Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба қарори Девони Вазирони Ҷумҳурии Тоҷикистон аз 30 декабри соли 1991 № 387

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Девони Вазироии Ҷумҳурии Тоҷикистон аз 30 декабри соли 1991 № 387 "Дар бораи таъсиси Регистри корхонаҳои Ҷумҳурии Тоҷикистон" тағйироти зерин ворид карда шавад:

дар банди 3 қарор калимаҳои "мақомоти ҳокимияти иҷроияи маҳаллӣ (ҳукуматҳо)" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд;

дар Низомномаи Регистри корхонаю муассисаҳо ва ташкилотҳои Ҷумҳурии Тоҷикистон:

дар матн калимаҳои "худидораи маҳаллӣ", "мақомоти иҷроияи худидораи маҳаллӣ", "кумитаҳои иҷроияи Шӯроҳои депутатҳои халқӣ", "мақомоти худидораи маҳаллӣ" ба калимаҳои "мақомоти иҷроияи маҳаллии ҳокимияти давлатӣ" ва калимаҳои "бопултаъминкунӣ", "бопултаъминкунии" мутобиқан ба калимаҳои "маблағгузорӣ", "маблағгузории" иваз карда шаванд;

дар зербанди "б" банди 3 калимаҳои "дигари воҳидҳои худидоракунии маҳаллии сатҳи ибтидоӣ" ба калимаҳои "шаҳру ноҳияҳои дигар" иваз карда шаванд;

дар банди 9 калимаҳои "музди меҳнати ҳадди ақал" ба калимаҳои "нишондиҳанда барои ҳисобҳо" ва калимаи "бепул" ба калимаи "ройгон" иваз карда шуда, калимаи "дигар" хориҷ карда шаванд;

дар банди 19 калимаҳои "Саруправленияи архиви ҷумҳурӣ" ба калимаҳои "Саридораи бойгонии назди Ҳукумати Ҷумҳурии Тоҷикистон" иваз карда шаванд.