Девони Вазирони Ҷумҳурии Тоҷикистон

ҚАРОР

Дар бораи таъсиси Ширкати давлатии "Нурафзо"-и Ҷумҳурии Тоҷикистон оид ба сохтмони объектҳои энергетикӣ

Девони Вазирони Ҷумҳурии Тоҷикистон қарор мекунад:

1. Дар заминаи ташкилоту корхонаҳои Иттиҳодияи лоиҳакашию бинокории "Тоҷикгидроэнергострой" Ширкати давлатии "Нарафзо" оид ба сохтмони объктҳои энергетикӣ ва объектҳои бо онҳо алоқадоштаи инфраструктура таъсис карда шавад.

2. Кумитаи идораи амволи давлатии Ҷумҳурии Тоҷикистон ба Ширкати давлатии навбунёди "Нурафзо" барои идоракунии воситаҳои асосӣ ва амволи бинокории "Тоҷикгидроэнергострой" ва ташкилотҳои пудратии ғайриасосии мутобиқи қарори Девони Вазирони Ҷумҳурии Тоҷикистон аз 24 январи с.1992 № 23 ба тобеияти Ҷумҳурии Тоҷикистон қабулшудаи Вазорати собиқи энергетикаи ИҶШС тааллуқ доштанд, ҳуқуқ диҳад.

3. Ширкати давлатии "Нурафзо" дар мӯҳлати як моҳ Оинномаи Ширкати мазкурро таҳия намуда, мувофиқи тартиби муқарраршуда барои тасдиқ онро ба Девони Вазирони Ҷумҳурии Тоҷикистон пешниҳод намояд.