Ҳукумати Ҷумҳурии Тоҷикистон

ҚАРОР

Дар бораи Тартиби хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ

Мутобиқи моддаи 11 Кодекси тандурустии Ҷумҳурии Тоҷикистон Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 25.09.2018 № 485):

1. Тасдиқ карда шаванд:

Тартиби хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ;

Хорич карда шуд (қарори Ҳукумати ҶТ аз 29.05.2010 № 300)

Хорич карда шуд (қарори Ҳукумати ҶТ аз 29.05.2010 № 300)

Номгӯи хизматрасониҳои тиббию санитарии ройгон ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ.

2. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон татбиқи тадриҷии Тартиби хизматрасонии тиббию санитариро ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ, дар марҳилаи аввал дар бахшҳои ёрирасон, барқарорсозӣ ва хизматрасонии тиббии гаронарзиш таъмин намояд (қарори Ҳукумати ҶТ аз 25.09.2018 № 485).

3. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон якҷоя бо Вазорати молияи Ҷумҳурии Тоҷикистон, Вазорати меҳнат, муҳоҷират ва шуғли аҳолии Ҷумҳурии Тоҷикистон Номгӯи гурӯҳҳои аҳолии Ҷумҳурии Тоҷикистонро, ки мутобиқи мақоми иҷтимоӣ ва нишондодҳои тиббӣ ба хизматрасонии тиббии ройгон ҳуқук доранд, таҳия ва тасдиқ намояд (қарори Ҳукумати ҶТ аз 25.09.2018 № 485).

4. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон якҷоя бо Вазорати молияи Ҷумҳурии Тоҷикистон Қоидаҳои ҳампардохти хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ ва Дастурамал дар бораи маблағҳои махсуси муассисаҳои системаи давлатии тандурустии Ҷумҳурии Тоҷикистонро таҳия ва тасдиқ намояд (қарори Ҳукумати ҶТ аз 25.09.2018 № 485).

5. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон Нархномаҳои намуд ва ҳаҷми хизматрасонии тиббию санитариро ба аҳолии Ҷумҳурии Тоҷикистон дар муассисаҳои системаи давлатии тандурустӣ таҳия ва тасдиқ намояд" (қарори Ҳукумати ҶТ аз 25.09.2018 № 485).