Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 апрели соли 2007 № 186

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

ба қарори Ҳукумати Ҷумҳурии Тоҷикистон аз 3 апрели соли 2007 № 186 "Дар бораи Маркази ҷумҳуриявии назорати давлатии санитарию эпидемиологӣ (бо ҳуқуқи хадамот)" тағйироти зерин ворид карда шавад:

дар ном ва матни қарор ва Низомнома калимаҳои "Маркази ҷумҳуриявии назорати давлатии санитарию эпидемиологӣ (бо ҳуқуқи хадамот)" ба калимаҳои "Хадамоти назорати давлатии санитарию эпидемиологӣ" иваз карда шаванд;

дар матни Низомнома калимаи "Директор" ба калимаи "Сардор" ва калимаи "Марказ" ба калимаи "Хадамот" иваз карда шавад;

дар банди 8 Низомнома сархати ҳаштуми дорои мазмуни зайл илова карда шавад;

"гузаронидани аккредитатсия, аттестатсия ва санҷиши лабораторияҳо, новобаста аз шакли ташкилию ҳуқуқӣ ва моликият, ки фаъолияти онҳо бо тадқиқоти санитарию гигиенӣ ва микробиологӣ алоқаманд аст".