ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи таъсиси Стипендияи байналмилалии Президенти Ҷумҳурии Тоҷикистон "Дурахшандагон"

Мутобиқи моддаи 69 Конститутсияи (Сарқонуни) Ҷумҳурии Тоҷикистон бо мақсади дастгирии ҷавонони лаёқатманд ва мувофиқи талаботи иқтисодиёти миллии кишвар тайёр намудани мутахассисон дар муассисаҳои таълимӣ ва илмии давлатҳои хориҷӣ фармон медиҳам:

1. Стипендияи байналмилалии Президенти Ҷумҳурии Тоҷикистон "Дурахшандагон" таъсис дода шавад.

2. Маблағгузории Стипендияи байналмилалии Президенти Ҷумҳурии Тоҷикистон "Дурахшандагон" дар доираи маблағҳои дар буҷети давлатӣ барои тайёр намудани мутахассисон дар давлатҳои хориҷӣ пешбинишуда амалӣ карда шавад.

3. Вазорати маорифи Ҷумҳурии Тоҷикистон дар якҷоягӣ бо вазорату идораҳои дахлдор дар муддати ду моҳ Низомномаи Стипендияи байналмилалии Президенти Ҷумҳурии Тоҷикистон "Дурахшандагон"-ро таҳия ва барои тасдиқ ба Ҳукумати Ҷумҳурии Тоҷикистон пешниҳод намояд.