ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ"

Моддаи 1. Ба Қонуни Ҷумҳурии Тоҷикистон аз 8 октябри соли 2003 "Дар бораи занбӯрпарварӣ" (Ахбори Маҷлиси Олии Ҷумҳурии Тоҷикистон, с. 2003, №12, мод. 679) тағйиру иловаҳои зерин ворид карда шаванд:

1. Дар ном ва тамоми матни Қонун калимаи "занбӯрпарварӣ" ба калимаи "занбӯриасалпарварӣ" иваз карда шавад.

2. Дар тамоми матни Қонун калимаи "занбӯрҷо" ба калимаи "занбӯрҷой" ва калимаи "занбӯрҷоҳои" ба калимаи "занбӯрҷойҳои" иваз карда шавад.

3.Дар моддаи 1: .

- сархатҳои панҷум ва шашум дар таҳрири зайл ифода карда шаванд:

"занбӯрҷой - ҷойи муайяне, ки қуттиҳои оилаҳои занбӯри асал бо таҷҳизоти зарурӣ барои нигоҳубин ва парвариши занбӯри асал гузошта мешаванд;";

"занбӯрҷойи доимӣ - ҷойи доимие, ки қуттиҳои оилаҳои занбӯри асал дар давоми сол нигоҳ дошта мешаванд;";

- сархати ҳаштум дар таҳрири зайл ифода карда шавад:

"хоҷагии зотпарварӣ ва минтақаҳои зотпарварӣ - субъектҳои хоҷагидорӣ, ки аз ҷониби мақомоти махсуси ваколатдори давлатӣ дар соҳаи занбӯриасалпарварӣ аттестатсия шудаанд ва ба парваришу фурӯши оилаҳои занбӯри асали зотӣ, модарзанбӯрҳои зоти муайян машғуланд;";

-дар сархати даҳум калимаи "мода" ба калимаи "модае" иваз карда шавад;

-дар сархати дувоздаҳум калимаҳои "маҳсулоти", "маҳсулотҳое" ба калимаҳои "маводи", "маводҳое" иваз карда шуда, пас аз калимаҳои "инчунин худи занбӯри асал" калимаҳои "ва кирминаи он" илова карда шаванд;

- сархатҳои чордаҳум ва понздаҳум дар таҳрири зайл ифода карда шаванд:

"шиносномаи байтории занбӯрҷой- ҳуҷҷате, ки маҳалли муваққатӣ ё доимии занбӯрҷой, миқдори оилаҳои занбӯри асал, зоти он, мӯҳлат ва амалиётҳои байториро бо мақсади пешгирӣ, ташхис ва муолиҷаи амрози онҳо дар бар мегирад;

-набототи энтомофилӣ- набототе, ки дар табиат мерӯянд ва дар соҳаи кишоварзӣ кишт гардида, бо ёрии ҳашарот гардолуд мешаванд;";

-сархати шонздаҳум бо матни зайл илова карда шавад:

"мақомоти махсуси ваколатдор - мақомоти давлатие, ки фаъолиятро дар соҳаи занбӯриасалпарварӣ назорат менамояд.".

4. Дар моддаи 3:

-аз қисми дуюм калимаи "(литсензия)" хориҷ карда шавад;

- дар қисми чорум калимаи "оиди" ба калимаҳои "оид ба" иваз карда шавад.

5. Дар қисми дуюми моддаи 7 калимаҳои "мақомоти ҳокимияти иҷроияи маҳаллӣ" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

6. Дар моддаи 9:

- дар сархати чорум калимаи "шумораи" ба калимаи "теъдоди" ва калимаи "паҳншавии" ба калимаҳои "ҷойгир кардани" иваз карда шаванд;

- дар сархати ҳафтум калимаи "дидани" ба калимаи "андешидани" иваз карда шавад;

- дар сархати ҳаштум пас аз калимаи "наботот" калимаи "маводҳои" илова намуда, калимаи "агрокимиёҳо" ба калимаи "агрокимиёвӣ" иваз карда шавад;

- дар сархати даҳум калимаи "таҳқиқоти" ба калимаи "тадқиқоти" ва калимаи "оиди" ба калимаи "оид ба " иваз карда шавад.

