ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ"

Моддаи 1. Ба Қонуни Ҷумҳурии Тоҷикистон аз 10 майи соли 2002 "Дар бораи алоқаи барқӣ" (Ахбори Маҷлиси Олии Ҷумҳурии Тоҷикистон, с.2002, № 4, қ. 2, мод. 323; с.2006, № 3, мод. 156; с. 2008, № 3, мод.198) тағйиру иловаҳои зерин ворид карда шаванд:

1. Дар қисми якуми моддаи 10:

- аз сархати сеюм калимаҳои "тарифҳо ва" хориҷ карда шаванд;

- сархатҳои чорум ва шашум хориҷ карда шаванд.

2. Моддаҳои 22 ва 23 хориҷ карда шаванд.

3. Дар қисми сеюми моддаи 31 пас аз калимаҳои "танзими алоқа" калимаҳои "дар мувофиқа бо мақомоти давлатии зиддиинҳисорӣ" илова карда шаванд.

4. Дар қисми дуюми моддаи 37 калимаҳои "ва тарифхои онҳоро, ки мақоми ваколатдори Ҷумҳурии Тоҷикистон оид ба танзими алоқа тасдиқ мекунад" ба калимаи "мегарданд" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи алоқаи барқӣ" ҷонибдорӣ карда шавад.