Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 5 феврали соли 2003 № 54 "Дар бораи тартиби гузаронидани аттестатсия, аккредитатсия ва литсензиядиҳии муассисаҳои таълимии Ҷумҳурии Тоҷикистон" тағйиру иловаҳои зерин ворид карда шаванд:

- дар ном ва матни қарор калимаҳои "Тартиби", "Аттестатсия, аккредитатсия ва литсензиядиҳии" мутобиқ ба калимаҳои "Қоидаи", "Аттестатсия ва аккредитатсия" иваз карда шаванд;

- дар Тартиби гузаронидани аттестатсия, аккредитатсия ва литсензиядиҳии муассисаҳои таълимии Ҷумҳурии Тоҷикистон, ки бо ҳамин қарор тасдиқ шудааст, тағйиру иловаҳои зерин ворид карда шаванд:

дар матн калимаҳои "Идораи аттестатсияи муассисаҳои таълимии назди Вазорати маорифи Ҷумҳурии Тоҷикистон", "Идораи аттестатсияи муассисаҳои таълимӣ", "Идораи маориф" ва "Идорахои маориф" мутобиқ ба калимаҳои "Хадамоти давлатии назорат дар соҳаи маориф", "Раёсати маориф" ва "Раёсатҳои маориф" иваз карда шаванд;

бандҳои 5, 6, 7, 8, 9, 10, 11, 14, 15, 16 ва сархати дуюми банди 25 аз матн хориҷ карда шаванд;

аз банди 4 калимаҳои "ё литсензиядиҳии" хориҷ карда шаванд;

дар банди 10 калимаҳои "Низомномаи литсензионидани муассисаҳои таълимии Ҷумҳурии Тоҷикистон" ба калимаҳои "талаботи конунгузории Ҷумҳурии Тоҷикистон" иваз карда шаванд;

дар банди 12 калимаҳои "литсензионидан", "ибтидоии" мутобиқ ба калимаҳои "иҷозатномадиҳӣ", "таҳсилоти" иваз карда шуда, баъд аз калимаи "умумй" калимаҳои ", асосй ва миёнаи (пурра)-и маълумоти ҳамагонй" хориҷ карда шаванд;

аз банди 13 калимаи "-литсензиягиранда" хориҷ карда шавад;

дар банди 14 баъд аз калимаи "соҳавӣ" калимаи "мушовара" илова карда шавад;

дар банди 17 калимаи "се" ба калимаи "шаш" иваз карда шуда баъд аз калимаи "хулосаи" калимаи "Шӯро" илова карда шавад;

дар банди 19 калимаи "маълумот" ба калимаи "таҳсилот" иваз карда шавад;

дар банди 20 калимаҳои "Идораи маълумоти миёна ва олии касбӣ, сардори Идораи маълумоти ҳамагонӣ, сардори идораи банақшагирӣ иҷрои буҷет ва ояндабинӣ дар соҳаи маориф" мутобиқ ба калимаи "раёсатҳои таҳсилоти умумӣ, ибтидоӣ ва миёнаи касбӣ, олии касбӣ ва баъдидипломӣ, банақшагирӣ, иҷрои буҷет ва ояндабинӣ дар соҳаи маориф" иваз карда шаванд;

дар банди 25 калимаҳои "ҳукуматҳои маҳаллӣ" ба калимаҳои "мақомоти иҷроияи маҳаллии ҳокимияти давлатӣ" иваз карда шуд калимаҳои "(ба ғайр аз мактабҳои таҳсилоти ҳамагонии давлатӣ, муассисаҳои томактабӣ ва беруназмактабии давлатӣ)" хориҷ карда шаванд.

2. Ба Низомномаи Хадамоти давлатии назорат дар соҳаи маориф, Сохтори дастгоҳи марказии Хадамоти давлатии назорат дар соҳаи маориф ва Нақшаи идораи Хадамоти давлатии назорат дар соҳаи маориф, ки бо қарори Ҳукумати Ҷумҳурии Тоҷикистон аз 3 марти соли 2007 № 105 "Дар бораи Хадамоти давлатии назорат дар соҳаи маориф" тасдиқ шудааст, тағйиру иловаҳои зерин ворид карда шаванд:

- ба банди 6 Низомномаи Хадамоти давлатии назорат дар соҳаи маориф, ки бо ҳамин қарор тасдиқ шудааст, тағйиру иловаҳои зерин ворид карда шаванд:

ба сархатҳои панҷум, шашум ва ҳафтум баъд аз калимаҳои "муассисаҳои таълимӣ", калимаҳои ", Академияи илмҳои педагогӣ ва сохторҳои он" илова карда шаванд;

дар сархати бисту панҷ калимаи "созишнома" ба калимаи "шартнома" иваз карда шавад;

сархати понздаҳум дар таҳрири зайл баён карда шавад:

"баробарарзишӣ ва эътирофи ҳуҷҷатҳои таҳсилот ва унвонҳои илмиеро, ки дар хориҷи кишвар гирифта шудааст, мувофиқи тартиби муқарраргардида эътироф ва тасдиқ намуда, ҳуҷҷати дахлдори зарурӣ медиҳад ";

сархати нав бо мазмуни зайл илова карда шавад:

"-заминаи моддию техникӣ, илмӣ ва кадрҳои илмию педагогии муассисаҳои таҳсилоти олии касбӣ, таҳсилоти касбии баъд аз муассисаи олии таълимӣ ва илмии ҷумҳуриро омӯхта, барои додани иҷозатномаи пешбурди фаъолияти таълимӣ дар аспирантура ва докторантура ба Вазорати маорифи Ҷумҳурии Тоҷикистон пешниҳод манзур менамояд."

- ба Сохтори дастгоҳи марказии Хадамоти давлатии назорат дар соҳаи маориф, ки бо ҳамин қарор тасдиқ шудааст, тағйиру иловаҳои зерин ворид карда шаванд:

дар сархати сеюм баъд аз калимаҳои "назорати давлатӣ ва" калимаҳои "баҳодиҳӣ ба" илова карда шаванд;

дар сархати чорум калимаҳои "ҳуҷҷатҳо дар соҳаи маориф ва додани дараҷаи дотсентӣ ва профессорӣ" ба калимаҳои "ва эътирофи ҳуҷҷатҳои таҳсилот ва додани унвонҳои илмии дотсентӣ ва профессорӣ" иваз карда шаванд.

- дар Нақшаи идораи Хадамоти давлатии назорат дар соҳаи маориф, ки бо ҳамин қарор тасдиқ шудааст, тағйиру иловаҳои зерин ворид карда шаванд:

дар сархати дуюм калимаҳои "бахшҳои", "вилоятҳои Хатлон ва Суғд" мутобиқ ба калимаҳои "шӯъбаҳои", "вилоятҳои Хатлон, Суғд ва шаҳри Душанбе" иваз карда шаванд;

сархати се хориҷ карда шавад.