7.Дар моддаи 11:

- дар ном ва матн пас аз калимаи "наботот" калимаи "маводҳои" илова намуда, калимаи "агрокимиёҳо" ба калимаи "агрокимиёвӣ" иваз карда ва калимаҳои "ва дигар доруҳо" "ва дигар доруҳоро" хориҷ карда шаванд;

- дар қисми дуюм калимаҳои "оид ба идоракунии соҳаи кишоварзии Ҷумҳурии Тоҷикистон" ба калимаҳои "дар соҳаи занбӯриасалпарварӣ" иваз карда шаванд.

8. Аз матни моддаи 12 калимаҳои ",инчунин тайёр кардани пӯсти бед дар ҳудуди то се километр аз занбӯрҷойҳои доимӣ манъ аст" хориҷ карда шаванд.

9.Дар моддаи 13:

- ба қисми якум калимаи "оиди" ба калимаҳои "оид ба" иваз карда шавад;

- дар қисми дуюм пас аз калимаи "лона" калимаҳои "дар табиат" илова карда шавад.

10. Дар номи моддаи 14 пас аз калимаи "асал" калимаҳои "ба майдонҳои набототи гарди гул ва шаҳддор" илова карда шавад.

11.Дар моддаи 15:

-номи модда дар таҳрири зайл ифода карда шавад:

"Моддаи 15. Салоҳияти мақомоти махсуси ваколатдори давлатӣ дар соҳаи занбӯриасалпарварӣ";

-қисми якум хориҷ карда шавад;

-дар қисми дуюм:

а) калимаҳои "Мақоми махсуси ваколатдори давлатӣ оид ба идоракунии соҳаи кишоварзии Ҷумҳурии Тоҷикистон салоҳияти зерин дорад:" ба калимаҳои "Мақомоти махсуси ваколатдори давлатӣ дар соҳаи занбӯриасалпарварӣ салоҳияти зерин дорад:" иваз карда шаванд;

б) дар сархати панҷум калимаи "доруҳои" ба калимаи "маводҳои" иваз карда шавад;

в) дар сархати ҳафтум калимаи "ташкили" ба калимаи "амалисозии" иваз карда шавад;

г) дар сархати ҳаштум калимаҳои "оиди тайер кардани" ба калимаҳои "оид ба тарбияи" иваз карда шаванд;

ғ) сархати даҳум дар таҳрири зайл ифода карда шавад:

"-муҳофизат ва ташкили татқиқоти илмӣ, афзоиш ва истеҳсоли маводҳои селексионии занбӯри асал;".

12. Дар моддаи 17:

- аз қисми якум калимаҳои "ҳар як" хориҷ карда шаванд;

- аз қисми дуюм калимаҳои "дар соҳаи байторӣ" хориҷ карда шаванд.

13. Дар моддаи 19:

- қисми дуюм дар таҳрири зайл ифода карда шавад:

"Бо максади маҳфуздорӣ ва мукаммалсозии зотҳо, истеҳсолу фурӯши маводхои селексионӣ ва таъмин намудани шахсони воқеӣ ва хукуқӣ бо ин маводҳо Ҳукумати Ҷумҳурии Тоҷикистон бо пешниҳоди мақоми махсуси ваколатдори давлатӣ дар соҳаи занбӯриасалпарварӣ хоҷагиҳои зотпарварӣ ва минтақаҳои зотпарвариро тасдиқ менамояд.".

- дар қисми чорум калимаҳои "оиди идоракунии соҳаи кишоварзии ҷумҳурӣ" ба калимаҳои "дар соҳаи занбуриасалпарварӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи занбӯрпарварӣ" ҷонибдорӣ карда шавад.