Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 5 апрели соли 2005 № 137

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи адои хизмат аз тарафи ҳайати қаторӣ ва роҳбарикунандаи мақомоти корҳои дохилии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 5 апрели соли 2005 № 137 "Дар бораи тасдиқи Низомномаи адои хизмат аз тарафи ҳайати қаторӣ ва роҳбарикунандаи мақомоти корҳои дохилии Ҷумҳурии Тоҷикистон" тасдиқ карда шудааст, тағйиру иловаҳои зерин ворид карда шаванд:

1. Дар банди 42:

- дар сархати сеюм калимаҳои "таъминоти пулии даҳсолаи" ба калимаҳои "80 маоши таъминоти пулии" иваз карда шаванд;

- дар сархати панҷум калимаҳои "таъминоти пулии панҷсола" ба калимаҳои "40 маоши таъминоти пулӣ" иваз карда шаванд;

- баъд аз сархати панҷум сархати нав бо мазмуни зайл илова карда шавад:

"Дар сурати пеш аз мӯҳлат рухсат шудани корманди милитсия аз хизмат дар мақомоти корҳои дохилӣ дар натиҷаи бемории дар рафти адои хизмат гирифта ба ӯ кӯмакупулии якдафъина ба андозаи 12 маоши таъминоти пулӣ, ки дар рӯзи пардохти кӯмакпулӣ муқаррар шудааст, пардохт карда мешавад".

2. Дар банди 55:

- дар матн калимаҳои "Дар бораи таъминоти" ба калимаҳои "Дар бораи таъмини" иваз карда шаванд;

- ҷумлаи дуюм дар таҳрири зерин ифода карда шавад:

"Андозаи нафақаи кормандони милитсия, ки бинобар расидан ба синни муқарраршуда, бо сабаби беморӣ ё фарорасии мӯҳлати собиқаи хизмат аз кор озод карда шудааст, бо тартиби муқаррарнамудаи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" ҳисоб карда шавад.