти давлатӣ ва худидоракунӣ" иваз карда шаванд.

8. Дар қисми сеюми моддаи 16 калимаи "ҚАРОРИ" бо ҳарфҳои хурд навишта шавад.

9. Дар сархати якуми қисми сеюми моддаи 18 калимаи "кардан" хориҷ ва дар сархати шашум калимаи "навъҳои" ба калимаи "намудҳои" иваз карда шавад.

10. Дар моддаи 25 калимаи "бо" ба калимаи "мутобиқи" иваз карда шавад.

11. Баъд аз моддаи 25 боби нав ба мазмуни зайл илова карда шавад:

"Боби 10. Муқаррароти хотимавӣ"

12. Ба Қонун моддаи нави 25(1) бо мазмуни зайл илова карда шавад:

"Моддаи 25(1) Ҷавобгарӣ барои вайрон кардани Қонуни мазкур

Шахсони воқеӣ ва ҳуқуқӣ, ки муқаррароти Қонуни мазкурро вайрон мекунанд, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи фаъолияти китобдорӣ" ҷонибдорӣ карда шавад.