Девони Вазирони Ҷумҳурии Тоҷикистон

ҚАРОР

Дар бораи таъсиси Фонди ҷумхурии кӯмак ба қисми аҳолии аз ҷиҳати иҷтимоӣ камтар муҳофизатшудаи Ҷумҳурии Тоҷикистон

Мутобиқи Фармони Президенти Ҷумҳурии Тоҷикистон аз 27 августи с. 1991 "Дар бораи таъсиси Фонди ҷумхурии кӯмак ба қисми аҳолии аз ҷиҳати иҷтимоӣ камтар муҳофизатшудаи Ҷумҳурии Тоҷикистон" Девони Вазирони Ҷумҳурии Тоҷикистон қарор мекунад:

1. Оинномаи Фонди ҷумхурии кӯмак ба қисми аҳолии аз ҷиҳати иҷтимоӣ муҳофизатшудаи Ҷумҳурии Тоҷикистон (Фонди ҷумҳурии кӯмак) маъкул дониста шавад, Правленияи (Ҳайати идории) фонди мазкур, ки дар асоси ҷамъиятӣ кор мебарад, дар ҳайати замимагардида тасдиқ карда шавад.

2. Вазифаи хизматрасонӣ ба Фонди ҷумҳурии кӯмак ба зиммаи Банки ҷумҳурии саҳомию тиҷоратии тараққиёти соҳаи иҷтимоӣ ва соҳибкории "Тоҷикбанкбизнес"-и Тоҷикистон гузошта шавад.

3. Вазорату идораҳои Ҷумҳурии Тоҷикистон ва кумитаҳои иҷроияи Шӯроҳои маҳаллии депутатҳои халқ, дар байни коллективҳои корхонаю ташкилотҳои тобеъ, инҷунин аҳолӣ дар ҳусуси аҳамияти барои дастгирии моддии аҳолии камбизоати ҷумҳури доштани Фонди ҷумҳурии кӯмак ва дар ин робита дар ҳусуси зарурати иштироки фаъолонаи корхонаю ташкилотҳо дар созмондиҳии фонди мазкур, бо назардошти он ки маблағҳои ба унвони Фонди ҷумҳурии кӯмак равонашаванда аз додани андоз озод мебошанд, кори шарҳдиҳиро ба анҷом расонанд.