ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон"

Моддаи 1. Ба Қонуни Ҷумҳурии Тоҷикистон аз 9 декабри соли 2004 "Дар бораи ҳимояи ҳуқуқи истеъмолкунандагон" (Ахбори Маҷлиси Олии Ҷумҳурии Тоҷикистон, с. 2004, № 12, қ. 1, мод. 699) тағйиру иловаҳои зерин ворид карда шаванд:

1. Дар қисми ҳафтуми моддаи 6 калимаҳои "бо тарозу, ба воситаи асбобу анҷом, ҳисобкунакҳо ва таҷҳизоти дигари меъёргирие" ба калимаҳои "бо воситаҳои ченаке" иваз карда шаванд.

2. Дар ном ва матни моддаи 36 баъд аз калимаи "Қоидаҳои" калимаҳои "савдо, хӯроки умумӣ" илова карда шаванд.

3. Дар моддаи 39:

- дар номи модда калимаҳои "мақомоти босалоҳияти идоракунии давлатие" ба калимаҳои "мақомоти давлатие" иваз карда шаванд;

- дар қисми якум калимаҳои "мақомоти стандартизация, сифат ва инспексияи савдо" ба калимаҳои "мақоми давлатӣ оид ба стандартизатсия, метрология, сертификатсия ва нозироти савдои Ҷумҳурии Тоҷикистон" иваз карда шаванд;

- аз қисми дуюм калимаи "идоракунии" хориҷ карда шуда, калимаҳои "мақомоти стандартизатсия, сифат ва инспексияи савдо" ба калимаҳои "мақоми давлатӣ оид ба стандартизатсия, метрология, сертификатсия ва нозироти савдои Ҷумҳурии Тоҷикистон" иваз карда шаванд;

- дар қисми сеюм:

- калимаҳои "Мақоми ваколатдори стандартизатсия, сифат ва инспексияи савдои Ҷумҳурии Тоҷикистон" ба калимаҳои "Мақоми давлатӣ оид ба стандартизатсия, метрология, сертификатсия ва нозироти савдои Ҷумҳурии Тоҷикистон" иваз карда шаванд;

- сархати шашум бо мазмуни зайл илова карда шавад:

"-риояи қоидаҳои савдо, хӯроки умумӣ, сифат ва бехатарии молҳои ниёзи мардумро назорат мекунад;".

4. Дар моддаи 40:

- дар номи модда ва қисми сеюм калимаҳои "мақоми стандартизатсия, метрология ва сертификатсия" ба калимаҳои "мақоми давлатӣ оид ба стандартизатсия, метрология, сертификатсия ва нозироти савдои Ҷумҳурии Тоҷикистон" иваз карда шуда, калимаи "идоракунии" хориҷ карда шавад;

- дар қисми ҳафтум калимаҳои "мақомоти стандартизатсия, метрология ва сертификатсия" ба калимаҳои "мақоми давлатӣ оид ба стандартизатсия, метрология, сертификатсия ва нозироти савдои Ҷумҳурии Тоҷикистон" иваз карда шуда, калимаи "идоракунии" хориҷ карда шавад;

- қисми нуҳум бо мазмуни зайл илова карда шавад:

"Пардохти маблағи ҷаримаи басташуда аз иҷрои талаботи амрияи додашуда озод намекунад.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон" ҷонибдорӣ карда шавад.